Morgunblaðið - 02.05.2020, Side 14

14 FRÉTTIRInnlent
MORGUNBLAÐIÐ LAUGARDAGUR 2. MAÍ 2020
Ágúst Ingi Jónsson
aij@mbl.is
Biðlistar eru komnir í margar
ferðir sumarsins á vegum Ferða-
félags Íslands um hálendi og eyði-
slóðir. Brugðist hefur verið við
með því að fjölga ferðum, meðal
annars hjá Ferðafélagi barnanna.
Páll Guðmundsson,
framkvæmdastjóri Ferðafélags Ís-
lands, segir að
síðustu vikur
meðan kórónu-
faraldurinn hafi
verið í hámarki
hafi fólk verið að
skrá sig í ferðir
og ganga í
Ferðafélagið. Í
fyrra fjölgaði um
þúsund manns í
félaginu, á annað
hundrað manns
hafa bæst við síðustu vikur og er
fjöldi félagsmanna nú farinn að
nálgast tíu þúsund, fleiri en
nokkru sinni.
Sem dæmi um ferðir sem eru
nánast uppseldar nefnir Páll ferðir
um Laugaveginn og Hornstrandir,
en einnig Víknaslóðir, Lónsöræfi
og Friðland að Fjallabaki. Hann
segir að Ísendingar hafi ævinlega
verið nánast einráðir í skipulögð-
um ferðum Ferðafélagsins, en hins
vegar hafi erlendir ferðamenn ver-
ið um 90% þeirra sem hafi gist í
skálum félagsins t.d. á Laugaveg-
inum síðustu ár. Þeir séu ekki á
leiðinni til landsins og óvíst hve-
nær það verði og því sé enn hægt
að fá gistingu í skálum félagsins.
Fjölmargir muni einnig kjósa að
gista í tjöldum.
Íslendingar hafa
verið að gefa í
Gönguferðir á vegum Ferða-
félagsins hafa verið í lágmarki síð-
ustu vikur en Páll segir greinilegt
að fram undan sé líflegt sumar.
,,Íslendingar hafa verið að gefa í
og það er augljóslega mikill áhugi
fyrir ferðum á framandi slóðir
innanlands. Um tíma var algert
frost í ferðum en síðan fór allt af
stað, bókunum hefur fjölgað og
mikið er spurt um tilboð í ferðir
og skála,“ segir Páll. Krafturinn í
gönguferðum sumarsins eykst eft-
ir því sem líður á júnímánuð og
sumarleyfisferðum fer fjölgandi
strax eftir miðjan júní samkvæmt
ferðaáætlun.
Páll segir að áhersla verði lögð
á að fylgja reglum um tveggja
metra fjarlægð og fjölda í skálum,
þrif og sprittun og annað í sam-
ræmi við tilmæli yfirvalda. Skála-
rekstur sé enn háður reglum og
viðmiðum um tveggja metra fjar-
lægð og hámarksfjölda. Aukin
stýring verði t.d. í eldhúsum skál-
anna og reglur um samskipti fólks
til að tryggja fjarlægð, sem aftur
gæti fækkað svefnplássum í skál-
unum.
Fylgja reglum og
kannski rúmlega það
,,Við búum okkur undir mikla
umferð ferðamanna inn á hálendið
og viljum hafa allar aðferðir á
hreinu varðandi skálana. Við mun-
um fylgja reglum og leiðbein-
ingum, og kannski rúmlega það,
og leggjum áherslu á að ferðafólk
geri það,“ segir Páll. Spurður
hvort ekki verði vandamál sam-
fara rútuferðum á vegum félagsins
segir Páll að yfirleitt komi fólk sér
sjálft á upphafsstaði göngu. Það
verði hins vegar metið þegar kem-
ur fram í júní hvort félagið þurfi
almennt að laga sig frekar að
þeim reglum sem þá verði í gildi
og hugsanlega að breyta einstaka
ferðum þar sem rútur koma við
sögu.
Biðlistar í ferðir um
hálendi og eyðislóðir
 ,,Um tíma var algert frost í ferðum en síðan fór allt af stað“
Ljósmynd/Myndabanki FÍ.
Sumar Glaðlegir krakkar í ferð á vegum Ferðafélags barnanna.
Páll
Guðmundsson
Sími 564 6711 | thingvangur@thingvangur.is | thingvangur.is
Í húsinu hefur verið rekið þjónustumiðstöð, veitingar- og sýningarstarfsemi.
Fasteignin er ekki í rekstri í dag. Stærð fasteignar er 835,7 fm. Stærð lóðar er
11.186 fm. Fyrir liggja teikning af 70 herbergja hóteli og samþykkt deiluskipulag.
Frekari upplýsingar hjá palmar@thingvangur.is, sími 896 1116..
Veitingarými - salir – gistirými
Tækifæri til frekari uppbyggingar
á gistimöguleikum á svæðinu
TIL SÖLU EÐA LEIGU
HELLNAR
Helgi Bjarnason
helgi@mbl.is
Afurðastöðvar hafa lent í vandræð-
um með sölu á steikum vegna hruns í
ferðaþjónustunni og lokunar veit-
ingastaða vegna kórónuveirunnar.
Aðallega snýr það að betri nauta-
steikum en einnig að einhverju leyti
að svínasteikum. Aukning í sölu til
verslana kemur ekki fyllilega í stað-
inn vegna þess að þangað fara að
hluta til aðrar afurðir.
„Þegar markaðurinn breytist jafn
mikið og raun ber vitni og á skömm-
um tíma lendum við í vandræðum
með samsetningu sölunnar. Sala til
stóreldhúsa og verslana er um margt
ólík. Vörurnar koma í sömu hlutföll-
um og áður út úr framleiðsluferlinu,“
segir Ágúst Torfi Hauksson, fram-
kvæmdastjóri Norðlenska og for-
maður Landssamtaka sláturleyfis-
hafa.
Hann segir að það sé krefjandi
verkefni að breyta framleiðslunni
með tilheyrandi vöruþróun og mark-
aðssókn.
Birgðir að aukast
Ljóst virðist að birgðir hafa verið
að aukast á ákveðnum skrokkhlutum
og fara þá væntanlega í frost. Spurð-
ur hvort sláturleyfishafar taki færri
nautgripi til slátrunar vegna þessa
segir Ágúst Torfi að afurðastöðvarn-
ar þurfi að hafa ýmsa þætti í huga.
Nefnir að það taki bóndann yfir
tvö ár að ala naut í sláturstærð.
Framboði á hráefni sé því ekki hægt
að breyta með skömmum fyrirvara.
Einnig þurfi að hafa velferð dýra í
huga, svo sem að ekki verði of þröngt
um dýrin heima á búunum. „Við
sinnum þessu verkefni af kostgæfni.
Einhverjir möguleikar eru til hliðr-
unar, en ekki miklir,“ segir Ágúst.
Innflutningstölur svipaðar
Höskuldur Sæmundsson, verkefn-
isstjóri markaðsmála hjá Landssam-
bandi kúabænda, segir að tölur um
heildarsölu á íslensku nautgripakjöti
hafi ekki verið að lækka verulega.
Bendir þó á að stór hluti nautakjöts
sem veitingastaðir og mötuneyti hafi
eldað fyrir viðskiptavini sína sé úr
innfluttu frosnu kjöti. Innflutningur
hafi lítið breyst að undanförnu en
engar upplýsingar liggi fyrir um
birgðir hjá innflytjendum eða veit-
ingahúsum. Þá vekur hann athygli á
því að þótt heimilaður hafi verið inn-
flutningur á fersku kjöti um áramót
hafi hann farið hægt af stað.
Bændur binda vonir við að með
upprunamerkingum í verslunum
muni neytendur frekar velja íslenskt
kjöt en innflutt og að grillsumarið
verði gott.
Sitja uppi með
bestu nauta-
steikurnar
 Breytingar á kjötmarkaðnum
vegna brotthvarfs ferðamanna
Morgunblaðið/Ómar
Nautasteik Lokun veitingastaða
hefur dregið úr sölu á steikum.
Sjávarútvegs- og landbúnaðarráðu-
neytið hefur með úrskurði fellt úr
gildi ákvörðun Matvælastofnunar
um að synja fyrirtæki um leyfi til
vinnslu lambshorna með útflutning
og sölu fyrir gæludýr í huga.
Lýsir ráðuneytið þeirri skoðun
sinni að rétt sé að heimila vinnslu
hornanna og leggur fyrir Matvæla-
stofnun að meta hvort hornin séu
hæf til nýtingar með tilliti til sýk-
ingarhættu.
Málið á sér langa sögu sem rekur
sig allt aftur til loka árs 2014. Þá
óskaði fyrirtæki á Húsavík eftir
leyfi til að vinna lambshorn sem
nagvöru fyrir gæludýr til útflutn-
ings. Eftir skoðanir og eftirlit fékk
framleiðandinn skilyrt leyfi til
þriggja mánaða. Leyfið var þó ekki
nýtt.
Erfiðleikar með
viðskiptaskjöl
Starfsemin var flutt til Bolungar-
víkur og sótti fyrirtækið um leyfi á
árinu 2016 til að vinna hornin, eftir
að Matvælastofnun hafði bent því á
að það þyrfti að gera. Gekk nú á
bréfaskiptum um sinn. Í ágúst 2017
hafnaði Matvælastofnun því alfarið
að fyrirtækið mætti geyma hornin í
gámi og ítrekaði fyrri fyrirmæli um
að farga þeim.
Ráðuneytið felldi þann úrskurð úr
gildi í lok árs 2018 og lagði fyrir
Matvælastofnun að taka málið til
nýrrar meðferðar. Sú meðferð leiddi
ekki til breytinga og synjaði Mat-
vælastofnun um leyfið.
Ágreiningurinn snerist mest um
rekjanleika afurðanna og að ekki
var hægt að sýna fram á viðskipta-
skjöl vegna hornanna. Það sagði
fyrirtækið að væri vegna vinnu-
bragða sláturhúsanna.
Rétt að veita leyfið
Í seinni úrskurði sínum vísaði
ráðuneytið til meðalhófsreglu
stjórnsýslulaga og þeirra gagna sem
fyrirtækið hefur lagt fram og taldi
rétt að heimila honum að nota um-
rædd lambshorn til framleiðslu
dýrafóðurs með því skilyrði að hann
sýndi fram á, með viðurkenndum
mælingum, að hornin væru hæf til
nýtingar með tilliti til sýkingar-
hættu. Ákvörðun Matvælastofnunar
um synjun á leyfi til vinnslu horn-
anna var felld úr gildi og lagt fyrir
stofnunina að meta hvort hornin
væru hæf til nýtingar með tilliti til
sýkingarhættu. helgi@mbl.is
Fær að flytja
út lambshorn
 Fyrri ákvörðun felld úr gildi