Skessuhorn - 05.02.2020, Blaðsíða 10

MIÐVIKUDAGUR 5. FEBRúAR 202010
Eins og margir þekkja hefur Andrea
Björnsdóttir, sem nýverið var kjörin
Skagamaður ársins 2019, haft það
sem áhugamál að selja varning og
sælgæti í anddyri Bónus og víðar.
Vöruna kaupir hún inn á heildsölu-
verði en lætur síðan hagnað af söl-
unni renna óskiptan til einstaklinga
eða fjölskyldna þeirra sem glíma
við sjúkdóma. Þannig hefur hún
á síðustu árum stutt við fjölmarga
einstaklinga svo um munar. Andr-
ea hefur fram að þessu sjálf lagt út
fyrir kostnaði við innkaupin. Í síð-
ustu viku framkvæmdi hún svo nýja
útfærslu á fjáröflun sinni og biðl-
aði til fyrirtækja um að styrkja hana
um höfuðstól innkaupsverðs þeirr-
ar vöru sem hún er að selja hverju
sinni. Lét hún boð út ganga á Fa-
cebook síðu sinni og nafngreindi
svo fyrirtækin jafnharðan og stuðn-
ingi var lofað. Það skipti engum
togum að viðbrögðin voru framúr-
skarandi. „Það kom í ljós að mjög
margir voru tilbúnir til að styðja
styrktarsjóðinn minn með þess-
um hætti. Upphæðin er 35 þúsund
krónur sem dugar fyrir einni ferð í
Góu eða til birgjans sem selur mér
litlu hjörtun. Með þessum stuðn-
ingi tvöfaldast um leið það sem
ég get látið af hendi rakna hverju
sinni,“ segir Andrea í samtali við
Skessuhorn. Síðastliðinn mánudag
höfðu sextán fyrirtæki heitið stuðn-
ingi við verkefnið, en þá voru fimm
dagar frá því hún kynnti söfnunina.
„Þetta eru fallegar viðtökur og sýn-
ir mikinn samhug í verki,“ segir
Andrea. mm
„Við viljum að sem flestir geti þátt í
móti UMFÍ, ætlum að breikka ald-
ursbilið og stefnum á fjölmennt
Landsmót UMFÍ 50+ í júní,“ seg-
ir Bragi Þór Svavarsson, sambands-
stjóri Ungmennasambands Borgar-
fjarðar. Hann skrifaði á föstudaginn
undir samning um mótið í Borgar-
nesi ásamt þeim Hauki Valtýssyni,
formanni UMFÍ, og Lilju Björg
Ágústsdóttur, settum sveitarstjóra
Borgarbyggðar.
Landsmót UMFÍ 50+ verður
haldið í Borgarnesi dagana 19.-21.
júní. Mótið var fyrst haldið árið
2011 og laðar það að sér æ fleiri
þátttakendur sem komnir eru um
miðjan aldur og vilja taka þátt í
skemmtilegum íþróttagreinum,
hvort heldur í einmenningsíþrótt-
um eða með fleirum í liði. Eins og
áður verður boðið upp á greinar
sem margir þekkja og hafa vakið
heilmikla athygli, þar á meðal hinn
klassíski pönnukökubakstur, stíg-
vélakast, boccia og ringó. Til við-
bótar verður bætt við knattspyrnu,
hlaupagreinum, blaki og ýmsum
fleiri spennandi greinum eins og
pílukasti. Til viðbótar verður heil-
mikil afþreying í boði fyrir alla
þátttakendur.
Mótið er hugsað fyrir þá sem
verða fimmtugir á árinu og eldri.
Hins vegar er nú gert ráð fyrir
mun fleiri þátttakendum á ýmsum
aldri. Bragi segir aldursbilið verða
breiðara nú og boðið upp á opn-
ar greinar fyrir yngri þátttakend-
ur þannig að sem flestir geti tekið
þátt í því. „Við viljum að sem flestir
heimamenn geti tekið þátt, líka þeir
sem eru ekki að verða fimmtugir.
Allir geta treyst því að þetta verður
skemmtilegt mót,“ sagði hann og
lagði áherslu á að mikil reynsla sé
fyrir mótahaldi í Borgarnesi og því
stefni þar í frábært mót í júní.
Haukur Valtýsson, formað-
ur UMFÍ, sagði við undirritunina
stefna í mjög skemmtilegt mót í
Borgarnesi. Staðsetningin sé auk
þess góð og aðstaðan með þeim
betri á landinu. Lilja Björg Ágústs-
dóttir, settur sveitarstjóri Borgar-
byggðar, tók undir með Braga og
sagði mikla áherslu hafa verið lagða
á að sem flestir í Borgarbyggð taki
þátt í íþróttastarfi í sveitarfélaginu.
„Þetta er gott innlegg í þá vinnu,“
sagði hún. mm
útlit er fyrir að Veitur verði fyrsta
fyrirtækið sem „nemur land“, ef
svo má að orði komast, í nýju at-
hafnasvæði í Flóahverfi á Akra-
nesi.
Þar hyggjast Veitur byggja upp
framtíðarhúsnæði sitt á Vestur-
landi, að sögn Ólafar Snæhólm
Baldursdóttur, upplýsingafulltrúa
fyrirtækisins. Hún segir að hús-
ið verði steypt, samtals um 980
fermetrar að stærð og muni hýsa
bæði verkstæði og skrifstofur.
Hönnun hússins stendur yfir um
þessar mundir og því enn ekki
ljóst hvenær hafist verður handa
við byggingu þess, að sögn Ólafar.
kgk
Veitur nema land
í Flóahverfi
Andrea fær fyrirtæki til liðs við sig
Frá undirritun samningsins í Borgarnesi síðastliðinn föstudag. F.v. Lilja Björg Ágústsdóttir, Haukur Valtýsson og Bragi Þór Svavarsson. Ljósm. umfí.
Fimmtugir og eldri stefna á að skemmta sér í Borgarnesi