Skessuhorn - 05.02.2020, Blaðsíða 22

MIÐVIKUDAGUR 5. FEBRúAR 202022
Pennagrein
Pennagrein
Við, sem við Breiðafjörð búum,
getum öll verið sammála um það
að Breiðafjörður er einstakur. Við
hljótum líka öll að vera sammála
um það að við viljum passa upp á
fjörðinn okkar svo áfram sé hægt
að nýta það sem hann hefur upp á
að bjóða um ókomna tíð. Við erum
þó kannski ekki öll á einu máli um
hvaða leiðir væri best að fara í þeirri
vegferð. Það er líka alveg eðlilegt,
enda er samtalið rétt að hefjast.
Í verndaráætlun fyrir Breiðafjörð,
sem var samþykkt af ráðherra árið
2015 eftir að hafa farið í umsögn
sveitarfélaganna við fjörðinn, eru
nefndar nokkrar leiðir til þess að
styrkja vernd Breiðafjarðar. Þar á
meðal að skrá svæðið á lista Rams-
arsvæða yfir alþjóðlega mikilvæg
votlendissvæði, tilnefna Breiðafjörð
á heimsminjaskrá UNESCO eða að
gera Breiðafjörð að þjóðgarði.
Hvernig er staðan í dag?
Breiðafjörður er verndaður með
sérstökum lögum nr. 64/1995 um
vernd Breiðafjarðar. Þó talað sé um
vernd „Breiðafjarðar“ er í raun að-
eins um að ræða eyjar, hólma, sker
og strandlengju við innanverðan
fjörðinn. Hafbolurinn og hafsbotn-
inn liggja utan þessarar sérstöku
verndar.
Lög um vernd Breiðafjarðar gera
ráð fyrir að Breiðafjarðarnefnd sé
ráðherra til ráðgjafar um verndar-
svæði Breiðafjarðar. Í henni sitja sjö
fulltrúar, fjórir tilnefndir af sveitar-
félögum, einn af Minjastofnun og
einn sameiginlega af Náttúrufræði-
stofnun Íslands og Náttúrustofum
Vesturlands og Vestfjarða. Formað-
ur er skipaður án tilnefningar. Allt
frá upphafi hefur sátt ríkt um skip-
an fulltrúa í Breiðafjarðarnefnd og
hefur nefndin lagt áherslu á mikil-
vægi þess að sveitarfélög á svæðinu
eigi meirihluta fulltrúa í nefndinni.
Breiðafjarðarnefnd hefur einsett
sér að nýta árið 2020 í ítarlega sam-
ráðsvinnu varðandi framtíð Breiða-
fjarðar. Nefndin stóð fyrir málþingi
í Tjarnarlundi í Dalabyggð í októ-
ber þar sem mögulegar leiðir fyrir
framtíð Breiðafjarðar voru kynnt-
ar og hverjir væru mögulegir kost-
ir þeirra og gallar. Í kjölfarið bauð
nefndin til fræðslukvölda í sveitar-
félögum á Snæfellsnesi og á næst-
unni munu sambærilegir fundir
verða haldnir í Dalabyggð, Reyk-
hólasveit og Vesturbyggð. Nefndin
sér fyrir sér að nýta þessa viðburði
til þess að kalla eftir viðbrögðum
íbúa, sveitarfélaga, atvinnulífs og
annarra hagmunaaðila.
Breiðafjarðarnefnd hefur enga
ákvörðun tekið um hvaða valkostir
henni þykja heppilegir fyrir fjörð-
inn. Hún er þó einhuga um að í það
minnsta þurfi að endurskoða lög
um vernd Breiðafjarðar. Rétt er að
árétta að nefndin sjálf tekur engar
ákvarðanir um framhaldið en hún
getur lagt fram sínar tillögur um
málið til ráðherra.
Nefndin leggur engar tillögur
fram nema að vandlega ígrunduðu
máli. Það því von hennar að íbú-
ar og aðrir hagmunaaðilar nýti sér
viðleitni nefndarinnar til að vinna
þessa vinnu faglega og á málefna-
legan hátt. Nefndin hvetur alla sem
áhuga hafa á að fræðast meira eða
koma skoðunum sínum á framfæri
að vera í sambandi við Breiðafjarð-
arnefnd. Með góðu og málefnalegu
samtali eru mestar líkur á því að við
getum fundið samhljóm sem tek-
ur tillit til mismunandi sjónarmiða
varðandi framtíð Breiðafjarðar.
Á næstunni mun nefndin halda
áfram að fjalla um hugmyndir
varðandi framtíð Breiðafjarðar, en
nefndin telur ekki seinna vænna
en að velta fyrir sér möguleikum
sem miða að varðveislu náttúru
og menningu svæðisins og því að
styrkja enn frekar samfélögin um-
hverfis fjörðinn.
Með von um gott samstarf,
Breiðafjarðarnefnd *
(www.breidafjordur.is)
Meirihluti bæjarstjórnar Akranes-
kaupstaðar hefur ákveðið að byggja
nýjan 6-8 deilda leikskóla í Skóg-
arhverfi. Líkt og áður hefur komið
fram telur undirritaður að umrædd
staðsetning sé röng. Ég er ennþá
sömu skoðunar.
Í dag höfum við tvö skólahverfi
fyrir grunnskólana. Skipting barna-
fjölda hefur verið um 60% í hverfi
Grundaskóla og um 40% í hverfi
Brekkubæjarskóla. Skipting búsetu
barna á leikskólaaldri eftir hverf-
um er í takti við þessa skiptingu en
samkvæmt minnisblaði skóla- og
frístundasviðs eru 42% leikskóla-
barna búsett í hverfi Brekkubæjar-
skóla og 58% í hverfi Grundaskóla.
Þrátt fyrir þessa skiptingu eru pláss
í leikskólunum á þann veg að ein-
ungis um 17% þeirra eru í hverfi
Brekkubæjarskóla en 83% í hverfi
Grundaskóla. Það er einungis einn
þriggja deilda leikskóli í hverfi
Brekkubæjarskóla. Með ákvörðun
um byggingu nýs leikskóla í Skóg-
arhverfi versnar staðan enn frekar.
Þess má geta að leikskólinn Akrasel
er aðeins í nokkur hundruð metra
fjarlægð frá fyrirhugaðri staðsetn-
ingu hins nýja leikskóla.
Í dag er akstursleið að tilvon-
andi leikskóla eftir þröngum íbúa-
götum.
Gera má ráð fyrir miklum um-
ferðarþunga á álagstímum um Asp-
arskóga og næsta víst að mikið um-
ferðaröngþveiti verður svo erfitt
verður að komast um Skógarhverf-
ið og jafnvel gæti umferð um Flata-
hverfi þyngst.
Í væntanlegu skipulagi fyr-
ir Skógarhverfið er gert ráð fyrir
að um síðir komi vegtenging út á
Þjóðbraut. Þá fyrst mun umferð á
álagstímum verða nokkurn veginn
í lagi.
Ein af höfuðröksemdum staðar-
vals nýja leikskólans var að umrædd
lóð væri tilbúin til byggingar. Það
liggur auðvitað í augum uppi að lóð
sem ekki er hægt að komast til og
frá nema í gegnum umferðaröng-
þveiti í íbúðagötum Skógarhverfis
getur alls ekki talist tilbúin og því
síður heppileg. Að vísa til úrbóta
sem þurfa stuðning Vegagerðar-
innar og vinnuhraða hennar er ekki
boðlegt fjölskyldufólki á Akranesi
og íbúum Skógar- og Flatahverfis.
Það er því bjarg-
föst skoðun mín
að í uppsiglingu sé
mikið skipulagsslys í Skógarhverfi
sem á eftir að verða mjög íþyngj-
andi fyrir stóran hluta íbúa Akra-
ness. Slys gera að jafnaði ekki boð
á undan sér en þetta slys er fyrir-
sjáanlegt.
Þessi ákvörðun meirihluta bæjar-
stjórnar er því afar óheppileg, svo
ekki sé meira sagt. Verra er þó að
fleiri skipulagsslys virðast í uppsigl-
ingu í Skógarhverfi. Meira um það
síðar.
Einar Brandsson
Höf. er bæjarfulltrúi Sjálfstæðis-
flokksins á Akranesi.
Framtíð Breiðafjarðar
Eyjafé sótt í Sellón á Breiðafirði. Ljósm. úr safni: Sumarliði Ásgeirsson.
Skipulagsslys í Skógarhverfi
Asparskógar séð út á Ketilsflöt. Mynd frá google.com/maps.