Skessuhorn - 15.07.2020, Síða 30

MIÐVIKUDAGUR 15. júlÍ 202030
Á morgun ætla ég...?
Spurning
vikunnar
(Spurt í Borgarnesi)
Þórkatla Dagný Þórarinsdóttir
„Að fara í ferðalag.“
Guðrún Ingadóttir
„Að fara í Hreppslaug.“
Markús Gunnarsson
„Að fá mér fisk, já, já, mjá.“
Tara Davíðsdóttir
„Fara í sund.“
Elma Davíðsdóttir
„Fara í sund.“
Knattspyrnulið Kára sigraði ÍR á
laugardaginn þegar liðin mættust
í fimmtu umferð 2. deildar knatt-
spyrnu karla á Akranesi. Strax í
upphafi leiks var dæmt víti á gest-
ina. Andri júlíusson fór á punkt-
inn og kom sínum mönnum yfir
þegar einungis tvær mínútur voru
liðnar af leiknum. Náði Kári að
halda þessari eins marks forystu út
90 mínúturnar og tryggðu þann-
ig stigin þrjú og sinn fyrsta sigur á
tímabilinu.
Með sigrinum fikra Káramenn
sig upp um eitt sæti og eru nú í
því 10. með fimm stig í vasanum.
Næst fara Káramenn suður með sjó
og etja kappi gegn Víðismönnum í
Garði á föstudag kl. 19:15.
glh
Eftir þriggja hrinu tap náði Víking-
ur Ólafsvík loks að snúa blaðinu við
þegar liðið sigraði botnlið Magna
í fimmtu umferð fyrstu deildar
knattspyrnu karla í Grenivík síðast-
liðinn laugardag.
Ólafsvíkurliðið hefur átt erfitt
uppdráttar á Íslandsmótinu. Í síð-
ustu umferð töpuðu þeir gegn Fram
á heimavelli svo þeir félagar komu
hungraðir til leiks gegn Magna.
Það var markaprinsinn Gonzalo
Zamorano leon sem skoraði fyrsta
mark leiksins eftir hálftímaspil.
Heimamenn í Magna fengu svo
víti í uppbótartíma fyrri hálfleiks.
Kristinn Þór Rósbergsson lét sér
ekki segjast og skilaði knettinum í
mark Víkings til að jafna metin.
Í síðari hálfleik þegar fimm mín-
útur lifðu af leik náði Harley Bryn
Willard að koma knettinum inn
fyrir mark heimamanna og tryggja
þannig langþráðan sigur Víkings.
2-1 var niðurstaðan.
Ólsarar eru nú í níunda sæti eft-
ir fimm umferðir með sex stig, jafn
mörg stiga og Afturelding í sætinu
fyrir ofan og jafn mörg stiga leikni
F. í sætinu fyrir neðan. Nú hefur
félagið sagt upp þjálfara liðsins en
ekki hefur nýr verið ráðinn í stað-
inn að svo stöddu. Nánar um það í
frétt hér á næstu síðu.
glh
leiðinlegt atvik átti sér stað í leik
Skallagríms og Berserkja á Skalla-
grímsvelli á föstudaginn þegar ras-
ísk ummæli féllu í garð leikmanns
Berserkja frá einum leikmanni
Skallagríms. Dómari leiksins tal-
aði ensku svo hann skildi ekki
hvað fram fór á milli leikmanna.
Gerðist þetta í upphafi seinni hálf-
leiks en leikmaður Skallagríms var
tekinn útaf á 55. mínútu. Mikil
fundarhöld urðu að leik loknum
en ekki liggur fyrir hverjar afleið-
ingarnar verða í kjölfar atviksins.
Stjórn Knattspyrnudeildar Skalla-
gríms sendi frá sér yfirlýsingu
vegna málsins:
„Í kjölfar leiks Skallagríms og
Berserkja í 4. deild karla, sem fór
fram á Skallagrímsvelli föstudag-
inn 10. júlí síðastliðinn, höfðu
dómari og aðstoðardómarar leiks-
ins samband við forráðamenn
Skallagríms. Þeir upplýstu að
leikmenn Berserkja tilkynntu
þeim að leikmaður Skallagríms
hefði í leiknum viðhaft ummæli
sem fælu í sér kynþáttafordóma.
jafnframt greindu þeir frá því að
þeir sjálfir hefðu ekki heyrt um-
rædd ummæli, en að þeir myndu
tilkynna þetta til KSÍ og voru for-
ráðamenn Skallagríms sammála
að svo yrði gert. Knattspyrnudeild
Skallagríms mun ekki líða það að
leikmenn viðhafi ummæli sem fela
í sér kynþáttafordóma og mun fé-
lagði grípa til viðeigandi ráðstaf-
ana í samráði við KSÍ,“ segir í yfir-
lýsingu stjórnar Skallagríms. glh
Skallagrímsmenn tóku á móti
liði Berserkja á föstudaginn þeg-
ar liðin mættust í fimmtu um-
ferð C riðils fjórðu deildar karla
í knattspyrnu. Í síðustu umferð
töpuðu Borgnesingar sínum
fyrsta leik, gegn liði KÁ, eftir að
hafa unnið allar sínar viðureign-
ir á mótinu. Eftir sigur á Ber-
serkjum eru þeir félagar komnir
á sigurbraut að nýju.
Heimamenn voru sprækir
strax frá upphafi og virtust til
alls líklegir. Þeir voru vel fær-
anlegir á vellinum og ákveðnir
í sínum aðgerðum. Sama hvað
gestirnir reyndu þá voru þeir
gulklæddu alltaf með tærnar í
boltanum. Það var svo á 36. mín-
útu sem að Skallagrímur náði að
opna vörn gestanna. Eftir flotta
markvörslu á línu í marki Ber-
serka náði Hlöðver Már Péturs-
son að fylgja eftir þegar boltinn
skoppaði aftur í teig gestanna
og lét knöttinn syngja í netinu.
Heimamenn leiddu með einu
marki í leikhléi.
Berserkir voru mun líflegri í
síðari hálfleik og sóttu hart að
Borgnesingum sem voru komnir
mjög aftarlega á vellinum þegar
líða tók á seinni hálfleik. Hægt
og rólega fóru þeir gulklæddu
að sækja meira. Þegar stundarf-
jórðurngur var til leiksloka tvö-
faldaði Declan joseph Redmond
forystuna. lokatölur 2-0 fyrir
Borgnesingum. Með sigrinum
taka þeir toppsætið á nýjan leik.
Eftir fimm umferðir eru
Skallagrímsmenn efstir með 12
stig, jafn mörg og Hamarsmenn í
Hveragerði. Næsti leikur Skalla-
gríms verður einmitt toppslag-
ur gegn Hamri í Hveragerði í
kvöld, miðvikudag kl. 19:15.
glh
Mynd úr tapleik Víkings gegn Fram í síðustu viku. Ljósm. þa.
Loksins sigur
hjá Víkingi Ó.
Fyrsti sigur Kára í höfn
Hlöðver Már Pétursson fagnar hér marki sínu.
Skallagrímsmenn aftur á toppinn
Rasísk ummæli féllu