Ægir - 2019, Page 6

Við vorum minnt á það, landsmenn, nú undir lok ársins að það
er allra veðra von á þessum árstíma. Stórviðrið gerði sér í lagi
mikinn usla á norðanverðu landinu og skildi eftir sig tjón á raf­
orkumannvirkjum og miklar truflanir á raforkuflutningum til
bæði heimila og atvinnufyrirtækja. Leita þarf mörg ár aftur í
tímann til að sjá viðlíka rafmagnsleysi á nokkrum stöðum lands­
ins og fyrir framleiðslufyrirtæki, líkt og í sjávarútvegi, hlaust af
því mikið tjón þegar þau þurftu nánast að leggja niður starfsemi
svo dögum skipti. Þetta sýnir öðru fremur hversu háð við erum
orðin rafmagninu í öllu okkar daglega lífi, hvort heldur það er á
heimilunum eða úti í atvinnulífinu. Hvort sem okkur líkar betur
eða verr þá er þetta það umhverfi sem við höfum skapað okkur
en við skulum hins vegar vera þess minnug hversu gríðarleg
lífsgæði við höfum í okkar eigin rafmagnsframleiðslu, að ekki sé
talað um það forskot sem það gefur okkur í atvinnulífinu. Nú­
tíma fiskvinnsla er ekkert án rafmagns – svo einfalt er það.
En það eru fleiri hliðar á þessu óveðri sem vert er að halda til
haga. Íslensk þjóð hefur í gegnum aldirnar séð á bak mörgum
góðum sjómönnum sem látið hafa lífið í baráttunni við vindinn
og óveðrin. Óveðurskaflinn sem nú gekk yfir hefur vafalítið ver­
ið áþekkur þeim stórviðrum sem við gjarnan lesum um í sagn­
fræðibókum og lýsa baráttu sjómanna á fyrri tíð fyrir lífi sínu. Í
orðsins fyllstu merkingu lífsbaráttu. Aðstæðum þegar engu
mátti muna að bátar þeirra færu niður. En því miður fóru þeir
alltof margir. Og oftar en ekki er í frásögnunum talað um að
veðrin hafi skyndilega skollið á. Öskubylur sem skall á eins og
hendi væri veifað.
Í nútímanum er mjög miklar upplýsingar að hafa frá veður­
stöðvum, bæði hérlendis og erlendis. Óveður kemur einfaldlega
ekki, eða á í það minnsta ekki að koma neinum í opna skjöldu.
Jafnvel þó að við eigum í flotanum mjög öflug skip þá mátti sjá
að flotinn brást vel við viðvörunum fyrir veðurhaminn á dögun­
um og hélt til hafnar. Á tímabil var ekkert einasta skip á sjó frá
Norðfirði í austri, norður og vestur um allt til Ísafjarðardjúps.
Enda hafa engar fregnir borist af óhöppum um borð í skipum
vegna veðursins. Mikil áhersla á öryggismálin á vafalítið sinn
þátt í þessu en líka hitt hversu miklar upplýsingar eru fyrirliggj­
andi. Þrátt fyrir stór og öflug skip þá er ekki teflt á tvær hættur
ef hægt er að komast hjá því. Því þegar öllu er á botninn hvolft
þá eru það auðvitað mannslífin sem eru aðalatriðið. Tafir frá
veiðum skipta engu máli þegar þau eru annars vegar.
Það er mikið fagnaðarefni að engin skráð banaslys á skipum
voru á þessu ári, þriðja árið í röð. Það er einstæður árangur og í
raun ótrúlegur miðað við þann flota og fjölda báta sem sækir
fiskimiðin við landið. Slysavarnaskóli sjómanna, útgerðir, skip­
stjórnendur og sjómenn allir geta glaðst yfir þessum árangri.
Hann er ekki sjálfsagður og hann næst ekki af sjálfu sér. Von­
andi verðum við sem fiskveiðiþjóð á sömu braut um ókomin ár.
Tímaritið Ægir sendir lesendum, starfsmönnum sjávarútvegi
og fjölskyldum þeirra hátíðarkveðjur og óskir um farsæld á kom­
andi ári.
Jóhann Ólafur Halldórsson skrifar
Baráttan við veðurhaminn
Vökvakerfislausnir
Vökvadælur, vökvamótorar
og stjórnbúnaður

Danfoss hf. Skútuvogi 6, 104 Reykjavík, Sími: 510 4100
www.danfoss.is
Stjórnbúnaður skipa. Tæknibúnaður sem ætlaður
er til notkunar á sjó mætir erfiðustu hugsanlegu
skilyrðum. Álag óblíðrar náttúru, miklar
hitabreytingar og stöðugur ágangur af söltum
sjó, eykur þörf viðskiptavina fyrir áreiðanlegan
og skilvirkan búnað.
Út gef andi:
Ritform ehf. ISSN 0001­9038
Rit stjórn:
Ritform ehf. Glerárgötu 24, Ak ur eyri.
Rit stjór i:
Jóhann Ólafur Hall dórs son (ábm.)
GSM 899­9865.
Net fang: johann@ritform.is
Aug lýs ing ar:
Inga Ágústsdóttir.
inga@ritform.is
Hönnun & umbrot:
Ritform ehf.
Suðurlandsbraut 30, Reykjavík.
Sími 515­5215.
Á skrift:
Hálfsársáskrift að Ægi kostar 6800 kr.
Áskriftar símar 515­5215 & 515­5205.
Af Ægi koma út 10 tölublöð á ári.
Eft ir prent un og ívitn un er heim il,
sé heim ild ar get ið.
Leiðari
6