Ægir - 2019, Side 12

12
Ægir tímarit stendur sem kunnugt
er á gömlum merg en útgáfa þessa
höfuðmálgagns íslensks sjávarút-
vegs hófst í júlí árið 1905. Ægir
gamli verður því 115 ára á næsta
ári. Við skulum rétt sem snöggvast
líta yfir útgáfusöguna og telja þá
upp sem hafa ritstýrt Ægi.
Stofnandi og útgefandi Ægis var
Matthías Þórðarson frá Móum og var
undirtitill blaðsins „Mánaðarrit um fiski­
veiðar og farmensku“. Matthías ýtti
sumsé fleytunni úr vör og stýrði henni
uns hún fór í tímabundið í strand árið
1909. Ásamt fleirum stofnaði hann Fiski­
félag Íslands 20. febrúar árið 1911 og
skyldi tilgangur þess vera að að efla
sjávarútveg og verslun með sjávaraf­
urðir á Íslandi.
Gefið út af Fiskifélagi Íslands
Árið 1912 tók Fiskifélagið við útgáfu
blaðsins. Á fyrsta tölublaðinu þetta ár er
undirtitill blaðsins „Mánaðarrit fyrir
fiskiveiðar og siglingar“ en löngum síðar
„Mánaðarrit Fiskifjelags Íslands“. Ægir
var áfram undir styrkri stjórn Matthías­
ar fram í janúar árið 1914. Þá tekur við
ritstjórninni maður að nafni Sveinbjörn
Egilson. Hann setti mjög svip á Ægi
næstu árin og gegndi stöðunni allt til
þess að Lúðvík Kristjánsson rithöfundur
tók við ritstjórn í ársbyrjun 1937. Lúðvík
var á póstinum fram til loka árs 1954 að
Davíð Ólafsson fiskimálastjóri tók að sér
ritstjórnina. Árið 1967 tók svo Már Elís­
son fiskimálastjóri við af Davíð og
gegndi stöðu ritstjóra til ársins 1983, síð­
ustu árin með Jónasi Blöndal skrifstofu­
stjóra Fiskifélagsins. Þá tók Þorsteinn
Gíslason fiskimálastjóri við ritstjórninni
af Má og við af honum tók Birgir Her­
mannsson árið 1985 en hann hafði verið
ritstjónarfulltrúi á blaðinu frá árinu
1978. Birgir hætti störfum snemma árs
1987 og tók Þorsteinn Máni Árnason þá
við keflinu um hríð. Frá hausti 1988 til
mars 1989 var Kristján Róbert Kristjáns­
son ritstjóri en þá skiptu með sér rit­
stjórn tveir starfsmenn Fiskifélagsins,
þeir Friðrik Friðriksson og Ari Árnason
og voru þeir ritstjórar allt fram til vors
árið 1993.
Útgáfan í aðrar hendur
Sumarið 1993 verður sú breyting á út­
gáfu Ægis að Fiskifélag íslands felur ut­
anaðkomandi aðila umsjón með blaðinu
og var samið við útgáfufélagið Skerplu
að annast það verk. Ritstjórar voru þá
skipaðir þeir Bjarni Kr. Grímsson, fram­
kvæmdastjóri Fiskifélagsins og Þórarinn
Friðjónsson. Í árslok 1996 tekur svo At­
hygli við umsjón blaðsins og kom þá Jó­
hann Ólafur Halldórsson blaðamaður inn
í stað Þórarins sem ritstjóri. Gegndu þeir
Bjarni Kr. og Jóhann Ólafur ritstjóra­
stöðunum til ársloka 1998 að Pétur
Bjarnason framkvæmdastjóri félagsins
kom í stað Bjarna.
Í árslok 2000 urðu svo þau straum­
hvörf í útgáfusögu Ægis að Athygli ehf.
keypti útgáfuna af Fiskifélaginu. Varð þá
Jóhann Ólafur einn ritstjóri blaðsins frá
ársbyrjun 2001 fram til sumars árið 2003
að Óskar Þór Halldórsson blaðamaður
tók við ritstjórn. Óskar þór gegndi því
starfi til byrjunar árs 2009 að Jóhann
Ólafur tók við ritstjórninni á ný sem
hann gegnir enn.
Á miðju ári 2018 tók Ritform ehf. við
útgáfu Ægis.
Ægir í 115 ár
■ Svona leit forsíða fyrsta
tölublaðs Ægis út þegar
það kom fyrir sjónir
manna sumarið 1905.
■ Árið sem haldið var upp á
aldarfjórðungs útgáfuaf-
mæli var kápan á Ægi
prentuð á rauðan pappír.
■ Einhver drátthagur
maður var fenginn til að
gera nýjan og óvenju-
legan blaðhaus á Ægi árið
1940. Hann var í notkun
til ársloka 1954.
■ Tímaritið Ægir stendur
enn vel fyrir sínu þótt
aldurinn færist yfir.
■ Reffilegir ritstjórar. Fyrstu ritstjórar
Ægis, Matthís Þórðarson frá Móum
og Sveinbjörn Egilson. Myndin er
tekin í júlí 1932 í tilefni af 25 ára
afmæli Ægis.