Ægir - 2019, Page 20

20
Willard Fiske Ólason fæddist í Grímsey árið 1936 þegar allt byggðist á sjálfsþurft-
arbúskap. Allir voru með búskap, kindur og kýr, og lifðu svo auk þess á fiski og
fugli. „Það voru held ég 30 kýr í eynni þá og svo voru menn með 20 upp í 60-70
kindur á fóðrum. Það var í alltaf nægur matur til. Það sem vantar á eyjuna núna
eru skepnur því hún er mjög grösug og það er auðvitað fuglinn sem sér svolítið
um það. Nú er helmingi meira af fugli í eynni en þegar ég var að alast upp. Þá
var hann mikið nytjaður, miklu meira en nú. Áður var sigið í öll björg og eggin
hreinsuð upp en fuglinn verpir alltaf aftur. Þeir fullyrða í dag að ekki sé pláss
fyrir fleiri fugla í bjarginu. Þeir bíði bara í röð til að komast á syllu til að verpa,“
segir Willard Fiske fyrrum skipstjóri og útgerðarmaður.
Við höldum okkur í Grímsey og við
uppvaxtarár Willards. „Ég byrjaði á ára­
báti með Matthíasi Jakobssyni þegar við
vorum sjö ára, báðir ósyntir en enginn
var hræddur um mann. Við vorum nærri
eyjunni svo alltaf sást til okkar. Þá var
rekið frystihús í eyjunni og við reyndum
að leggja upp hjá því. Fiskurinn var þá
frystur með roðinu en þar sem við vor­
um svo nálægt eyjunni vorum við mest
með rauðlitaðan þarafisk sem þeir vildu
ekki svo hann fór bara til heimilisbrúks.
En við reyndum samt að smygla einum
og einum inn á milli. Við fengum svo
borgað út í peningum, sem reyndar
sáust varla í eyjunni fyrst þegar ég var
að alast upp. Þá var nýlega komið útibú
frá Kaupfélagi Eyfirðinga en áður sóttu
menn mest til Húsavíkur í verslunar­
ferðir. Með kaupfélaginu var verslun op­
in á hverjum degi og þar var bara skrif­
að hjá hverjum og einum. Svo fór kaup­
félagsstjórinn yfir reikninga þegar gert
var upp og ef einhverjir áttu inni, færði
hann frá þeim til þeirra sem voru skuld­
ugir það sem þurfti til að jafna reikning­
inn fyrir bókhaldið í einn dag. Svo var
það fært til baka daginn eftir.“
Frí frameftir páskadegi
Fyrstu sjómennskuárin réri Willard á
trillu við eyjuna og byrjaði svo 19 ára
Keyptum ekkert
nema eiga
nokkurn veginn
fyrir því
Willard Fiske Ólason segir frá fiskveiðum á fyrri tíð og rekstri
útgerðar- og fiskvinnslufyrirtækisins Fiskaness
■ Fyrsti bátur þeirra félaga í Fiskanesi hét Geirfugl. Hann var keyptur frá
Húsavík og hét áður Héðinn.