Ægir - 2019, Síða 28

28
vera í útgerð nema með nægar heimild­
ir.“
Báturinn kostaði um 27 milljónir
danskar krónur eða ríflega 482 milljónir
íslenskar. Pétur segir að þetta sé gott
verð og bátasmiðjan virkilega góð.

Vel búið tímamótaskip
„Bárður SH er tímamótaskip og við von­
umst til að þetta sé upphaf að endurnýj­
un í vertíðarbátaflotanum. Þetta er full­
komnasti vertíðarbátur í þessum stærð­
arflokki við Íslandsstrendur í dag. Á því
leikur enginn vafi,“ segir Hrafn Sigurðs­
son hjá Aflhlutum ehf., umboðsaðila
dönsku skipasmíðastöðvarinnar hér á
landi. Fyrirtækið er einnig umboðsaðili
fyrir meginþorra vélbúnaðar um borð en
af því helsta má nefna aðalvél frá MAN í
Þýskalandi, ABT­TRAC hliðarskrúfur,
sem hvor um sig er 100 hestöfl, tvær
JOHN DEERE ljósavélar, GUERRA dekk­
krana og fleira. Dragnótarspilin eru frá
AS­SCAN og dekkbúnaður þ.e. fiskmót­
takan og fiskþvottakör frá BOA­TEC í
Danmörku. Í brú er tækjabúnaður af
gerðinni Furuno frá Mareind ehf. og
Brimrúnu ehf. Björgunarbúnaðurinn
kemur frá Viking.

Trefjaplastsmíði í hæsta
gæðaflokki
„Báturinn er allur smíðaður úr trefja­
plasti og eingöngu notast við ál og ryð­
frítt stál þar sem málmar eru notaðir.
Það sem plastið hefur umfram stálið í
skrokknum er mun minna viðhald, auk
þess að skrokkurinn er gríðarlega sterk­
ur og með meira fríborði en stálið. Burð­
arþolið á fiski er sem því nemur meira.
Trefjaplastsmíðin hjá Bedgaard Boats er
líka sérstaklega vönduð, plastið hjá þeim
er bæði þykkara, sterkara og vandaðra
en við höfum séð hjá öðrum framleið­
endum síðustu áratugina. Frágangur um
borð er líka mjög góður, innréttingar
vandaðar og hvergi slegið af í gæðakröf­
unum,“ segir Hrafn og bætir við að
margar íslenskar bátaútgerðir hafi beðið
þess að sjá Bárð með eigin augum og
sannfærast um smíði á svo stórum plast­
bát.
„Ég er þess vegna fullur bjartsýni á
að fleiri íslenskar útgerðir velji þennan
kost í framhaldinu. Vertíðarbátaflotann
er að stærstum hluta borinn uppi af 40­
50 ára gömlum stálbátum sem eru orðnir
viðhaldsfrekir. Miðað við allar nýjungar
sem í boði eru í dag þá er nýsmíði á
plastbátum í þessum stærðarflokki
áhugaverður kostur. Einmitt þessi sam­
setning á bát með dragnótar­ og neta­
búnað er útfærsla sem hentar mjög
mörgum útgerðum,“ segir Hrafn.
■ Bárður SH siglir inn i Hafnarfjarðarhöfn. Þar var búnaður settur um borð áður
en haldið er til fyrstu viðkomu í heimahöfn í Ólafsvík. Mynd: Andri Már Helgason