Ægir - 2019, Side 32

32
Ný Steinunn SF 10 í eigu Skinneyjar-
Þinganess ehf. er kom til heimahafnar
á Hörn í Hornafirði í lok nóvember en
skipið var smíðað hjá Vard skipa-
smíðastöðinni í Noregi og er það
sjötta sömu gerðar sem koma til ís-
lenskra útgerðar í ár. Sjöunda og síð-
asta skipið í þessum smíðapakka er
Þinganes SF sem Skinney Þinganes
áætlar að taka á móti í heimahöfn
þann 21. desember næstkomandi.
Það var rjómablíða þegar Steinunn SF
sigldi inn Hornafjarðarósinn en skipið
hafði fárra daga viðdvöl á Hornafirði áð­
ur en því var siglt til Hafnarfjarðar þar
sem nú er verið að setja upp vinnslu­
búnað á millidekki og kælibúnað.
Vinnslubúnaðurinn er frá fyrirtækjun­
um Micro og Völku en kælibúnaðurinn
frá Kælingu.
Steinunn SF er 29 metrar á lengd og
12 metra breið. Í skipinu eru tvær aðal­
vélar frá Yanmar og tvær skrúfur frá
Finnoy. Togspilin um borð eru frá Sea­
onics í Noregi og eru rafmagnsknúin.
Aflanemakerfi er frá Marport en SeaQ,
sem er dótturfyrirtæki Vard, hannaði
brúarkerfið. Flest tækin í brúnni eru af
gerðinni Furuno. Aflanemakerfið er frá
Marport ehf. og í lest er snúningsband
frá Vélaverkstæðinu Þór í Vestmanna­
eyjum. Skipin eru máluð með Internatio­
nal málningarkerfi frá Sérefni.
Á veiðar í febrúar
Áætlað er að Steinunn SF fari á veiðar
um miðjan febrúar. Gamla Steinunn SF
hefur verið afhent til Nesfisks sem einn­
ig keypti togskipið Hvanney SF af Skin­
ney Þinganesi í sumar og heitir hún Sig­
urfari í dag. Loks er Þinganes komið á
söluskrá.
Fyrir utan þessar nýsmíðar komu
Þórir og Skinney úr lengingu og miklum
endurbótum í sumar. Fyrirtækið fækkar
um einn bát eftir þessar breytingar allar.
Við þetta breytist útgerðarmynstrið
töluvert því frá stofnun fyrirtækisins
hefur verið gert út á netaveiðar og frá
2005 á snurvoð líka, auk togaveiða. Nú
verða þau veiðarfæri aflögð og veiðar
eingöngu stundaðar á togskipum. Áætl­
að er að tvö skipanna stundi humarveið­
ar næsta sumar, verði þær veiðar leyfð­
ar. Það verða þá Þórir og Skinney yfir
sumartímann. Annars verða skipin á
fiskitrolli.
Ný Steinunn SF 10
til Hornafjarðar
Ný fiskiskip
■ Glæsilegt skip Skinney SF sem hér siglir inn Hornafjarðarósinn í fyrsta sin.
■ Tveir í brúnni: Erling Erlingsson, skipstjóri á Steinunni SF og Ásgrímur Erlings-
son skipstjóri á Ásgrími Halldórssyni SF.