Morgunblaðið - 16.06.2020, Page 15

málið varða. Tillagan gengur út á
að finna sameiginlegan vettvang
þar sem hægt að er að draga fram
sérþekkingu ólíkra aðila, fjöl-
breyttan áhuga og sérstaka hags-
muni.
Græna hagkerfið
Þetta er ekkert nýtt, margir
þekkja klasasamstarf og þekking-
arsetur, en allir þekkja íslenska
sjávarklasann og hvernig þar hef-
ur tekist til, það orðspor nær langt
útfyrir landsteinana. Í bláa hag-
kerfi sjávarklasans eru sköpuð ný
verðmæti. Í þekkingarsetri í úrgangsmálum
má leiða saman fjöldann allan af aðilum til að
skapa verðmæti úr því sem áður var kostnaður.
Til dæmis mátti sameina meira en aldalanga
reynslu og þekkingu landgræðslufélaga við ný-
sköpunarhugmyndir framsækinna frumkvöðla.
Nú er lag að leggja af stað og Reykjavíkurborg
einmitt rétti aðilinn til að vera leiðandi í þeirri
Málefni úrgangsstjórnunar
hafa verið ofarlega á baugi síð-
ustu misserin. Áhugi almennings
á umhverfismálum og endur-
vinnslu hefur vaxið stórkostlega
á sama tíma. Nú er lag segi ég.
Mikið hefur verið rætt um
vandamál en nú vil ég koma með
tillögu að lausn. Tillagan er um
stofnun þekkingarseturs, eða ný-
sköpunar- og frumkvöðlasetur í
umhverfis- og úrgangsstjórn-
unarmálum, og verður hún lögð
fram í borgarstjórn í dag. Það mega allir eigna
sér þessa tillögu, allir sem áhuga hafa. En í til-
lögunni er gert ráð fyrir að Reykjavík taki
ákveðið frumkvæði í að leiða saman alla þá að-
ila sem að málinu koma og áhuga hafa á því.
Þessir aðilar eru ansi margir, stofnanir, félög,
fyrirtæki og áhugaaðilar, allt frá stærstu sveit-
arfélögum niður í einstaklinga sem láta sig
Eftir Örn Þórðarson » Finna þarf áhugasama
og drífandi aðila innan
borgarinnar, kynna hugmynd-
ina og laða að enn þá áhuga-
samari og meira drífandi aðila.
Ekki flókið.
Örn Þórðarson
Höfundur er borgarfulltrúi
Sjálfstæðisflokksins.
Þekkingarsetur í úrgangsmálum
vegferð. Tillagan fellur vel inn í hugmynd
borgarinnar sem nýlega var kynnt, um græna
planið. Tillagan fellur líka ágætlega að þeim
hugmyndum borgarinnar sem kynntar hafa
verið um að bjóða aðstöðu fyrir hugmyndaríka
aðila.
Allir græða
Tillagan er ekki flókin og henni fylgir lítill
sem enginn kostnaður. Finna þarf áhugasama
og drífandi aðila innan borgarinnar, kynna
hugmyndina út á við og laða að enn þá áhuga-
samari og meira drífandi aðila. Nóg er af hús-
næði til að bjóða sem aðstöðu í upphafi. Í grein-
argerðinni sem fylgir tillögunni segir meðal
annars; fjölmargar stofnanir á vegum borg-
arinnar hafa með umhverfis- og úrgangsmál að
gera, sem og ríkisstofnanir, félagasamtök,
áhugahópar og fjöldinn allur af einstaklingum.
Hlutverk borgarinnar yrði að vera í forystu um
að leiða þessa aðila saman, meðal annars í þeim
tilgangi að verða bakhjarlar nýsköpunar- og
frumkvöðlaseturs í þessum málaflokkum. Hver
samstarfsaðili kæmi með sína sérþekkingu og
sitt hlutverk til að aðstoða frumkvöðla sem
vilja láta til sín taka í málaflokknum með nýj-
um, frumlegum og skapandi hætti. Fyrir-
myndir að slíku frumkvöðlasetri eru víða, jafnt
innanlands sem utan. Ekki er gert ráð fyrir
beinu fjárframlagi borgarinnar á fyrstu stigum
verkefnisins, annað en að nýta, annars autt,
húsnæði á hennar vegum.
Á þessari tillögu græða allir. Vinnum hana
áfram og látum hana stækka.
15
MORGUNBLAÐIÐ ÞRIÐJUDAGUR 16. JÚNÍ 2020
Austurstræti Vegfarendur reyndu margir að verjast vætu á gangi um borgina í gær. Þá getur regnhlíf komið að góðum notum. Búast má við dálitlum skúrum í dag, en stytta á upp í kvöld.
Eggert
Borgin hefur byggt mörg bíla-
stæðahús, væntanlega með það
að markmiði að þau verði nýtt
sem best. Nýting þeirra er hins
vegar alls ekki góð. Í umsögn
vegna afgreiðslu tillögu Flokks
fólksins um að hafa bílastæða-
húsin opin allan sólarhringinn
segir „að nýting húsanna á þess-
um tíma sé almennt lítil, 10-15%
nýting ef langtímanotendur með
mánaðarkort eru taldir með.“
Ef gjaldfrjálst verður í bíla-
stæðahúsin frá kl. 22.00 til kl. 8.00 segja skipu-
lagsyfirvöld að gróflega megi áætla að tekjur
af rekstri þeirra dragist saman um 5-10 m.kr. á
ári.
Það er erfitt að skilja þessa röksemdafærslu
í ljósi slakrar nýtingar bílastæðahúsa. Ef notk-
un bílastæðahúsa er eins lítil og raun ber vitni
ætti það ekki að valda miklum kostnaði þótt
þau (eitt eða fleiri) verði gjaldfrjáls á nóttunni.
Slík tilhögun myndi eflaust skila samfélaginu
meiri ábata en sá 5-10 m. kr. tekjumissir sem
borgin kann að verða af.
Í dag, þriðjudaginn 16. júní, er umræða í
borgarstjórn um bílastæðahús Reykjavíkur-
borgar að beiðni borgarfulltrúa Flokks
fólksins. Kallað er eftir umræðu
um aðgerðir til að gera bílastæða-
húsin aðgengilegri, einfaldari,
meira aðlaðandi og skilvirkari
m.a. með tilliti til neyðarþjónustu.
Það er nefnilega fleira en gjald-
heimtan sem veldur því að ekki
hefur tekist að nýta bílastæðahús
betur og verða nokkur atriði
nefnd hér.
Ef fólk lendir í vandræðum með
að koma bílnum sínum út, t.d. ef
fólk hefur ekki áttað sig á lok-
unartíma bílastæðahússins, getur
það hringt í Reykjavíkurborg.
Eftir lokun þjónustuvers er sím-
svari sem segir að sé um neyðartilvik að ræða
skuli hringt í 112. Eftir að hafa fengið þessar
upplýsingar leggja margir á enda meta þeir að-
stæður kannski ekki sem slíkt neyðartilvik.
Þegar spurst var fyrir um þessi mál hjá Bíla-
stæðasjóði kom fram að ef beðið væri lengur á
línu þjónustuversins, fram yfir tilkynninguna
um að hringja í 112 í neyðartilvikum, segði í
símsvara að hægt væri að velja númer ákveð-
innar deildar, þar á meðal bilanadeildar.
Af annarri aðstoð í boði má sjá, þegar rýnt er
gaumgæfilega í merkingar á greiðsluvélum,
bendingu á hnapp sem á stendur „aðstoð/help“.
Hvorugt þessara hjálparúrræða er nægjanlega
sýnilegt eða skýrt. Hér þarf að gera betur.
Hagkvæmara að leggja
bílnum úti en inni
Gjalds í bílastæðahúsum er krafist allan opn-
unartímann en gjald í bílastæðum á götum
fylgir nokkurn vegin opnunartíma verslana.
Bílastæðahús taka heldur ekki við greiðslum
frá snjallkerfum. Bílastæðahús eru lokuð að
nóttu en bílastæði á götum eru alltaf tiltæk.
Næturlokun veldur því að sækja þarf bílinn
fyrir kl. 24.00 ella bíða til morguns. Síðast en
ekki síst eru mörg bílastæðahús illa lýst og
kuldaleg. Sterkar vísbendingar eru um að fólk
sem komið er á og yfir ákveðinn aldur noti ekki
bílastæðahús. Margt eldra fólk segist heldur
ekki treysta sér að eiga við miðakerfi greiðslu-
vélanna.
Þetta má bæta með einföldum aðgerðum
sem kosta lítið miðað við byggingarkostnað
húsanna. Til að laða að fólk sem er óvant bíla-
stæðahúsum lagði Flokkur fólksins til að
starfsmaður yrði tiltækur hluta dags t.d. um
helgi til að fræða og leiðbeina þeim sem vilja
verða öruggari í bílastæðahúsi. Með þessari
einföldu aðgerð gætu fleiri viljað nota bíla-
stæðahús. Almennt þarf að bæta upplýsingar
og merkingar og gera allar leiðbeiningar skýr-
ari og skilvirkari. Fólk sem lendir í einhvers
konar vandræðum með bíl sinn í bílastæða-
húsum borgarinnar þarf að fá aðstoð strax.
Auk tillögu um næturopnun bílastæðahúsa
hefur fulltrúi Flokks fólksins lagt til að bjóða
ókeypis stæði í t.d. 90 mínútur í bílastæða-
húsum um helgar. Það myndi hvetja bílaeig-
endur sem ekki aka rafbílum til að leggja í bíla-
stæðahúsi fremur en í götustæði.
Bygging bílastæðahúsanna var veruleg fjár-
festing og það er því öfugsnúið að reyna ekki
að nýta þau sem best. Fjölmargar aðgerðir
sem í hinu stóra samhengi kosta lítið falla á
dauf eyru meirihlutans vegna þess eins að þær
miða að því að bæta hag bifreiðareigenda. Það
er t.d. rökleysa að halda því fram að bílastæða-
sjóður muni tapa tekjum þótt boðið sé upp á fá-
einar ókeypis klukkustundir í bílastæðahúsi
eða næturopnun. Taka á tillit til ábata borgar-
búa af auknu aðgengi að bílastæðahúsum. Vill
borgarmeirihlutinn fækka bílum á götum eða
ekki?
Eftir Kolbrúnu
Baldursdóttur » Það er rökleysa að halda
því fram að Bílastæða-
sjóður muni tapa tekjum þótt
boðið sé upp á fáeinar ókeypis
klukkustundir í bílastæðahúsi
eða næturopnun.
Kolbrún
Baldursdóttir
Höfundur er borgarfulltrúi Flokks fólksins.
Umræða um bílastæðahús í borgarstjórn