Morgunblaðið - 26.06.2020, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 26. JÚNÍ 2020
Það vakti töluverða athygli þegar
þýski kafbáturinn U-36 kom til
hafnar við Skarfabakka í Reykjavík
í gærmorgun, í fylgd hafnsögubáta.
Kafbáturinn mun taka þátt í
NATO-æfingu sem fer fram við Ís-
landsstrendur 29. júní til 10. júlí.
Ber æfingin nafnið Dynamic Mon-
goose.
U-36 er af nýjustu gerð kafbáta,
af gerðinni 212 sem hönnuð er af
Howaldtswerke-Deutsche Werft
AG fyrir þýska og ítalska sjóherinn.
Kafbátar af þessari gerð eru 57
metra langir og 6,8 metrar að
breidd og búast má við að það sé
þröngt um áhöfnina.
Tíu slíkir kafbátar hafa verið
framleiddir og er gert ráð fyrir að
16 bætist við á næstu árum. Ekki er
um að ræða ódýr tæki og kostar
hver bátur á bilinu 280 til 560 millj-
ónir evra eftir því hvernig hann er
búinn, jafnvirði 44 til 88 milljarða
íslenskra króna.
U-36 er í fyrstu kafbátasveit
þýska sjóhersins og er með heima-
höfn í Eckernförde í Slésvík-
Holtsetalandi. gso@mbl.is
Þýska kafbátinum U-36 fylgt inn sundin blá af hafnsögubátum
Tekur þátt
í æfingu
NATO
Morgunblaðið/Eggert
Höskuldur Daði Magnússon
hdm@mbl.is
Starfshópur um öryggismál í skóla-
og frístundastarfi á vegum Reykja-
víkurborgar leggur til að settar verði
upp öryggismyndavélar þar sem
þörf er talin á við grunnskóla, leik-
skóla og frístundastarfsstöðvar í
borginni.
„Ljóst er að öryggismyndavélar
geta aukið öryggi barna og starfs-
fólks fyrst og fremst með því að hafa
ákveðinn fælingarmátt fyrir óvið-
komandi mannaferðir á þessum
starfsstöðum og einnig þegar kemur
að skemmdarverkum og þjófnaði,“
segir í skýrslu starfshópsins.
Hópurinn var skipaður eftir mikla
umræðu um öryggismál í skólum í
kjölfar þess að karlmaður fór inn í
Austurbæjarskóla á miðjum skóla-
degi, lokkaði níu ára gamla stúlku af-
síðis og þuklaði á henni og hafði uppi
kynferðislega tilburði.
Í tillögum starfshópsins er mælst
til þess að starfsfólk í skólastarfi sé
auðkennt, til dæmis með auðkenn-
iskorti og að gestir fái gestakort í
hálsbandi. Einnig er lagt til að
starfsfólk sé auðþekkjanlegt í úti-
veru, til að mynda í skærlitum vest-
um. Merkingum í skólabyggingum
er ábótavant, skýrt þarf að vera hvar
skrifstofu skóla er að finna og hvar
aðalinngangur sé. Fækka ætti ólæst-
um inngöngum.
Mælst er til þess að öryggis-
myndavélar verði eingöngu utan-
dyra við leikskóla, frístundaheimili
og félagsmiðstöðvar en þær verði
bæði innan dyra og utan í grunnskól-
um. Telur hópurinn að skoða ætti
hvort viðbótarlýsing eða skynjara-
ljós geti dregið úr óæskilegum heim-
sóknum á skólalóðir á kvöldin og um
helgar. Einnig vill hópurinn að kann-
að verði hvort aðgangsstýring geti
hentað í skólum sem eru í alfaraleið,
til dæmis í miðborginni, eða þar sem
dæmi eru um óæskilegar heimsókn-
ir.
Myndavélar borgi sig fljótt upp
Ítarlega er fjallað um kosti þess að
setja upp öryggismyndavélar í skól-
um í skýrslunni. Vitnað er til orða
eins skólastjóra sem sagði að
myndavélarnar nýttust til að geta
stigið niður fæti þegar einstaklingar
byrja að sýna brotahegðun. Þá komi
þær í veg fyrir fjárhagstjón og því
geti kostnaður við uppsetningu fljótt
borgað sig upp.
Verulegur kostnaður er sagður
hljótast af kostnaði vegna skemmd-
arverka. Þannig nemi kostnaður
vegna rúðubrota um 50 milljónum
króna á síðustu fjórum árum. Dæmi
séu um að rúðubrotum hafi fækkað
mikið eftir að settar voru upp
myndavélar við skóla.
Myndavélar verði innan- og utandyra
Morgunblaðið/Árni Sæberg
Austurbæjarskóli Alvarlegt atvik varð kveikjan að úttekt á öryggismálum.
 Tillögur starfshóps um bætt öryggismál í skóla- og frístundastarfi í Reykjavík kynntar  Starfsfólk
verði auðkennt og inngöngum fækkað  Myndavélar nýtist í skólastarfi og gegn skemmdarverkum
Öryggismál í skólum
» Starfshópur um öryggismál
í skóla- og frístundastarfi
fundaði frá nóvember síðast-
liðnum og fram í maí.
» Mælist hópurinn til þess að
skólar geri eigin verklagsreglur
um innra öryggi og bæti upp-
lýsingagjöf.
» Bæta þarf skráningu koma
og brottfara á leikskólum og í
frístundastarfi. Starfsfólk
gangi með auðkenniskort á
vinnutíma.