Morgunblaðið - 26.06.2020, Blaðsíða 11

FRÉTTIR 11Innlent
MORGUNBLAÐIÐ FÖSTUDAGUR 26. JÚNÍ 2020
Sigurður Bogi Sævarsson
sbs@mbl.is
„Þetta hafa verið dýrðlegir dagar og
fátt veit ég skemmtilegra en ganga á
fjöll þegar gott er veður. Þriðjudag-
urinn var að því leyti alveg frábær
og útsýnið af Hólmatindi er stór-
kostlegt,“ segir Sævar Guðjónsson á
Eskifirði.
Nú í vikunni hefur verið á dag-
skránni gönguvikan Á fætur í
Fjarðabyggð, en undir þeim merkj-
um eru á dagskrá skipulagðar ferðir
á fjöll í þessu sveitarfélagi landsins
sem austast liggur. Að dagskránni
standa Fjarðabyggð, Ferðafélag
Fjarðamanna og síðast en ekki síst
Ferðaþjónustan á Mjóeyri í Eski-
firði sem Sævar og Berlind Ingv-
arsdóttir kona hans eiga og reka.
Gönguvikan hófst með fjölmenn-
um leiðangri um Barðsnesið sl. laug-
ardag. Morgungöngurnar hófust svo
á mánudag þegar gengið var á Hóla-
fjall í Seldal inn af Norðfirði og á
þriðjudag á Hólmatind sem gnæfir
yfir Eskifjörð; foldgnár og fallegur.
Frá Karlsskála í Vöðlavík
Fleiri fjöll á svæðinu hafa verið
klifin nú í vikunni; miserfið en öll
áhugaverð. Gönguvikunni lýkur svo
á morgun, laugardag, með leiðangri
um Gerpissvæðið þegar gengið er
frá svonefndum Karlsskála út að
fjallinu Snæfugli. Þaðan verður farið
yfir í Vöðlavík og til baka.
Gönguvikan í Fjarðabyggð, sem
jafnan er síðast í júní ár hvert, var
nú á dagskránni í 13. sinn. Hefð hef-
ur því skapast fyrir þessum viðburði.
Margir göngugarpar mæta árlega
og sumir koma langt að. „Já, nokkrir
þátttakendur nú komu af höfuðborg-
arsvæðinu og einnig voru Akureyr-
ingar og Eyjafólk í hópnum,“ segir
Sævar Guðjónsson, sem er alvanur
fjallagarpur. Hefur víða farið og er
alvanur til dæmis sem leiðsögu-
maður hreindýraveiðimanna, en sú
vertíð hefst innan tíðar.
Hæð Hólmatinds er á reiki
„Hólmatind er ekkert mál að
ganga á. Þetta var dæmi sem allir
höfðu gaman af,“ segir Sævar. „Við
lögðum af stað um klukkan 10 á
þriðjudagsmorgninum frá Sóma-
stöðum í Reyðarfirði, sem eru
skammt frá álverinu. Alls voru 94 í
hópnum og allir náðu takmarkinu,
enda þótt stundum væri þetta klöng-
ur til dæmis í skriðum í fjallinu
sunnanverðu. Alls tók það okkur um
þrjár og hálfa klukkustund að kom-
ast á toppinn, þaðan sem er ein-
staklega víðsýnt. Austfjarðafjöllin
sem eru nánast óteljandi blöstu við
okkur, við sáum langt út á haf. Í
fjarskanum inni á hálendinu djarfaði
fyrir Snæfelli.“
Nokkuð er á reiki hve hár Hólma-
tindur raunverulega sé. Samkvæmt
opinberri mælingu er hæðin 985
metrar, en Sævar telur hins vegar að
fjallið sé 1.030 metra hátt og miðar
þar við niðurstöður úr GPS-tækjum
sem í dag eru orðin almenningseign.
Hver rétt hæðatala sé þurfi að kom-
ast á hreint og því eigi starfsfólk
Landmælinga Íslands næsta leik.
Stórkostleg útsýni
„Gangan á Hólmatind var
skemmtileg. Þetta var svolítið bratt,
sérstaklega neðstu brekkur, en svo
var þetta bara þægilegt og útsýnið
af toppnum er stórkostlegt,“ segir
Benedikt Jóhannesson, stærðfræð-
ingur og fyrrverandi fjármálaráð-
herra. Hann kom gagngert austur til
að taka þátt í gönguvikunni og hefur
tekið þátt í flestum ferðunum sem á
dagskránni hafa verið. „Eftir þessa
viku verð ég á tveimur sumrum bú-
inn að ná á milli 10 og 15 fjöllum á
Austurlandi. Ég er svo með margt á
dagskrá sumarsins, mörg áhugaverð
fjöll eru á listanum víða um landið
hjá mér,“ segir Benedikt sem hefur
gaman af útivist. Gengur reglulega á
Esjuna og Úlfarsfell, en fer hingað
og þangað um landið í gönguferðir. Í
sumar stefnir hann til dæmis á
Tröllakirkju á Holtavörðuheiði og að
ganga með dr. Gylfa Ólafssyni,
sjúkrahússtjóra á Ísafirði, gömlu
þjóðleiðina úr Hestfirði í Ísafjarð-
ardjúpi, um Glámuhálendi Vest-
fjarða. Þaðan er svo komið niður í
Dýrafjörðinn sem öll vötn falla til,
rétt eins og segir frá í Gísla sögu
Súrssonar.
Hólmatindur
er ekkert mál
 Fjallgöngur í Fjarðabyggð í göngu-
viku  Austfjarðafjöllin eru óteljandi
 Barðsnesið, Hólafjall og Snæfugl
Ljósmynd/Sævar Guðjónsson
Valkyrjur Að komast á toppinn er sálrænn sigur og þá
er sjálfsagt að skella í svo sem eina myndatöku.
Garpar Tæplega 100 manns voru í hópnum sem gekk á Hólmatind sl. þriðjudag. Í baksýn sér út Reyðarfjörðinn.
Göngumenn Benedikt Jóhannesson, fv. fjármálaráð-
herra, til vinstri og Sævar Guðjónsson frá Eskifirði.
Hólmatindur Gnæfir yfir byggðina á Eskifirði og er um 1.000 metra hár.
Ljósmynd/Sævar Guðjónsson Morgunblaðið/Sigurður Bogi
Bláu húsin Faxafeni ◊ S. 588 4499 ◊ Opið mán.-fös. 11-18, lau. 11-16 ◊ www.mostc.is
Vefverslun
komin í
loftið!
mostc.is
Gerið verðsamanburð
FULL BÚÐ AF NÝJUM
OG FALLEGUM VÖRUM
5.990 kr.
Túnika
7.990 kr.
Kápa
Af öllum sem voru atvinnulausir í
seinasta mánuði var ungt fólk 16 til
24 ára alls 40,4% atvinnulausra og
var atvinnuleysi á meðal þess 23,3%.
Þetta kemur fram í niðurstöðum
vinnumarkaðskönnunar Hagstofu
Íslands sem birtar voru í gær en at-
vinnuleysi á landinu öllu mældist
9,9%. Atvinnuleysið er sérstaklega
mikið á vormánuðum meðal ungs
fólks sem er í atvinnuleit eftir að
skólum lýkur.
Fram kom á yfirliti Vinnumála-
stofnunar fyrr í þessum mánuði yfir
skráð atvinnuleysi í maímánuði að
samtals voru 2.142 hefðbundnir at-
vinnuleitendur á aldrinum 18-24 ára
án atvinnu í lok maí, sem samsvarar
um 7,0% skráðu atvinnuleysi. Hafði
þá atvinnulausum ungmennum
fjölgað um 1.356 frá maí í fyrra þeg-
ar fjöldi atvinnulausra á þessu ald-
ursbili var 786.
Jafnast á við ástandið sem
var á árunum 2009 til 2011
Í umfjöllun Hagstofunnar í gær
um niðurstöður vinnumarkaðskönn-
unarinnar segir að atvinnuleysi í maí
hafi verið nokkuð hærra en það sem
alla jafna sést í maímánuði og megi
þar líklega kenna áhrifa kórónu-
veirufaraldursins á íslenskan vinnu-
markað. „Leita þarf aftur til áranna
2009-2011, þegar atvinnuleysi jókst í
kjölfar efnahagskrísunnar, til þess
að finna svipað hlutfall mánaðarlegs
atvinnuleysis. Í mars, þegar áhrifa
faraldursins fór fyrst að gæta á Ís-
landi, mældist atvinnuleysi 3,3% og
hefur hlutfall atvinnulausra aukist
um 6,6 prósentustig síðan,“ segir í
frétt Hagstofunnar.
Þegar atvinnuleysið í maí er borið
saman við mælingar síðustu tveggja
ára kemur í ljós að hlutfall atvinnu-
lausra er nú 3,9 prósentustigum
hærra en í sama mánuði 2019 og 6,9
prósentustigum hærra en í maí 2018.
„Atvinnulausum fjölgar um 8.000 frá
maí 2019 og um 14.600 frá maí 2018.“
Ungt fólk er 40,4%
allra atvinnulausra
 Atvinnuleysi í maí
9,9% yfir landið að
mati Hagstofunnar
Morgunblaðið/Ásdís
Sumarstörf 23,3% atvinnuleysi var
meðal fólks á aldrinum 16-24 í maí.