Morgunblaðið - 02.07.2020, Page 12

12 DAGLEGT LÍF
MORGUNBLAÐIÐ FIMMTUDAGUR 2. JÚLÍ 2020
Kristín Heiða Kristinsdóttir
khk@mbl.is
Sveitalífið venst bara vel, al-veg nóg að gera og stund-um langur vinnudagur, þaðkemur fyrir að ég eigi eftir
að gefa fénu loksins þegar ég er
kominn heim,“ segir Árni F. Sig-
urðsson, ungur fjárbóndi á bænum
Eyjardalsá í Bárðardal, en hann
stundar heldur óvenjulega vinnu
meðfram búskapnum. Hann er
hljóðtæknimaður hjá Menningar-
félagi Akureyrar og starfar m.a. við
að taka upp kvikmyndatónlist sem
Sinfóníuhljómsveit Norðurlands
hefur í auknum mæli tekið að sér að
spila.
„Ég er Akureyringur en ég bjó
í Reykjavík og vann þar sem hljóð-
tæknimaður í tónlistarhúsinu Hörpu
í nokkur ár. Þar fékk ég tækifæri til
að taka þátt í mörgum stærstu við-
burðum sem haldnir voru á landinu.
Borgarlífið hefur aldrei átt vel við
konuna mína, Önnu Guðnýju Bald-
ursdóttur, og hennar draumur var
að flytja aftur heim í sveit og taka
við búi foreldra sinna á Eyjardalsá.
Hún fór í Bændaskólann á Hvann-
eyri en ég fór til Reykjavíkur að
vinna. Hún var einn vetur heima hjá
foreldrum sínum að sjá um búið
þegar pabbi hennar þurfti í aðgerð,
en hún fór síðan í nám í hestafræð-
um á Hólum og hefur verið að vinna
í því að klára hársnyrtiiðn. Haustið
2015 sáum við tækifæri til að flytja
aftur norður þegar mannabreyt-
ingar voru hjá Menningarfélagi Ak-
ureyrar og þá setti ég allt af stað og
flutti norður sumarið 2016 og byrj-
aði að vinna um haustið,“ segir Árni
og bætir við að þau Anna Guðný hafi
formlega tekið við rekstri búsins á
Eyjardalsá um áramótin 2016/2017.
Veira fæddist í covid-tíð
„Ég hef starfað hjá Menningar-
félaginu við ýmsa viðburði, tónleika
og ráðstefnur, og ég hef tekið þátt í
mörgum spennandi verkefnum í
leikhúsinu, því Leikfélag Akureyrar
er hluti af Menningarfélaginu. Þeg-
ar ég hóf störf höfðu verið ein-
hverjar kvikmyndatónlistarupp-
tökur en haustið 2017 var farið í
upptökur á tónlist fyrir teiknimynd-
ina Lói þú flýgur aldrei einn, en þá
var í fyrsta sinn á Íslandi leikin tón-
list af stórri sinfóníuhljómsveit frá
fyrstu mínútu til þeirrar síðustu í
kvikmynd. Sinfóníuhljómsveit Norð-
urlands tók að sér að leika þessa
tónlist kvikmyndatónskáldsins Atla
Örvarssonar, sem býr einmitt á
Akureyri,“ segir Árni sem sér ekki
eftir að hafa flutt aftur norður, þau
Anna Guðný eru með 170 kindur á
vetrarfóðrum og reka líka hestaleig-
una Eyjardalsá Horse Riding.
„Anna hafði unnið
á hestaleigunni í Salt-
vík rétt utan við Húsa-
vík, en þegar við áttum
von á okkar fyrsta
barni, sem fæddist í
janúar 2018, sáum við
að Anna gat ekki verið
í fullri vinnu utan heim-
ilis og þá kom upp sú
hugmynd að gera út
stuttar ferðir í kringum bæinn, en
frábærar reiðleiðir eru hér í kring-
um okkur. Við eignuðumst aðra frá-
bæra stúlku í apríl á þessu ári, hún
fæddist á miðju covid-tímabilinu og
áður en hún fékk nafn kallaði mágur
minn hana aldrei annað en Veiru.“
Hundrað manna verkefni
Árni segir að þau Anna Guðný
skipti með sér verkum á bænum,
hann sé ágætur á traktornum en
hún sé betri með skepnurnar.
„Þetta getur stundum verið
snúið þegar það er mikið að gera á
hvorum tveggja vígstöðvum hjá
mér, til dæmis kom upptökuverkefni
í vor í sauðburðinum, á sama tíma og
yngri stúlkan okkar fæddist, en allt
hefur þetta bjargast. Upptökuverk-
efnum hjá Sinfóníuhljómsveit Norð-
urlands fyrir kvikmyndatónlist
fjölgaði mikið þegar covid skall á,
því úti í heimi stoppaði allt slíkt. Við
höfum verið að stjórna upptökum
fyrir Netflix og BBC í Hofi und-
anfarið, til dæmis Hollywood-
verkefni eins og upptökur á tónlist
The Hitman‘s Wife‘s Bodyguard, en
höfundur tónlistar þeirrar kvik-
myndar er einmitt fyrrnefnt tón-
skáld, Atli Örvarsson. Þessi mynd er
framhald á kvikmyndinni The Hit-
mans‘s Bodyguard og skartar eng-
um smá nöfnum í leikaraliðinu,
stjörnum eins og Ryan Reynolds,
Samuel L. Jackson, Salma Hayek,
Frank Grillo, Antonio Banderas og
Morgan Freeman. Þessar upptökur
voru mjög stórt verkefni fyrir Sin-
fóníuhljómsveit Norðurlands, en
hátt í 100 manns koma að því.
Hljómsveitin hefur líka verið að
vinna með bresku tónskáldi, ungri
konu og rísandi á þessu sviði, hún
heitir Sarah Class og við höfum ver-
ið að taka upp tónlist hennar fyrir
náttúrulífsþætti BBC-sjónvarps-
stöðvarinnar. Ég veit ekki betur en
sjálfur David Attenborough lesi inn
á þessa þætti,“ segir Árni og játar
því að það sé virkilega gaman fyrir
hann fjárbóndann að vinna við slík
verkefni fyrir virt fyrirtæki eins og
BBC og Netflix.
„Við tókum líka upp tónlistina
fyrir Júróvisjón-mynd Will Ferrell,
Eurovision Song Contest: The Story
of Fire Saga, en Atli samdi þá tón-
list.“
Spilað í 28 tíma á 4 dögum
Árni segist ánægður með að
Sinfóníuhljómsveit Norðurlands sé
komin á kortið sem hljómsveit sem
tekur að sér að spila kvikmynda-
tónlist.
„Við þurfum að sanna okkur, en
hljómsveitin verður betri eftir því
sem hún spilar oftar. Hljóðfæraleik-
ararnir sem spiluðu mest í síðasta
verkefni spiluðu í 28 tíma á fjórum
dögum. Hljómsveitin spilar sig hratt
saman við að spila svona mikið, en
það getur verið kúnst að smala
hljómsveitinni saman, því í henni er
fólk alls staðar af landinu. Stundum
höfum við þurft að synja verkefnum
því einhverjir hljóðfæraleikarar
hafa ekki verið á lausu, sumir í
hljómsveitinni eru líka í Sinfón-
íuhljómsveit Íslands eða Íslensku
óperunni og bundnir þar í ákveðnum
dagsetningum. Draumastaðan væri
auðvitað að verkefnin yrðu nógu
mörg í upptökum fyrir kvikmynda-
tónlist til að gera öllum hljóðfæra-
leikurum hljómsveitarinnar kleift að
búa á Akureyri.“
Hefur farið um 900 ferðir
Árni segir að Vaðlaheiðar-
göngin hafi verið í vinnslu þegar
hann og Anna Guðný ákváðu að
flytja norður, og það
hafi verið lykilatriði.
„Göngin gera mér
mögulegt að búa hér í
Bárðardal sem bóndi
en vinna líka á Akur-
eyri sem hljóð-
tæknimaður. Göngin
skipta því sköpum fyr-
ir mig, ég er ekki
nema hálftíma á leið-
inni, það er ekki lengri tími en tekur
marga í Reykjavík að komast til og
frá vinnu. Ég ek beinan og breiðan
veg og það eru engin götuljós eða
umferðarteppa. Ég er búinn að fara
hátt í níu hundruð ferðir um göngin
frá því þau komu. Þessi göng gera
gæfumuninn fyrir íbúa hér á svæð-
inu, sérstaklega í vetur þegar Víkur-
skarðið var lokað í marga daga
vegna ófærðar,“ segir Árni sem er
farinn að huga að heyskap og er
ánægður með að Íslendingar hafi
komið í hestaleiguna til þeirra um
síðustu helgi.
„Við skráðum okkur í ferðagjöf-
ina, svo fólk getur nýtt sér hana hjá
okkur. Við vorum líka að fara af stað
ásamt nágranna okkar með reið-
námskeið fyrir börn og ungmenni.
Fyrsta námskeiðið var í síðustu viku
og gekk vonum framar, við erum því
búin að skipuleggja þrjú námskeið í
viðbót í sumar.“
Fjárbóndi vinnur fyrir Hollywood
Árni fjárbóndi á Eyjar-
dalsá í Bárðardal stjórn-
ar hljóðupptökum fyrir
Hollywood, Netflix og
BBC á milli sveitastarfa.
Hann og Anna Guðný
kona hans eru með 170
kindur á vetrarfóðrum og
reka líka hestaleigu.
Ljósmynd/Sigurður Örn Jónsson
Nafnaveisla á Eyjardalsá Árni og Anna Guðný með dæturnar Laufeyju Elísabetu og Sigríði Vénýju. Sauðfé að baki.
Ljósmynd/Ágúst Örn Pálsson
Upptaka Greta Salóme, konsertmeistari Sinfóníuhljómsveitar Norðurlands,
með félögum sínum við upptökur á tónlist The Hitman‘s Wife‘s Bodyguard.
eyjardalsa.is
sinfonianord.is
Upptökuverk-
efni kom í vor í
sauðburðinum,
á sama tíma og
yngri stúlkan
okkar fæddist.
SMÁRALIND – KRINGLAN – DUKA.IS
Góður ferðafélagi