Morgunblaðið - 24.07.2020, Blaðsíða 1

F Ö S T U D A G U R 2 4. J Ú L Í 2 0 2 0
Stofnað 1913  173. tölublað  108. árgangur 
GEITUNGARNIR
VORU SEINNA
Á FERÐINNI NÝTT SAMVINNUFÉLAG
BÆKUR RAGNARS
VINSÆLAR
Í ÞÝSKALANDI
STARFSMANNAREKIÐ KAFFIHÚS 12 DIMMA OG DRUNGI 28RÖNDÓTTIR TAKA VIÐ SÉR 6
A
ct
av
is
91
10
13
Omeprazol
Actavis
20mg, 14 og 28 stk.
Magasýruþolin hörð hylki ætluð fullorðnum til
skammtímameðferðar við einkennum bakflæðis
(t.d. brjóstsviða og nábít). Gleypið hylkin í heilu
lagi með hálfu glasi af vatni fyrir mat eða á
fastandi maga. Lesið vandlega upplýsingar á
umbúðum og fylgiseðli fyrir notkun lyfsins.
Leitið til læknis eða lyfjafræðings sé þörf á
frekari upplýsingum um áhættu og auka-
verkanir. Sjá nánari upplýsingar um lyfið á
www.serlyfjaskra.is
Starfsfólk skrifstofu alþjóðasamskipta Háskóla
Íslands hefur orðið vart við að erlendir nemendur
séu að hætta við að koma í nám í HÍ í haust vegna
heimsfaraldurs kórónuveiru, að sögn Friðriku
Þóru Harðardóttur, forstöðumanns skrifstofu al-
þjóðasamskipta.
Á síðasta skólaári voru erlendir nemendur við
háskólann 1.550 talsins, bæði skiptinemar og er-
lendir nemar á eigin vegum, en óvíst er hversu
margir þeir verða næsta haust.
„Skiptinemar koma á grundvelli samninga okk-
ar við erlenda háskóla víðs vegar um heiminn.
Margir skólar hafa þegar tekið þá ákvörðun að
taka fyrir skiptinám, að minnsta kosti á haust-
misseri, og heimila hvorki sínum nemendum að
fara né að taka á móti nemendum,“ segir Friðrika.
„Aðrir nemendur sæta ferðatakmörkunum, erf-
itt [er fyrir þá] að útvega fylgigögn og fá vega-
bréfsáritanir, eða [það] sem er kannski algengara
að þeir treysti sér ekki til að ferðast á þessum
óvissutímum.“
Sumir nemendanna sem ætluðu að koma hafa
óskað eftir því að fresta skiptináminu í stað þess
að hætta alveg við, ef heimaskólinn leyfir, og nem-
endur á eigin vegum hafa einnig óskað eftir
frestun.
„Það er leitast við að vera sveigjanleg varðandi
þessa nemendur ef kostur er,“ segir Friðrika.
Starfsfólk skrifstofu alþjóðasamskipta hefur þó
frétt af erlendum nemendum sem nú undirbúa
komu sína til landsins eða eru komnir. Þeir hlíta
sóttvarnarákvæðum eins og aðrir, að sögn Frið-
riku. ragnhildur@mbl.is
Erlendir nemar hætta við út af veiru
 Hafa ákveðið að hætta við eða fresta námi við HÍ  Skólar stöðva skiptinám
Bóman af súrálskrananum við álverið í Straumsvík var tek-
in niður með logsuðutækjum í gær. Með því lýkur kafla í
iðnsögunni, en kraninn, sem kallaður var Heberinn, var
settur upp árið 1969, fyrst sem skóflukrani en varð súráls-
krani 1980.
Að sögn Ingvars Jóels Ingvarssonar, starfsmanns Hring-
rásar, voru tveir kranar notaðir við niðurrifið af öryggis-
ástæðum, en bóman vó 30 tonn. Heberinn verður rifinn á
næstu vikum.
Morgunblaðið/Arnþór Birkisson
Súrálskraninn kveður álverið í Straumsvík
Pétur Hreinsson
peturh@mbl.is
Ferðaþjónustufyrirtækið Arctic
Adventures hefur endurráðið 20%
af því starfsfólki sem áður vann
hjá fyrirtækinu. Arctic Adventures
sagði öllum 152 starfsmönnum sín-
um upp í lok apríl vegna þeirra
áhrifa sem kórónuveiran hafði á
reksturinn en að sögn Styrmis
Þórs Bragasonar, forstjóra fyrir-
tækisins, er nú áætlað að veltan
verði 30-35% af því sem hún var í
fyrra. Þá nam hún sex milljörðum
króna. Það sem af er júlí nemur
aðsókn í ferðir fyrirtækisins um
26% af því sem hún var í fyrra.
„Þetta er betra en maður átti von
á. Þetta er allt að þróast í rétta átt
en auðvitað miklu minna en áður.
Ef maður horfir einn og hálfan
mánuð aftur í tímann er þetta mun
betra en búast mátti við,“ segir
Styrmir í samtali við Morgunblaðið
en hann tilkynnti starfsfólki tíð-
indin í vikunni.
Í samtali við Morgunblaðið segir
Styrmir að í ljósi þeirra erfiðleika
sem ferðaþjónustan stendur
frammi fyrir sé þörf á samþjöppun
í greininni til þess að minnka yfir-
stjórnunarkostnað.
„Þetta er eins og að lenda á
vegg. Það er ekkert öðruvísi og
auðvitað eru þetta mjög sérstakir
tímar. Næstu mánuðina mun
þetta ráðast af því sem er að ger-
ast í öðrum löndum.“ Fyrirtækið
skilaði tæplega 750 króna hagnaði
í fyrra og er metið á 12 milljarða
króna.
20% starfsfólks ráðin á ný
 Forstjóri Arctic Adventures segir sameiningu fyrirtækja nauðsynlega í ferða-
þjónustu  Áætlar að veltan verði um þriðjungur af því sem hún var í fyrra
MArctic Adventures »14
 96% íslenskra nemenda búa yfir
grunnþekkingu eða meiri þekkingu
til þess að nýta sér þá fjarnáms-
möguleika sem í boði eru, sam-
kvæmt nýrri könnun Hagstofu
Evrópusambandsins. Standa Ís-
lendingar jafnfætis Norðmönnum
og aðeins króatískir nemendur
standa framar, en 97% þeirra mæl-
ast með nokkuð tæknilæsi. »6
Þykja vel tæknilæsir