Morgunblaðið - 24.07.2020, Blaðsíða 32

„Fingraför Sæmundar fróða“ er yfirskrift viðburðar
sem boðið verður upp á á morgun, laugardaginn 25.
júlí, kl. 15, í Hlöðunni á Kvoslæk í Fljótshlíð. Friðrik
Erlingsson rithöfundur mun þá flytja erindi og velta
fyrir sér hverjar séu helstu vísbendingarnar um ritstörf
Sæmundar Sigfússonar fróða í Odda. Friðrik er þekktur
fyrir ritstörf sín og handritaskrif fyrir kvikmyndir og
leikhús og er sérfróður um Sæmund fróða. Kaffiveit-
ingar verða í boði að loknum fyrirlestrinum og aðgang-
ur ókeypis.
Friðrik flytur erindi um Sæmund
FÖSTUDAGUR 24. JÚLÍ 206. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Mikael Anderson er fyrsti Íslendingurinn í sjö ár til að
verða danskur meistari í knattspyrnu, en hann hefur
átt mjög gott tímabil með Midjtylland, sem vann
meistaratitilinn með talsverðum yfirburðum. Hann
dreymir um að vinna sigur með íslenska landsliðinu
gegn því danska á Parken, en liðin eiga að mætast þar í
Þjóðadeildinni í haust. „Það er stærsti leikurinn fyrir
mig og það yrði algjör veisla að vinna Danmörk á
Parken,“ segir Mikael. »27
Draumurinn hjá dönskum meistara
að vinna Dani á Parken
ÍÞRÓTTIR MENNING
Sigurður Bogi Sævarsson
sbs@mbl.is
„Markaðshaldið hér hefur fyrir
löngu unnið sér hefð og er orðið fast
í sessi. Sala á afurðum bænda færist
líka sífellt meira í þetta horf, fram-
tíðin er einfaldlega þessi,“ segir Jón
Jóhannsson í Mosskógum í Mosfells-
dal. Í rúmlega tuttugu ár hafa fram-
leiðendur ýmiss góðmetis mætt
þangað á hverjum laugardegi frá
miðju sumri og fram á haust með af-
urðir sínar á söluborðin.
Sulta, safi og silungur
Jón var upphafsmaður markaðar-
ins og leggur til hans úr eigin rækt-
un meðal annars radísur, kartöflur,
blómkál, brokkólí, hvítkál, hnúðkál
og fjölbreytt úrval af salati. Frá
garðyrkjustöðinni á Dalsgarði í
Mosfellsdal koma jarðarber og rósir,
nýr sem reyktur silungur frá bænd-
unum á Heiðarbæ í Þingvallasveit,
Íslensk hollusta leggur til sultur,
safa og fleira slíkt og frá Sprettu
koma grænar spírur. Aðrir selj-
endur koma svo með framleiðslu
sína tilfallandi. Þá má til dæmis
nefna að á staðnum er matreiddur
spænskur pönnuréttur, paella, sem
slegið hefur rækilega í gegn.
„Það er margt spennandi að ger-
ast í ræktun og framleiðslu á Íslandi.
Fólk vill sjá hvaðan maturinn sem
það neytir kemur og hvernig staðið
er að verkun hans. Smáframleiðsla
sem seld er beint yfir borðið er í
sókn; þróun sem heilbrigðiseftirlit
vildi stoppa á sínum tíma en var eðli-
lega gert afturreka með,“ segir Jón.
Bætir við að markaðurinn í Mos-
skógum sé ekki bara afurðasala
heldur líka skemmtilegt mannamót.
Sumir viðskiptavinir mæti á hverj-
um laugardegi til að sýna sig og sjá
aðra, fá sér hressingu og taka sólar-
hæðina í samfélaginu.
Gulrætur og rauðrófur
„Við byrjum alltaf á laugardags-
morgnum kl. 10 og stundum er allt
uppselt um kl. 14. Núna er um það
bil mánuður frá fyrstu markaðs-
helginni og úrvalið verður meira
með hverri helginni. Núna um
helgina fáum við til dæmis nýjar gul-
rætur, vorlauk og rauðrófur og von-
andi skila rófurnar sér líka. Sumarið
hefur verið hlýtt og gott og upp-
skera er góð. Komi ekkert óvænt
upp á gæti markaðurinn hér verið
opinn fram í október gangi allt sam-
kvæmt óskum,“ segir Jón í Mos-
skógum.
Morgunblaðið/Árni Sæberg
Hollusta Grænmetið er litríkt og gæðin eftir því. Hjá mörgum er fastur liður að mæta í Mosfellsdal á laugardögum.
Veislan í Mosskógum
 Markaður í
dalnum nú í meira
en tuttugu ár
Morgunblaðið/Sigurður Bogi
Bóndinn Markaðurinn er manna-
mót, segir Jón í Mosskógum.