Morgunblaðið - Sunnudagur - 26.07.2020, Blaðsíða 24

24 MORGUNBLAÐIÐ SUNNUDAGUR 26.7. 2020
LÍFSSTÍLL
Dekton er mjög slitsterkt og rispuþolið borðplötuefni.
Dekton þolir mikinn hita. Það má setja heita potta og pönnur
beint á steininn án þess að eiga það á hættu að skemma hann.
Blettaþolið SýruþoliðHögg- og
rispuþolið
Viðarhöfða 1, 110 Reykjavík | Sími 566 7878 | rein.is
Tókýó. AFP. | Í Japan var vakin at-
hygli á því á fimmtudag að ár væri
þar til næstu Ólympíuleikar myndu
hefjast. Það var gert með nokkuð
hófstilltum hætti á tómum þjóðar-
leikvanginum í Tókýó af augljósum
ástæðum því að í borginni ætti nú
allt að vera krökkt af fremstu
íþróttamönnum heims að búa sig
undir að leiða saman hesta sína og
þúsundum ákafra stuðningsmanna
þeirra. Ólympíuleikunum var hins
vegar frestað um eitt ár vegna kór-
ónuveirunnar og nú hefur meira að
segja komið til umræðu hvort leik-
arnir verði yfirhöfuð haldnir.
Í Tókýó hafa töflur þar sem talið
var niður í leikana verið endur-
stilltar og stendur nú að það séu
„363 dagar í Ólympíuleikana í Tókýó
2021“.
Þrátt fyrir þetta bakslag hafa jap-
anskir embættismenn og fulltrúar
alþjóða ólympíunefndarinnar reynt
að halda því til streitu að leikarnir
verði haldnir og þeir muni verða
táknrænir fyrir að heim-
urinn verði þá að jafna
sig eftir veiruna.
„Þetta verður fyrsta
alþjóðlega samkoman
eftir kórónuveiruna,“
sagði Thomas Bach, yfir-
maður alþjóðlegu
ólympíunefndar-
innar, í viðtali í liðinni
viku.
Sérfræðingar eru
hins vegar ekki vissir
í sinni sök og Bach
og Shinzo Abe, for-
sætisráðherra Jap-
ans, eru meðal þeirra
sem hafa gefið til kynna
að verði ekki búið að ná stjórn á veir-
unni á næsta ári gæti svo farið að Ól-
ympíuleikum yrði einfaldlega aflýst
og yrði það í fyrsta skipti á friðar-
tímum.
Sú sögulega ákvörðun að fresta
leikunum var tekin í mars þegar hið
raunverulega umfang faraldursins
var að koma í ljós og hvert landið á
eftir öðru setti hömlur á samkomur
og samgöngur með þeim afleiðing-
um að íþróttamenn gátu ekki æft og
íþróttaviðburðum til að tryggja sér
þátttökurétt var aflýst.
Síðan hefur verið dregið úr höml-
um víðast hvar í Evrópu eftir því
sem tekist hefur að koma böndum á
faraldurinn, en annars staðar – og
má þar nefna Bandaríkin, Brasilíu
og Indland – er sjúkdómurinn enn
skæður.
Þar sem hömlum hefur verið af-
létt og dregið úr aðgerðum hefur
veiran oft blossað upp á ný og það
hefur vakið spurningar um hvort
gerlegt sé að halda viðburð þar sem
von sé á tugþúsundum manna frá
öllum heimshornum.
Stuðningur almennings
minnkar
Bjartsýni Japana virðist einnig fara
þverrandi. Í júlí hafa birst tvær
skoðanakannanir, sem sýna að
meirihluti Japana er þeirrar hyggju
að fresta eigi leikunum að nýju eða
aflýsa þeim fyrir fullt og allt. Aðeins
á milli fjórðungur og þriðjungur
þeirra sem voru spurðir töldu að
þeir ættu að hefjast 23. júlí 2021 eins
og ráðgert væri.
Í Tókýó greindust líka 366 ný smit
á fimmtudag og var það met.
„Ég óttast ástandið,“ sagði Sach-
iko Ahunwan, fimmtugur versl-
unarstarfsmaður, við AFP. „Það er
óljóst að hve miklu leyti hægt er að
ráða við kórónuveiruna.“
Japanskir embættismenn og
fulltrúar ólympíunefndarinnar segja
útilokað að fresta aftur. Ákvörðunin
um að fresta leikunum um ár hafi
verið einsdæmi og valdið miklum
skipulags- og fjármálavandræðum.
Þegar hefur tekst að leysa einn
helsta vandann. Búið er að tryggja
að allir keppnisstaðir sem upp-
runalega voru fyrirhugaðir fyrir
leikana verði lausir.
Margir keppnisstaðanna höfðu
verið bókaðir langt fram í
tímann eftir að Ól-
ympíuleikunum átti
að vera lokið og var
litið á það sem einn
helsta vanda skipu-
leggjendanna að leysa
úr því.
Nú hefur dagskrá
leikanna einnig verið
samþykkt og eru
breytingar frá upp-
runalegri dagskrá
sárafáar.
„Nú geta íþrótta-
menn sem stefna á
að taka þátt í Ólymp-
íuleikunum farið að
setja sér áþreifanleg
markmið að stefna
að,“ sagði Koji Muro-
fushi, íþróttastjóri
leikanna í Tókýó.
Íþróttastjörn-
urnar eru ekki
bjartsýnar. „Satt
að segja er ég enn
ekki farinn að geta
hugsað um Ólympíuleikana á næsta
ári,“ sagði Shohei Ono, ólympíu-
meistari og júdókóngur Japans, í
viðtali við NHK, japanska rík-
isútvarpið. „Ég set mér bara mark-
mið fyrir vikuna fram undan.“
Auðir áhorfendapallar?
Ýmislegt annað er óskýrt, þar á
meðal kostnaðurinn við frestunina.
Skipuleggjendur hafa aðeins sagt að
skorið verði niður og reynt að spara
eins og unnt sé við að halda leikanna.
Jafnvel verði dregið úr íburði við
opnunar- og lokaathöfn leikanna,
sem mikið er lagt í allajafna.
Þá hefur ekki verið ákveðið hvaða
aðgerðir verði nauðsynlegar til að
koma í veg fyrir að veiran breiðist út
meðan á leikunum stendur verði enn
ekki búið að koma böndum á hana.
Um þessar mundir er Japan að-
eins opið fyrir fólki frá örfáum lönd-
um. Hvernig verður staðið að því að
hleypa íþróttamönnum og gesta-
mönnum alls staðar að inn í landið?
Verður áhorfendum hleypt inn á við-
burði?
Bach játti því í liðinni viku að
ferðahömlur og sóttkvíarskilyrði
myndu valda glundroða á leikunum
og tók fálega í að halda þá án áhorf-
enda.
„Það viljum við ekki,“ sagði Bach.
„Við viljum velli fulla af áköfum
stuðningsmönnum.“
Ólympíuleikunum var frestað um ár og töflur þar sem talið var niður í Tókíó
voru endurstilltar eins og sást í rigningunni í borginni á fimmtudag.
AFP
Uggur um afdrif Ólympíuleika
Ár er nú í að blásið verði
til Ólympíuleika í Japan,
en hefði allt verið með
felldu væru þeir nú
hafnir. Skipuleggjendur
reyna að halda í bjart-
sýnina, en erfiðleikar
við að ráða niðurlögum
kórónuveirunnar hafa
vakið ugg um að ein-
faldlega muni þurfa að
aflýsa leikunum og yrði
það í fyrsta skipti á
friðartímum.
Ólympíuloginn logar í ljós-
keri, sem merkt er ólymp-
íuleikunum í Tókíó 2020.
Japanska sundkonan Rikako
Ikee flytur ávarp með ljósker
með ólympíuloganum á
þjóðarleikvanginum í Tókíó í
tilefni af því að ár er þar til
Ólympíuleikarnir, sem halda
átti í sumar, verða settir.
AFP