Morgunblaðið - 22.08.2020, Blaðsíða 41

ÍÞRÓTTIR 41
MORGUNBLAÐIÐ LAUGARDAGUR 22. ÁGÚST 2020
Eitt högg kom í veg fyrir að
tveimur kylfingum tækist að fara
undir 60 höggin í sama mótinu á
PGA-mótaröðinni í golfi í gær-
kvöldi.
24 ára gamall Bandaríkjamað-
ur, Scottie Scheffler, skilaði inn
skori upp á 59 högg á The North-
ern Trust-mótinu í gær sem er
fyrsta mótið af þremur í FedEx-
úrslitakeppni PGA-mótarað-
arinnar. Var hann á tólf höggum
undir pari TPC Boston-vallarins í
Boston.
Voru kylfingar að leika annan
hringinn í mótinu og Scheffler
kom snemma inn í klúbbhúsið
með þessi tíðindi en hlutfallslega
er afar sjaldgæft að kylfingar fari
undir 60 höggin á stóru móta-
röðunum.
Um svipað leyti og Scheffler
skilaði sér inn þá fór landi hans
Dustin Johnson á teig. Byrjaði
hann með þvílíkum látum og var
sjö högg undir pari eftir fimm
holur. Hafði þá þegar fengið tvo
erni, annan á par 5 holu og hinn
á par 4 holu.
Johnson var á ellefu undir pari
eftir aðeins ellefu holur. Fékk ég
þá skilaboð frá kunningja mínum
sem raunar hefur leikið TPC-
völlinn í Boston. Í skilaboðunum
stóð: „Þetta er Kim Jong-un
skor.“
Allt útlit var því fyrir að tveir
kylfingar næðu undir 60 höggin í
sama mótinu sem aldrei hefur
gerst á mótaröðinni. Afreks-
íþróttafólk getur hins vegar rek-
ist á ýmsa sálræna þröskulda
sem erfitt getur reynst að kom-
ast yfir.
Johnson fékk ekki fleiri fugla
og paraði rest þrátt fyrir að
koma sér í ágæt færi til að ná
fuglinum sem upp á vantaði.
Lauk hann því leik á 60 höggum.
Ólíklegt er að hann muni fá betra
tækifæri til að leika á 59.
BAKVÖRÐUR
Kristján Jónsson
kris@mbl.is
Wolfsburg og
Barcelona
tryggðu sér í gær
sæti í undan-
úrslitum Meist-
aradeildar Evr-
ópu í fótbolta í
kvennaflokki. Er
leikið á Spáni og
er aðeins einn
leikur í útslátt-
arkeppninni í
stað tveggja.
Þýskalandsmeistarar Wolfsburg
unnu afar sannfærandi 9:1-sigur á
Glasgow City. Pernille Harder var í
miklu stuði og skoraði fjögur mörk.
Lauren Wade skoraði mark Glasgow
City en hún lék með Þrótti í 1. deild-
inni á síðustu leiktíð. Sara Björk
Gunnarsdóttir hjálpaði Wolfsburg
að komast í átta liða úrslitin áður en
hún skipti yfir til Lyon.
Barcelona er sömuleiðis komið í
undanúrslit eftir sigur á Atlético
Madrid í Spánarslag. Kheira Ham-
aroui skoraði sigurmarkið á 80. mín-
útu. Wolfsburg og Barcelona mæt-
ast í undanúrslitum.
Átta liða úrslitin klárast í kvöld
með leikjum Arsenal og PSG ann-
arsvegar og Lyon og Bayern Mün-
chen hinsvegar. Sara Björk verður í
leikmannahópi Lyon.
Mark Þrótt-
arans dugði
skammt
Pernille
Harder
HANDBOLTI
Kristófer Kristjánsson
kristoferk@mbl.is
Handknattleiksmaðurinn Elliði Snær
Viðarsson er genginn til liðs við þýska
félagið Gummersbach þar sem hann
mun spila undir stjórn Guðjóns Vals
Sigurðssonar, fyrrverandi fyrirliða ís-
lenska landsliðsins. Elliði er uppalinn
í Vestmannaeyjum og bjóst línumað-
urinn ekki við öðru en að taka þátt á
Íslandsmótinu með ÍBV næsta vetur
þangað til fyrir stuttu.
„Þetta gerðist mjög hratt. Við
Guðjón ræddum aðeins saman í
sumar og ég hafði sett mér það
markmið að fara út fyrir þetta tíma-
bil. En svo í þessu ástandi var ég svo
sem bara að fara skrifa undir nýjan
samning hjá ÍBV og gerði ráð fyrir
að vera hér heima,“ sagði Elliði þeg-
ar Morgunblaðið hringdi til hans til
Þýskalands og vísaði þar auðvitað í
heimsfaraldurinn sem hefur orðið til
þess að ansi mörg félög um allan
heim halda að sér höndum.
Býr hjá Guðjóni fyrst um sinn
„Svo kemur þetta skyndilega upp
fyrir rúmri viku. Kallið kom og þetta
var tilboð sem ég gat hreinlega ekki
sleppt, ég þurfti ekkert að hugsa
mig um,“ sagði Elliði enn fremur en
hann mun nú reyna fyrir sér í at-
vinnumennskunni í fyrsta sinn, í
þýsku B-deildinni með sögufrægu
félagi þar sem margir Íslendingar
hafa komið við sögu.
Guðjón Valur, sem þreytir nú
frumraun sem þjálfari, spilaði með
liðinu árin 2005 til 2008 undir stjórn
Alfreðs Gíslasonar sem þá þjálfaði
liðið. Guðjón Valur er einn sigursæl-
asti handboltamaður sem Ísland hef-
ur átt og er Elliði skiljanlega
spenntur að vinna með honum. Guð-
jón Valur ákvað síðasta vor að láta
gott heita sem leikmaður.
„Þetta er frábært tækifæri, að
spila fyrir einhvern eins og hann. Ég
bý heima hjá honum til að byrja
með, á meðan ég finn mér íbúð.
Þetta er frábær fjölskylda og þau
eru öll tilbúin til að hjálpa, sonur
hans er byrjaður að kenna mér
þýsku.“
Ég smellpassa þarna inn
Elliði hefur verið viðloðandi ís-
lenska landsliðið undanfarið og hef-
ur spilað tvo æfingalandsleiki með
A-landsliðinu. Hann segir það næsta
markmið að vinna sér inn sæti þar.
„Mér fannst vera kominn tími á ný
markmið og nýjar áskoranir. Nú
þarf ég að sanna mig á nýjum stað
og næsta markmið er svo að komast
betur að hjá landsliðinu.“
Hann þekkir ekki mjög vel til
Gummersbach en félagið, sem á sér
flotta sögu, féll úr efstu deild á síð-
asta ári. „Ég vissi auðvitað að Guð-
jón Valur spilaði þarna en þekkti
annars ekki vel til. Það er klárlega
markmiðið að komast upp úr B-
deildinni og spila með þeim bestu,“
segir Elliði sem segist vel eiga
heima í þessu liði. „Það er æfinga-
leikur á laugardaginn [í dag] og ég
er búinn að æfa einu sinni. Það kom
mér jafnvel á óvart hvað ég var vel
stemmdur fyrir þetta, ég smellpassa
þarna inn,“ sagði Elliði í samtali við
Morgunblaðið.
Bjóst við að spila hér
heima næsta vetur
 Elliði Snær þurfti ekki að hugsa sig um þegar tilboð Gummersbach barst
Morgunblaðið/Eggert
Þýskaland Elliði Snær er orðinn leikmaður Gummersbach í Þýskalandi þar sem Guðjón Valur Sigurðsson þjálfar.
HANDBOLTI
Kristján Jónsson
kris@mbl.is
Til stendur að hefja leik á Íslands-
mótinu í handknattleik 10. sept-
ember og því er farið að styttast í
mótið. Róbert Geir Gíslason, fram-
kvæmdastjóri HSÍ, segist vera
nokkuð bjartsýnn á að það gangi
eftir en málin gætu átt eftir að
skýrast þegar líður á næstu viku.
„Okkar undirbúningur er hefð-
bundinn varðandi mótahaldið sjálft.
Við gáfum út sérreglur í síðustu
viku varðandi æfingar og æfinga-
leiki í ágúst. Var það í samræmi við
núverandi reglur heilbrigðisyf-
irvalda en sú auglýsing gildir til 27.
ágúst. Við vitum raunar ekkert
hvað tekur við eftir þann tíma.
Reglurnar sem við setjum fyrir
septembermánuð verða í takti við
það sem auglýsing heilbrigðisyf-
irvalda mun leyfa okkur. Eins og
staðan er í dag eru búningsklef-
arnir ekki notaðir, áhorfendur ekki
leyfðir og varamannabekkir liðanna
eru hvor sínu megin á vellinum.
Hins vegar er alveg ljóst að þegar
komið verður út í mótsleiki þá mun
sú skipting ekki ganga upp. Þá
þurfum við væntanlega að opna
búningsklefa, alla vega þegar kem-
ur að mótsleikjum. Með hvaða
hætti það verði gert ræðst bara af
því hvaða reglur yfirvöld setja.
Sama má segja um hvort áhorf-
endum verði leyft að mæta á leiki
eða ekki.“
Langt tímabil gefur svigrúm
Róbert segir það geta komið sér
vel að mótið hefjist snemma.
„Í næstu viku fáum við vænt-
anlega einhverjar vísbendingar um
hvað er fram undan varðandi sótt-
varnir. Í síðasti lagi um miðja vik-
una. Í framhaldinu leitum við þá
eftir svörum um hvaða reglur við
þurfum að undirgangast og með
hvaða hætti Íslandsmótið geti haf-
ist. Ég er bjartsýnn á að mótið
hefjist 10. september en við í hand-
boltahreyfingunni ættum að búa
okkur undir þann möguleika að
reglur verði hertar á einhverjum
tímapunkti í vetur. Ef aukning
verður í smitum eða ef kemur ný
bylgja. Þá þurfum við að hafa svig-
rúm til að bregðast við ef við þurf-
um að gera hlé á keppni tímabund-
ið. Svipað og knattspyrnuhreyfingin
lenti í núna í ágúst.
Þar af leiðandi er ekki sniðugt
fyrir okkur að seinka því að hefja
mótið ef við þurfum þess ekki.
Tímabilið er langt og við höfum því
ákveðið svigrúm. Auðvitað er í
mörg horn að líta og erfitt að spá
fyrir um hvað mun gerast en við
reiknum með að hefja leik á fyr-
irhuguðum tíma og miðum okkar
undirbúning við það,“ sagði Róbert
Geir Gíslason.
Morgunblaðið/Kristinn Magnússon
HSÍ Róbert Geir Gíslason, fram-
kvæmdastjóri HSÍ.
Bjartsýnn á að mótið
hefjist á fyrirhuguðum tíma
 Handboltahreyfingin heldur sínu striki að svo stöddu Ítalska B-deildarfélagið
Venezia hefur
gengið frá kaup-
um á Bjarka
Steini Bjarkasyni
frá ÍA. Er Ve-
nezia í Feneyjum
og leikur í
ítölsku B-
deildinni. Ve-
nezia hafnaði í
11. sæti af 18 liðum á síðustu leiktíð
með 50 stig eftir 38 leiki. Bjarki
kom til ÍA frá Aftureldingu árið
2018 og hefur skorað fjögur mörk í
25 leikjum í efstu deild. Þá á hann
leiki með öllum yngri landsliðum Ís-
lands.
Bjarki, sem er fæddur árið 2000,
skoraði eitt mark í fimm leikjum
með ÍA í sumar. Þegar hann var að-
eins 17 ára gerði hann tvö mörk í
tíu leikjum með Aftureldingu í 2.
deildinni.
Ef að að líkum lætur verða tveir
Íslendingar í ítölsku B-deildinni á
næstu leiktíð en Birkir Bjarnason
og félagar hans í Brescia féllu úr A-
deildinni á síðasta tímabili. Sveinn
Aron Guðjohnsen og félagar hans í
Spezia leika í A-deildinni eftir sigur
í umspili B-deildarinnar á fimmtu-
daginn var.
Bjarki frá
Akranesi til
Feneyja
Bjarki Steinn
Bjarkason