Morgunblaðið - Sunnudagur - 20.12.2020, Blaðsíða 18

Við bjuggum í París þar sem við unnumsem grafískir hönnuðir á sviði menn-ingar og lista og unnum meðal annars
fyrir tímarit um mat í fimmtán ár. Við opnuð-
um sælkeraverslunina Hyalin í júní árið 2017 á
Íslandi. Í versluninni bjóðum við upp á gæða-
vörur frá Frakklandi. Verslunin stendur við
Hverfisgötu og er eina verslunin í landinu í
sínum gæðaflokki,“ segja þeir og bæta við að
markmiðið sé að bjóða upp á gæðavörur frá
litlum sjálfstæðum frönskum fjölskyldufyrir-
tækjum.
„Við vinnum ekki með stórum matvæla-
framleiðendum og við eigum viðskipti beint við
vörumerkin án þess að nota dreifingaraðila.
Við prófum allar vörur sjálfir áður en við bjóð-
um upp á þær í versluninni. Það sem við elsk-
um að gera er að leiðbeina viðskiptavinum
okkar með vörurnar sem þeir kaupa hjá okkur.
Það er okkar styrkleiki að þeirra mati og
greinir okkur frá öðrum verslunum hér. Við
erum sífellt að bæta við vöruúrvalið okkar og
völdum við ítalskar gæðavörur sem við nú
bjóðum upp á í versluninni.“
Vildu upplifa eitthvað alveg nýtt
Ástæðan fyrir því að þeir fluttu til Íslands var í
grunninn til að upplifa eitthvað nýtt í lífinu.
„Við völdum Ísland þrátt fyrir veðrið og höf-
um notið þess að búa hér svona nálægt náttúr-
unni sem við kunnum einstaklega vel að meta.
Við sjáum svo sannarlega ekki eftir að hafa
komið hingað.“
Hvernig eru jólin í Frakklandi?
„Jólin í Frakklandi eru framar öllu öðru fjöl-
skylduhátíð. Þá myndast tækifæri til að hittast
og borða góðan mat og dekka fín vín. Frakkar
elska að elda saman. Matseðillinn er planaður
mörgum vikum áður, til að fá besta hráefnið
sem völ er á fyrir jólin. Í Frakklandi er matur-
inn heilagur. Það er engin ein dæmigerð
frönsk máltíð til. Flestir réttir eru frá
ákveðnum svæðum í Frakklandi og skiptir því
máli hvar þú ert að borða um jólin í Frakk-
landi. Að sjálfsögðu eru til nokkuð dæmigerðir
réttir sem bornir eru fram víða um Frakkland
um jólin.“
Aðfangadagur jóla hljómar ótrúlega sjarm-
erandi á franska vísu.
„Það er hefð fyrir því að fólk hittist á að-
fangadag á bilinu sjö til átta um kvöldið og
byrji að gæða sér á litlum réttum með glasi af
kampavíni um hönd. Þetta er tíminn sem fólk
nýtur þess að borða alls konar smárétti og
þykir aðalatriðið að bjóða upp á eitthvað nýtt
fyrir bragðlaukana.
Kvöldverðarborðið á að vera smart. Frakk-
ar nota vanalega hvíta borðdúka og tauservétt-
ur svo ekki sé minnst á fallegustu diskana okk-
ar og glösin. Upp úr klukkan níu er boðið upp á
tvo forrétti. Annar þeirra er oft sjávarréttur,
til dæmis ostrur, en sniglar eru einnig vinsælir
og síðan er að sjálfsögðu boðið upp á foie gras.
Þá er borinn fram aðalréttur sem getur verið
önd, kalkúnn, lamb eða hvítur fiskur. Það fer
allt eftir því hvar þú ert í Frakklandi. Síðan er
boðið upp á stóran disk af ostum og fallegan
viðeigandi eftirrétt.
Ég held að meirihluti Frakka sé ennþá með
Bûche de Noël-jólakökuna, þótt það séu engar
reglur um það lengur.
Það er hefð fyrir því að bjóða upp á kvöld-
verðarboð á jólunum þar sem borðað er í
margar klukkustundir. Umræðuefnið er fal-
legt og skemmtilegt, eða í það minnsta ekki
talað um stjórnmál, sem gengur oftast eftir.
Við förum vanalega ekki að sofa fyrr en eitt
eða tvö á nóttunni, þegar við höfum gefið hvort
öðru gjafir og þá fáum við okkur einn drykk
fyrir nóttina og förum svo að sofa.“
Það er svipað í gangi á jóladag, nema að þá
er aðalmálsverðurinn í hádeginu.
Blómin gera mikið fyrir stofuna.
Stílhreint og fallegt fyrir jólin.
Didier Fitan og Arnaud-Pierre Fourtané.
„Svo lukkulegir
að þurfa ekki að
vera í jólapeysum
í Frakklandi“
Arnaud-Pierre Fourtané og Didier Fitan eru frá Suðvestur-
Frakklandi og bjuggu í París um árabil áður en þeir fluttu
til Íslands fyrir fimm árum. Þeir eru einstakir listamenn og
sælkerar fram í fingurgóma og ætla að láta Frakkland koma
til sín þessi jólin í gegnum mat og drykk.
Elínrós Líndal elinros@mbl.is
Fallegir hlutir á hillu á heimilinu.
Það er ýmislegt í eldhúsinu úr sælkeraversluninni Hyalin.

18 MORGUNBLAÐIÐ SUNNUDAGUR 20.12. 2020
LÍFSSTÍLL