Morgunblaðið - Sunnudagur - 20.12.2020, Blaðsíða 20
20 MORGUNBLAÐIÐ SUNNUDAGUR 20.12. 2020
LÍFSSTÍLL
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 ■ Tjarnargötu 17, Keflavík. S. 421 2061 ■ Glerárgötu 32, Akureyri. S. 462 5900 ■ alnabaer.is
Við erum sérhæfð í gluggatjöldum
PLÍ-SÓL GARDÍNUR
alnabaer.is
Mikið að gera fyrir jólin
Hverjar eru hefðirnar ykkar á jólunum?
„Í desember er alltaf mjög mikið að gera í
versluninni okkar. Þangað mætir fjöldinn allur
af viðskiptavinum að láta gera fallega gjafa-
poka fyrir sig. Við lokum versluninni vanalega
í kringum tvö á aðfangadag en þá erum við
mjög þreyttir en glaðir. Þegar við komum
heim byrjum við að undirbúa jólamat fyrir tvo.
Við erum vanalega með mjög einfaldan mat í
boði en hann er alltaf einstaklega góður.
Eftir að hafa hitt fólkið okkar í gegnum net-
ið leggjum við á borð og fáum okkur einn
drykk með smáréttunum okkar. Síðustu jól
vorum við með klassíska íslenska rétti, svo
sem grafinn lax, hangikjöt, hamborgarhrygg,
jólaköku og fleira í þeim dúr.
Á þessu ári ætlum við að vera með franskan
mat. Vegna kórónuveirunnar gátum við ekki
farið til Frakklands sem við söknum einstak-
lega mikið. Svo við ætlum að láta Frakkland
koma til okkar, eða í raun á diskana okkar á
þessu ári. Við hefjum alltaf máltíðina á foie
gras á ristuðu frönsku kanilbrauði og Búrg-
undarsnigla. Í aðalrétt verðum við örugglega
með andaconfit með périgord-salati. Ef við
fáum góða franska osta munum við gæða okk-
ur á þeim eftir matinn og fá okkur ljúffengan
eftirrétt sem verður líklegast ávaxtaka frá
Traditional Fruit Cakes. Það er ekkert sem
segir að maður geti ekki blandað saman gæða-
vörum. Það er í raun allt mögulegt!“
Jólapeysur ekki í frönskum anda
Jólin eru fjölskylduhátíð og þá klæðir maður
sig upp á án þess að vera of strílaður fyrir
kvöldið að þeirra mati.
„Við erum ekki með hefð fyrir jólapeysum í
Frakklandi, Guði sé lof! Þótt fatnaðurinn sé
ekki nýr viljum við vera smart og viðeigandi án
þess að vera of klassískir eða klæddir í fatnað
sem á meira við í brúðkaupum en á jólunum.“
Hvernig lýsið þið heimilinu ykkar?
„Við búum í fallegri íbúð í Vesturbænum
sem minnir eilítið á frumskóg þessa dagana
þar sem við elskum pottablóm og höfum við
þau víða um íbúðina. Í gegnum árin höfum við
keypt tímabilshúsgögn frá Skandinavíu og
blöndum við þeim við nútímalegri húsgögn.Við
eigum einnig heilmikið af íslensku keramiki.
Veggirnir í íbúðinni eru alltaf hvítir og líður
okkur einstaklega vel heima hjá okkur.“
Hver einasti hlutur á heim-
ilinu minnir á Frakkland.
Franskt góðgæti í boði.
Margir smáir hlutir gera heimilið huggulegt.
Ljósmyndir/Íris Jóhannsdóttir