Morgunblaðið - Sunnudagur - 20.12.2020, Blaðsíða 22

Blaðamaður bauð eðalkokk-inum Jóhanni Jónssyni, oftkenndum við Ostabúðina, í
heimsókn og mætti hann með ým-
islegt góðgæti í pokahorninu. Til-
gangurinn var að henda í dýrindis
jólaveislu og leyfa börnum hans
og sonum blaðamanns að njóta.
Bræðurnir Logi og Sindri Sigurð-
arsynir og systkinin Selma Dögg
og Andri Már Jóhannsbörn voru
sannarlega klár í slaginn, enda
miklir sælkerakrakkar.
Gæs, lax og ostar
Í forrétt bauð Jói upp á heit-
reykta gæsabringu með hindberja-
sósu og grafinn og heitreyktan
lax, sem bragðaðist sannarlega
vel, en allt er unnið frá grunni af
Jóa og starfsfólki hans. Jói hefur
verið að selja afurðir sínar í sölu-
vagni nú fyrir jólin. Hann flytur
sig á milli hverfa og stefnir hann á
að verða í Hafnarfirði um þessa
helgi og á Garðatorgi á Þorláks-
messu. Hinir gömlu kúnnar Osta-
búðarinnar kunna sannarlega að
meta framtakið og geta nú keypt
vörur sem þeir hafa haft á borðum
fyrir hver jól í áraraðir.
„Í vagninum er til sölu allt það
besta sem við framleiðum; gæs,
lax, grafið kjöt og tólf tegundir af
íslenskum ostum.“
Ég elska lambahrygg
Í aðalrétt bauð Jói upp á jólalegan
lambahrygg sem er frábær kostur
fyrir fólk sem ekki vill borða of
reyktan og saltaðan jólamat.
„Ég bjó til bláberjadressingu
sem lætur hrygginn fá ákveðinn
lit og bragð sem gerir hann svolít-
ið jólalegan,“ segir Jói sem segist
velja hrygginn fram yfir lærið.
„Ég elska lambahrygg af því að
fitan og puran gera kjötið svo
mjúkt. Með kjötinu er klassísk
kremuð villisveppasósa sem er svo
kláruð með soðinu af hryggn-
um. Meðlætið er sýrt rósakál sem
er líka svolítið sætt, ofnbakaðar
gulrætur og gömlu góðu brúnuðu
kartöflurnar. Ég nota sykur,
smjör og kaffi í kartöflurnar. Já,
kaffi!“ segir Jói og brosir.
Lax í smjördeigi
Annar aðalréttur var á boðstólum;
hálfinnbakaður lax með meðlæti.
„Laxinn er settur í smjördeig-
ið en ekki lokaður inni. Með
þessu bökum við brokkólí og
rauðlauk og svo eru hnetur með.
Meðlætið er ofan í deiginu líka
og þetta er afar auðvelt fyrir
alla að matbúa, og eins með
hrygginn,“ segir Jói.
Krakkarnir og foreldrar þeirra
tóku hraustlega til matar síns,
enda bragðgott með eindæmum.
Hryggurinn hans Jóa var fullkom-
lega eldaður, mjúkur og safaríkur.
Og laxinn er skemmtileg viðbót
við jólaborðið. Í eftirmat fengu
svo matargestir bita af franskri
súkkulaðiköku, makkarónur og
súkkulaðihúðuð jarðarber. Full-
kominn endir á jólalegu aðventu-
kvöldi!
Morgunblaðið/Ásdís
Jólalambið klikkar ekki
Jói sker hrygginn fyrir
son sinn Andra Má.
Lambahryggur er há-
tíðarmatur sem sómir
sér vel á jólunum með
góðu meðlæti. Kokk-
urinn Jóhann Jónsson
galdraði fram dýrindis
lambahrygg, innbak-
aðan lax og ýmislegt
annað góðgæti fyrir
fjóra svanga krakka.
Ásdís Ásgeirsdóttir asdis@mbl.is
Jói tekur sig vel út í eldhúsinu.
Logi, Selma Dögg, Andri Már og Sindri biðu spennt eftir matnum. Fyrst fengu þau dýrindis forrétt.

22 MORGUNBLAÐIÐ SUNNUDAGUR 20.12. 2020
LÍFSSTÍLL
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir