Iðjuþjálfinn - 01.01.2019, Side 83

83

Guðrún Árnadóttir II-grein2019 Malþing: Box II
Árangur vitrænnar þjálfunar með tölvu eða hugbúnaði á daglegt líf
Lillý Rebekka Steingrímsdóttir og Jóhanna Ósk Snædal

Inngangur: Sífellt kemur ný tækni á markaðinn og nú nýta einstaklingar sér snjalltæki við ýmsar
athafnir daglegs lífs. Iðjuþjálfar á Grensásdeild eru einnig farnir að nýta hugbúnaðartæknina við
endurhæfingu skjólstæðinga með vitræn taugaeinkenni.
Markmið: Að kanna hvort rannsóknir hafi sýnt fram á gagnsemi vitrænnar þjálfunar með
tölvum eða öðrum hugbúnaði og yfirfærslugildi slíkrar þjálfunar á daglegt líf einstaklinga með
vitræn taugaeinkenni.

Aðferðir: Leitað var að rannsóknargreinum á ensku frá 2007-2017 í gagnagrunnunum CINAHL,
Leitir, Ebscohost, Proquest og Pubmed með leitarorðunum: cognitive training, occupational
therapy, stroke, TBI, computer based therapy training, lumosity, cogmed, cognifit, executive
functions training, virtual reality. Leitin skilaði 16 greinum, þar af sex í styrkleikaflokki I, öðrum
sex í flokki II, og fjórum í flokki III.
Niðurstöður: Flestar greinarnar sýndu framfarir í vitrænum þáttum með tölvuþjálfun eða
öðrum hugbúnaði, burtséð frá hvort einstaklingar fengu hefðbundna þjálfun að auki eða ekki.
Yfirfærslugildið er þó óljóst og þörf er á frekari rannsóknum. Algengar íhlutunarleiðir voru
tölvuforrit til þjálfunar minnis og athygli.
Ályktun: Vitræn þjálfun með hugbúnaði getur gagnast einstaklingum með vitræn
taugaeinkenni. Þó er þörf á frekari rannsóknum t.d. tengdum aldurshópum, alvarleika einkenna
og upphafstíma íhlutunar eftir áfall. Áhugavert væri að sjá íslenskar rannsóknir um þetta efni.