Málfríður - 15.12.1985, Side 9

tekin fyrir á sama hátt. (Við
þessar æfingar er sjálfsagt að
taka svipbrigði og handa-
hreyfingar með.)
11. Nemendur segja frá mynd-
inni með hjálp lykilorða.
12. Eldri nemendur geta skrifað
lengra samfellt mál um efni
myndbandsins, t.d. ritgerð.
13. Þeir geta einnig unnið með
myndina út frá myndtækni-
legu sjónarhorni, sérstaklega
ef þeir eru vanir að vinna við
myndlestur/myndgreiningu
með auglýsingar eða annað
myndefni.
14. Ef um bíómyndir er að ræða,
geta nemendur lesið kvik-
myndadóma úr íslenskum
eða erlendum blöðum og
notað þá til frekari umræðna
um myndina.
15. Þegar myndin er gerð eftir
bók er upplagt að lesa bókina
og bera síðan saman bók og
mynd.
Nú vil ég snúa mér að því efni sem
völ er á fyrir dönskukennslu á
grunn- og framhaldsskólastigi.
Kennsluefnið „Hildur“ er mjög
vandað efni fyrir framhaldsskólastig
og eflaust ekki þörf á að kynna það
hér. Þó má benda kennurum á að
hægt er að nota það á fleiri mis-
munandi vegu t.d. með því að nota
eitthvað af framangreindum hug-
myndum. Fræðslumyndadeild
Námsgagnastofnunar hefur einnig á
boðstólum 6 stuttar myndir (12 mín.
hver) fyrir yngri nemendur um
„vatnið". Þetta eru fræðandi myndir
um mismunandi eiginleika vatns en
fjalla um strákinn Martin sem lendir
í ýmsum ævintýrum, m.a. með haf-
meyju. Petta efni er hægt að nýta á
ýmsa vegu í dönskukennslu yngri
barna, aðallega til munnlegra æfinga
en einnig til samþættingar við líf-
fræði.
Fræðslumyndadeildin hefur einn-
ig fest kaup á fjórum dönskum bíó-
mvndum. f>ær eru: „Vil du se min
smukke navle?" og „Isfugle“ sem
eru nú þegar til útláns, og „Otto er
et næsehorn“ og „Skonheden og
udyret“ sem væntanlegar eru seinna
á skólaárinu. Þessar myndir verða
einnig fáanlegar á myndbandaleig-
um með íslenskum texta, en myndir
Fræðslumyndadeildar eru ótextað-
ar. Með þessum myndum verða gerð
verkefni, og er vinna hafin við fyrstu
tvær myndirnar. Höfundar þessa
efnis eru undirrituð og Michael Dal
kennari í Fjölbrautaskólanum Ár-
múla og við Háskóla íslands. Við
tilraunakennum efnið jafnóðum og
það verður einnig kennt í fleiri
skólum. Pessi verkefni eiga að vera
tilbúin um miðjan desember n.k. og
verða þá í möppu sem fylgir hverju
myndbandi hjá Fræðslumynda-
deildinni. I möppunni verða
kennsluleiðbciningar, orðalistar,
efnisspurningar (krossapróf), ýmsar
gerðir verkefna og textar t.d. kvik-
myndadómar um þessar myndir.
Síðan hafa kennarar frjálsan ljósrit-
unarrétt á efninu og geta notað það
sem þeir telja að hæfi þeirra nem-
endum. Verkefni verða bæði ætluð
grunn- og framhaldsskólastigi.
Reynslan hefur verið sú að
óheppilegt sé að sýna alla myndina í
einu og ætla síðan að láta nemendur
vinna verkefni. Þá er öll spenna
farin auk þess sem svona löng mynd
er mjög stór biti fyrir nemendur,
sérstaklega þá sem ekki skilja mjög
mikið. Peir eru líka vanir fram-
haldsþáttum úr sjónvarpinu og sætta
sig ágætlega við að sjá framhaldið
næsta eða þarnæsta dag. Hæfilegt
hefur reynst að sýna 18-20 mín-
útur í senn, gera mörg stutt hlé til að
fara yfir orð og orðasambönd og
nota síðan síðustu 10— 15 mínút-
urnar til þess að leysa verkeftii og
gera ýmiss konar æfingar. Einnig er
hægt að taka hljóð myndarinnar upp
á hljómband og láta nemendur
vinna áfram með það. í lokin eru
Iesnir ýmsir textar t.d. kvikmynda-
dómar og unnar skriflegar æfingar
allt eftir aldri og getu nemendahóps-
ins. Þannig má ætla að bíómynd sem
tekur um 1 1/2 klukkutíma í sýn-
ingu, sé efni í a.m.k. 6 — 8 kennslu-
stundir. Síðan er hægt að enda á því
að sýna myndina í heild ef nem-
endur eru þá ekki búnir að fá nóg af
henni.
Hér að framan var reynt að gera í
stuttu máli grein fyrir því sem er
núna á döfinni. Kennarar sýna
þessum þætti tungumálakennslu
mikinn áhuga, og er vonandi að sem
flestir fari að vinna með myndbönd-
um.
En hvað er þá fram undan? Erfitt
er að spá um framtíðina og varla á
færi annarra en þeirra sem sjá um
fjármálin. Búast má við að Fræðslu-
myndadeildin kaupi fleiri danskar
bíómyndir. Eins er unnið að því eftir
ýmsum Ieiðum að semja við danska
aðila um höfundarrétt þannig að
fleiri leiðir opnist og meiri fjöl-
breytni fáist í myndavalið. Ekki er til
neitt tilbúið efni á myndböndum
fyrir dönskukennslu sem erlent mál
eins og það sem enska hefur upp á
að bjóða. Við höfum lengi haft þá
stefnu að gera okkar kennsluefni í
dönsku sjálf, a.m.k. hvað varðar
grunnefni fyrir grunnskólann og
einnig margvíslegt efni fyrir fram-
haldsskólann. Pví getur lausnin
orðið sú að við sjálf semjum okkar
myndbandaefni (myndband -I-
bók). Pá getum við vænst þess að fá
efni sem hentar okkar aðstæðdm.
Miðað við hversu duglegir íslend-
ingar eru við gerð auglýsingamynda,
gætu myndatökumenn héðan farið
til Danmerkur og tekið upp í sam-
vinnu við kennara og kennslubóka-
höfunda stutta þætti til kennslu. En
þá vakna ýmsar spurningar. Hvernig
myndbandaefni viljum við fá? Hvað
kostar slíkt efni? Hversu mikið
viljum við hafa af því og hversu
fjölbreytilegt? Eða viljum við eitt-
hvað allt annað?
Sigurlín Sveinbjarnardóttir er náms-
stjóri í dönsku.
9