Málfríður - 15.12.1985, Side 27

andi um öll Bandaríkin og Kanada
og eru alls um 600 talsins. Hlutverk
þeirra er tvíþætt. Annars vegar velja
þeir fjölskyldur úr þeim mikla fjölda
sem vill taka til sín skiptinema, m.a.
með ítarlegum viðtölum. Hins vegar
eru þeir skiptinemunum til halds og
trausts og eiga að tryggja að dvölin
verði eins ánægjuleg og árangursrík
og kostur er, bæði hvað nám og
fjölskyldulíf varðar.
Þess má geta að ASSE á íslandi
hefur einnig haft milligöngu um
námsdvöl bandarískra unglinga hér
á landi og dvelja þeir hjá íslenskum
fjölskyldum og sækja menntaskóla.
Norðurlönd.
ASSE á íslandi hefur einnig milli-
göngu um dvöl íslenskra ungmenna
á öðrum Norðurlöndum og annarra
norrænna ungmenna hér á landi. í
Danmörku og Svíþjóð er um að
ræða námsdvöl með svipuðu sniði
og lýst er að ofan og er skólavistin
miðuð við menntaskóla. Auk árs-
dvalar er einnig hægt að fá hálfsárs-
dvöl í þessum tveimur löndum, þ.e.
námsdvöl í eina önn, sem kann að
henta betur íslenskum framhalds-
skólanemum, sem búa við anna-
kerfið.
Enn fremur er boðið upp á sum-
ardvöl í Danmörku, Svíþjóð, Noregi
og Finnlandi. Er þá miðað við dvöl
hjá fjölskyldu í viðkomandi landi og
annað hvort sumarvinnu eða ein-
faldlega sumarfrí með fjölskyldunni,
en ekki málaskóla.
Við val á skiptinemum til náms-
dvalar, hvort sem er vestan hafs eða
austan, er einkum haft í huga að þeir
hafi nægilega námshæfileika til að
geta tileinkað sér hliðstætt nám er-
lendis og það sem þeir fást við hér
heima, hafi góða enskukunnáttu
miðað við aldur (þegar um dvöl
vestanhafs er að ræða), geti risið
undir því álagi að dvelja fjarri fjöl-
skyldu sinni alllangan tíma og séu á
allan hátt verðugir fulltrúar íslands,
skóla síns og ASSE. Alla jafna vekja
evrópskir skiptinemar ailmikla at-
hygli þar sem þeir dvelja vestanhafs
og til þeirra eru gerðar töluverðar
kröfur um að kynna land sitt og
þjóð. Við valið er farið eftir eink-
unnum umsækjenda, umsögn kenn-
ara og ritgerð sem ungiingarnir
þurfa að skrifa um sig sjálfir. Auk
þess eru umsækjendur kallaðir í
viðtal við fulltrúa ASSE á íslandi.
Hér að framan hafa verið kynnt
nokkur atriði er varða námsdvöl
íslenskra ungmenna á vegum ASSE
í öðrum löndum. Þeir sem kynnu að
vilja afla sér frekari upplýsingar um
ASSE eða tilhögun þessara ung-
mennaskipta er bent á að hafa sam-
band við skrifstofu ASSE í Braut-
arholti 4, sem opin er virka daga kl.
13 — 17. Síminn er 621455.
Stefanía Harðardóttir
framkvæmdastjóri ASSE á íslandi.
BÓKABÍJÐ ir ■ (crlMJnn Símar: 91-29995-91-28640
BRYNcIARS
Sauðárkróki Starfssvið: Hvers konar myndbandagerð.
Bækur ritföng gjafavörur A uglýsingamyndir, frœðslumyndir,
í miklu úrvali. kynningarmyndir leiknar sem óleiknar.
Bókabúð Brynjars Skagfirðingabraut 9A, Sauðárkróki. Sími: 95-5950. Vönduð vinna, vanir menn.
27