Víðförli - 15.10.1992, Blaðsíða 5

MOLAR
BRETLAND:
Kirkjan gerir of mikið úr kynlífi.
Erkibiskupinn af Kantaraborg, Georg Carey,
lýsti því yfir í viðtali nýlega að kristnir menn
jafnt og ekki kristnir verðu of mikilli orku í
kynlífsspurningar og of lítilli í vandamál sem
vörðuðu alla heimsbyggðina, t.d. fátækt.
Kristnir menn hefðu alltaf haft tilhneigingu til að
telja syndir á sviði kynlífs verri en aðrar syndir, til
dæmis efnahagslegt misrétti. "Ég hef verulegar
áhyggjur af fátækum/'sagði Carey, "og hvernig við
umgöngumst fátækt. Ég hef líka áhyggjur af auð-
legð Vesturlanda. Við kvörtum sífellt yfir efnahags-
örðugleikum þó að við séum mun ríkari en meiri-
hluti mannkyns."
BANDARÍKIN:
Risakirkjur.
Tími stórra dómkirkna er ekki alveg liðinn þó
að miðaldirnar séu liðnar. I Bandaríkjunum
ætlar Lútherska kirkjan að byggja risakirkjur
og halda guðsþjónustur í iéttum dúr.
Evangelisk-láterska kirkjan í Bandaríkjunum og
"Sameinuð kirkja Krists" ætla í sameiningu að
ráðast í byggingu risakirkna sem eiga að höfða til
kynslóðarinnar sem kölluð er barnasprengju-kyn-
slóðin eða "baby-boomers" í Bandaríkjunum. Hér
er átt við fólk sem fætt er á árunum 1945 - 65.
Guðsþjónusturnar í þessum kirkjum verða óhefð-
bundnar. Predikanirnar eiga að snúast meira um
persónulega þróun einstaklingsins en útleggingu á
Bibliunni. Það verður meira um popptónlist en
sálma, alls kyns tæknileg hjálpartæki verða notuð
og guðsþjónustur verða á laugardögum en ekki
sunnudögum. Gagnrýnendur óttast að þessar guðs-
þjónustur snúist meira um skemmtun en trú en for-
svarsmenn kirknanna segja að þær muni bjóða upp
á svo víðtæka dagskrá að jafnvel dýpstu andlegri
þörf verði svalað.
NOREGUR:
Fá samkynhneigáir að giftast?
Norska barna-og fjölskylduráðuneytið legg-
ur bráðlega fram frumvarp þar sem lagt
verður til að samkynhneigð pör fái að giftst
með borgaralegri vigslu. Ráðuneytið mun
ekki leggja neitt til varðandi kirkjulega vígslu
en búist er við að frumvarpið verði mjög
umdeilt í Noregi.
Tillögur ráðuneytisins eru sniðnar eftir dönskum lög-
um um sama efni og meðal þess sem mælir með því
að mati stjórnvalda er að þá verður sambúð þess-
ara einstaklinga skráð. Ekki er hins vegar gert ráð
fyrir að samkynhneigð pör ættleiði börn. Kristilegi
þjóðarflokkurinn hefur þegar mótmælt þessum tií-
lögum en Georg Hille, biskup i Hamar i Noregi var
jákvæður í þeirra garð: "Það er þegar staðreynd
að fólk af sama kyni er í sambúð og því finnst mér
ekkert að því að setja lagalegar reglur um það."
ÞYSKALAND:
Ungir kaþólikkar vilja endur-
bætur.
Æskulýðssamtök rómversk-kaþólsku kirkj-
unnar i Þýskalandi, hefur sent opið bréf til
þýskra kirkjuyfirvalda þar sem krafist er
endurbóta innan kirkjunnar.
Meðal þess sem nefnt er í bréfinu er að konur fái
sömu möguleika og karlar á kirkjulegum embætt-
um. Þess er krafist að kaþólska kirkjan í Þýskalandi
og jafnvel yfirstjórn kirkjunnar allrar hefji opna um-
ræðu um vígslu kvenna, skírlífi presta, giftingu frá-
skilinna og svo framvegis.
SOMALÍA:
Loftbrú með mat til barna.
Lúterska heimssambandið hefur myndað
loftbrú frá Nairóbí til Mogadishu, höfuð-
borgar Sómalíu með mat til sveltandi barna.
Maturinn er sendur á ellefu stöðvar þar sem um
ellefu þúsund börn geta notið hans. Stöðvarnar eru
reknar af stofnun sem kallast Bjargið börnunum
(Save the Children Foundation). Maturinn sem
börnin fá er bætiefnaríkt mjöl sem kallast Unimix
og er gert úr maís, baunamjöli, sykri og olíu. Á
tveimur vikum var flogið með 500 tonn af mat. Um
helmingur hinna átta milljón ibúa Sómalíu er talinn
svelta, fyrst og fremst vegna langvarandi borgara-
stríðs.
VÍÐFÖRLI Október 1 992
5