Vinnan - 01.05.1984, Blaðsíða 8

Hættulegt ástand:
ísland er orðið
láglaunaland
Kristján Thorlacius, formaður
Bandalags starfsmanna ríkis og
bæja, hélt aðalræðuna í Kefla-
vík. Hann rakti þá miklu at-
burði sem orðið hafa í stjórn-
málum og efnahagsmálum frá 1.
maí á sl. ári, og hvernig núver-
andi ríkisstjórn hefði ráðist með
meiri hörku gegn launafólki og
samtökum þeirra en dæmi eru til
um áður hér á landi.
Kristján rakti síðan varnaraðgerðir
launafólks. Um andstöðuna gegn af-
námi samningsréttar sagði Kristján:
„Sú andstaða leitaði útrásar í fjölda-
mótmælum, sem afhent voru við setn-
ingu Alþingis og leiddi til þess að
stjórnvöld heyktust á að staðfesta
ákvæði bráðabirgðalaganna um afnám
samningsréttarins. Petta var sigur sam-
taka launafólks, sigur gegn yfirgangi
stjórnvalda, sigur í máli, sem varðaði
sjálfa tilveru verkalýðshreyfingarinnar
og starf hennar allt.
Þær 35 þúsundir manna, sem undir-
rituðu mótmælin gegn afnámi samn-
ingsréttar, eiga heiðurinn af því að hafa
lagt grunninn að áframhaldandi bar-
áttu samtaka launafólks hér á landi.
I beinu framhaldi af þessum sigri
tókust samningar, sem táknuðu þau
þáttaskil að kjaraskerðingin var stöðv-
uð - a. m. k. í bili.“
Kristján sagði, að stjórn BSRB og
samninganefnd muni koma saman í
júlímánuði til sameiginlegs fundar og
taka ákvörðun um hvort nota skuli
heimild til uppsagnar.
Kristján fjallaði um böl atvinnuleysis
og hvernig allir verði að standa saman
til að bægja þeirri hættu frá, og þar eiga
BSRB, ASÍ og önnur samtök launa-
fólks fulla samleið. Forgangsverkefni
samtakanna er að hafa forystu um að
ná upp á ný kaupmætti launa, þannig
að launafólk geti við unað. Annað stór-
verkefni er að tryggja fulla atvinnu um
landið allt. Til að slíkt takist þarf að
mynda samstöðu margra aðila í þjóðfé-
laginu."
Kristján minntist einnig á launajafn-
rétti kynjanna, og sagði að enn vanti
mikið á að réttlætinu sé fullnægt. Ffann
hvatti til fullrar samstöðu kvenna og
karla um þau mál.
Kristján sagði að lokum:
ísland er láglaunaland
,,Allir, sem að samningsgerðinni í
febrúar stóðu, vildu ná lengra. Það
tókst að stöðva kjarahrapið, a. m. k. í
bili. Við vildum öll einnig ná fram
fyrsta áfanga í því að bæta kaupmáttinn
á ný.
I atkvæðagreiðslum um samningana
hefur meirihluti launafólks lýst sig
samþykkt því, sem náð varð án verk-
falla.
Eftir sem áður keppa menn að því að
ná lengra sem fyrst. ísland er orðið lág-
launaland. Það ástand er hættulegt.
Það er hlutverk samtaka launafólks að
breyta því til bóta. En það verður ekki
gert nema með samstilltu átaki, traustu
og drengilegu samstarfi fjölmennustu
heildarsamtaka launafólks og aðildar-
félaga þeirra.
Að þessu munum við vinna og þá
mun ekki standa á árangri.“
Sendum öllutn
verkalýð og samtökum
hans baráttukveðjur
1. maí
ALÞÝÐUSAMBAND
ÍSLANDS
8 VINNAN