Vinnan - 01.05.1984, Qupperneq 20

Gagnleg bók um
málefni aldraðra
Veistu að Leikfélag Reykjavíkur og Þjóðleikhúsið veita
ellilífeyrisþegum afslátt á miðaverði?
Veistu að flugfélög veita ellilífeyrisþegum afslátt af far-
gjöldum með vissum skilyrðum?
Veistu að Alþýðublaðið, Morgunblaðið, Tíminn og Þjóð-
viljinn veita ellilífeyrisþegum afslátt af áskriftargjaldi?
Veistu? Veistu? Veistu?
Asdís Skúladóttir.
Já, það er sannarlega margt sem maður
fær að vita við lestur bókar Ásdísar
Skúladóttur félagsfræðings. Vinnuheiti
bókarinnar er Karl og kerling, en end-
anlegt nafn er ekki komið. Bókin, sem
gefin er út af MFA og ASÍ, kemur á
markað innan skamms.
Bókin fjallar um málefni aldraðra. Á
mjög einfaldan en greinargóðan máta
eru tekin fvrir helstu vandamál fólks
þegar það verður ellilífeyrisþegar. Auk
almennra hollra ráða og upplýsinga um
fyrirbærið öldrun og um hvíld, svefn og
mataræði eru tekin fyrir peningamál
aldraðra, skattar, lán og lánamögu-
leikar, ávöxtun fjár og ýmsar gerðir af
reikningum.
Ellilífeyrir, tekjutrygging, heimilis-
uppbót, makabætur, barnalífeyrir,
slysadagpeningar, hjálpartæki, lyf,
tannviðgerðir og allt annað sem við-
kemur tryggingakerfinu er tekið fyrir
og kynnt á einfaldan og aðgengilegan
hátt.
Lífeyrissjóðirnir, iðgjöld og m. a.
áunnin geymd réttindi eru kynnt og
skýrð og bent á hvert fólk á að snúa sér
til þess að fá aðstoð og hjálp.
Ibúðir, dvalarstofnanir og þjónusta
ýmiskonar er kynnt og taldir upp helstu
kostir og ókostir. Erfðir, erfðaskrá og
óskipt bú eru einnig vandamál, sem
bókin tekur fyrir, auk þess sem hún
kynnir félagslíf og tómstundagaman af
ýmsu tagi fyrir ellilífeyrisþega.
Það er ekki vafi á að þessi bók á eftir
að koma mörgum að góðu gagni og
verða eins konar biblía eða uppsláttar-
bók, ekki bara aldraðra, heldur allra
sem um þessi mál vilja fræðast.
Við birtum hér einn kafla úr
bókinni KARL OG KERLING
- RIT UM MÁLEFNI ALDR-
AÐRA eftir Ásdísi Skúladóttur,
félagsfræðing, sem Alþýðusam-
Skattframtalið
Allar bætur frá Tryggingastofnun ríkis-
ins og eftirlaun úr lífeyrissjóðum á að
telja fram til skatts ásamt öðrum tekj-
um.
Eldra fólk getur fengið vissar ívilnanir
við skattaálagningu samkvæmt lögum
um tekjuskatt og eignarskatt. Ef sá
skattur er fyrir hendi þarf að greina frá
ástæðum og leggja fram beiðni í þar til
gerðan reit á skattframtalinu.
Helmingur tekna til frádráttar
Tekjuskattstofn manns, sem látið hefur
af störfum vegna aldurs, skal lækkaður
um helming við útreikning skatts af
þeim tekjum sem aflað hefur verið síð-
ustu 12 mánuðina.
Fólk sem náð hefur 60 ára aldri eða
hefur öðlast rétt til eftirlauna eða elli-
lífeyris á tekjuárinu verður því að til-
greina á skattframtali hvenær það telji
band íslands og Menningar- og
fræðslusamband alþýðu gefur út
innan skamms. Kaflinn fjallar
um lækkun gjalda og undanþágu
frá gjöldum.
sig láta af störfum eða hvenær það hef-
ur látið af störfum vegna aldurs.
Jafnframt verður fólk að draga frá
helming þeirra tekna sem það hafði
áður en að látið var af störfum. Fólk
sem hefur látið af aðalstarfi en heldur í
raun áfram störfum, t. d. í hlutavinnu
eða fullri vinnu, getur valið hvort þessi
frádráttur verður framkvæmdur þegar
það lætur af aðalstarfi eða þegar allri
vinnu er hætt.
Helmingsfrádráttur við álagningu
skatts á tekjur eldra fólks kemur ekki
til greina nema einu sinni fyrir einstakl-
ing.
Frádráttur vegna ellihrörleika
eða veikinda
Heimilt er skattstjóra að lækka tekju-
skattstofn ef ellihrörleiki, slys eða
mannslát hafa skert gjaldþol manns
verulega.
Ef þessar ástæður eru fyrir hendi þurfa
Lækkun gjalda
og undanþága frá þeim
20 VINNAN