Vinnan - 01.05.1984, Side 13

Ekki atvinnugreinafélög heldur:
Starfsgreinadeildir innan
núverandi félagakerfis
Helgi Guðmundsson, starfsmaður skipulagsnefndar, hlaut loffyrir gott undirbún-
ingsstarf- hin myndin sýnir nokkra semfjölluðu um málefni byggingariðnaðarins.
- Á yfirborðinu lítur svo út að Iítið
hafi gerst á skipulagsmálaráðstefnunni
þótt sitthvað merkilegt hafi samt gerst
þar. Hvað kom út úr þessari ráðstefnu,
Helgi?
-1 stuttu máli má segja að menn í
öllum atvinnugreinum voru sammála
um að auka beri samstarf og samvinnu
innan hinna margvíslegu stéttarfélaga.
Af þeim fjórum skipulagskostum, sem
reifaðir höfðu verið, voru menn sam-
mála um að skoða og hrinda í fram-
kvæmd kosti D, sem býður upp á
deildaskiptingu í félögunum eftir
starfsgreinum. Deildirnar gætu síðan
orðið aðilar að landssamböndunum
eins og þau starfa núna.
Þessi kostur virðist þykja bestur og
fyllilega mögulegur. Með þessum hætti
ætti í framtíðinni að vera mögulegt að
gera heildarkjarasamninga fyrir við-
komandi atvinnugreinar.
- Hve margar yrðu atvinnugreinarn-
ar, ef þetta þróast í þessa átt?
- Sennilega tíu til tólf greinar. Nú
eru landssamböndin átta talsins og ný
landssambönd gætu orðið t.d. meðal
fólks sem vinnur hjá ríki og sveitarfé-
lögum, en sá hópur skilaði um fimm
þúsund ársverkum árið 1982, og fólks
sem starfar í hverskonar þjónustu-
greinum. í kjölfarið gætu orðið ein-
hverjir flutningar á fólki milli lands-
sambanda.
Það liggur ljóst fyrir eftir ráðstefn-
una að mönnum líst ekki á að gera stór-
felldar breytingar á borð við þær að
skipta öllu upp í atvinnugreinafélög.
- Vandamál fiskvinnslufólksins
komu þarna skýrt fram. Hvaða niður-
staða varð af umræðum þess hóps?
- Samkvæmt eðli vinnunnar er
eiginlega minnst hætta á sundrungu
meðal fiskvinnslufólks ef gera ætti
skipulagsbreytingar. En hin brennandi
spurning á ráðstefnunni var sú:
Hvernig stendur á því að þessi fjöl-
menni og þýðingarmikli hópur innan
verkalýðssamtakanna hefur minnst
réttindi allra atvinnuhópa í landinu —
fólkið sem er í grundvallarvinnslunni.
Menn hljóta að spyrja hvort það sé ekki
eitthvað í starfsháttum og skipulagi,
sem veldur því að hlutirnir eru svona.
Innan fiskvinnsluhópsins er nú mikill
áhugi á að auka samstarf og samvinnu.
- Það kom skýrt fram að þótt fólk
hafnaði róttækum skipulagsbreyting-
um, þá vildi það samt margskonar
breytingar.
— Já, fólk var ekki síður að velta fyrir
sér nauðsynlegum starfsháttabreyting-
um. Stóra verkefnið sem blasir nú við
ASI eru einmitt starfsháttabreytingar,
og það komu fram margar mjög þarfar
ábendingar í þeim efnum. Það var
greinilegur áhugi á að sameinast um
átak í þeim málum innan atvinnugreina
- í menntunar- og menningarmálum, í
kjaramálum, í atvinnumálum, í starfs-
og endurmenntarmálum og fleira í
þeim dúr.
Það liggur næst fyrir að draga saman
heildarniðurstöður hópanna og fá fram
skýra mynd af því sem ráðstefnufólkið
hafði fram að færa. Ég er þeirrar skoð-
unar að í haust eigi að halda fleiri at-
vinnugreinafundi, t.d. meðal fólks í
járniðnaði, fólks er stundar verslunar-
og þjónustustörf, og fólks sem stundar
opinber þjónustustörf. Einnig gætu
fiskimenn komið til greina, en þar er sá
hængur á að aðeins undirmenn á fiski-
skipum eru innan raða ASÍ. Einnig má
hugsa sér að fólk sem starfar við flutn-
inga sé þarna með.
- Nú er ASÍ þing í lok nóvember.
Verða þessi mál ekki áberandi hluti
umræðna og ákvarðanatöku á þinginu?
- Jú, ég vona að eftir alla þessa vinnu
og umræður eigi þingfulltrúar að vera
betur í stakk búnir til ákvarðanatöku.
A síðasta þingi voru gerðar samþykktir
um skipulagsmál sem virðast hafa verið
lítið grundaðar svo ekki sé meira sagt.
- Mér virtist fólk þakklátt fyrir að fá
þessa umraytu með svo skipulögðum
hætti.
- Já, mér virtist það líka. Þátttaka
var mjög góð og fólkið vann mjög sam-
viskusamlega. Ég held að með þessum
fundum hafi verið gróðursettur nýr
þankagangur og nú skiptir mestu
hvernig þessu verður fylgt eftir. S.J.
VINNAN 13