Börn og menning - 2015, Qupperneq 24
Börn og menning24
Fyrirsögn greinar
Höfundur
Undirfyrirsögn
Þriggja heima saga:
Hrafnsauga (2012)
Draumsverð (2013)
Ormstunga (2015)
Kjartan Yngvi Björnsson
og Snæbjörn Brynjarsson
Vaka-Helgafell
Þegar bókin Hrafnsauga, fyrsta verk
Kjartans Yngva Björnssonar og Snæbjörns
Brynjarssonar, kom út árið 2012 var yfirlýst
markmið höfundanna að skrifa bækur sem
þeir hefðu sjálfir viljað lesa sem unglingar.
Þeir skrifuðu sig meðvitað inn í hefðina
sem Tolkien hóf með ritun Hobbitans og
Hringadróttinssögu og ætluðu sér ekki
að verða bókmenntafrömuðir heldur að
skrifa góða, íslenska fantasíu sem íslensk
ungmenni gætu lesið og notið.
Höfundarnir þekkja fantasíubókmenntir út
og inn og hafa nýtt sér fastar stærðir innan
þeirra til þess að skapa mjög sannfærandi
heim, en sagan fellur í flokk annars heims
fantasía (e. secondary world fantasies). Þessi
flokkun kemur upphaflega úr grein Tolkiens,
„On Fairy Stories“ þar sem hann segir að hin
eina sanna fantasía sé þannig að lesandinn
ferðist inn í heim sem er fjarlægur hinum
raunverulega heimi. Lesandinn verður að
fallast algjörlega á forsendur fantasíuheimsins
og þannig er vantrúnni slegið á frest (e.
suspension of disbelief).
Í upphafi skal upphafið skoða
Sagan sem sögð er í Hrafnsauga hefst í
þorpinu Vébakka í Janalandi, langt í norðri.
Skrímsli ráðast á þorpið og þrjú ungmenni,
Ragnar, Sirja og Breki, flýja undan þeim
til þess að sinna öðru og stærra verkefni.
Saga Ragnars er nokkuð sígild og vísar í
öskubusku/kolbítsminnið. Hann er ungur,
munaðarlaus drengur sem hrakist hefur
á milli heimila í þorpinu og alls staðar
mætt ömurlegu viðmóti. Í sögunni kemst
hann að því að þorpsbúar óttast hann en
gæta hans um leið vegna þess að í líkama
hans er falið eitt af hinum sjö innsiglum
sem vitringarnir notuðu til að loka illar
skuggaverur frá mannheimum. Nú hefur eitt
innsiglanna rofnað og því verður Ragnar að
vernda innsiglið og reyna um leið að bjarga
heiminum frá skuggaverunum. Til þess þarf
hann að læra hina fornu galdra en notkun
þeirra hefur að miklu leyti fallið í gleymsku.
Bókin er sannfærandi fantasía en byggingin
er ekki alveg eins æfð og þétt og hún hefði
þurft að vera. Sem fyrsti hluti bókaflokksins
er Hrafnsauga eins konar inngangsrit sem
Hildur Ýr Ísberg
Þriggja heima þroskasaga
bækur