Fréttablaðið - 24.04.2021, Blaðsíða 18

Þó svo að ekki hafi allir haft trú á að fríblað gæti fest sig í sessi hér á landi ákváðu feðgarnir Sveinn R. Eyjólfsson og Eyjólfur Sveinsson að láta slag
standa og fylgja þróuninni sem
orðið hafði á mörkuðum allt í kring.
Fyrsti ritstjóri blaðsins var Einar
Karl Haraldsson og hafa þó nokkrir
sest í þann stól síðan. Fyrir tveimur
áratugum þegar Fréttablaðið leit
fyrst dagsins ljós var fjölmiðlaum­
hverfið vissulega allt annað en það
er í dag og ber þar hæst að frétta­
framleiðsla á netinu var rétt að
hefjast og var auðvitað mun fyrir­
ferðarminni en hún er í dag. Þegar
kom að prentinu voru það tvö dag­
blöð sem kepptu um lesendur og
auglýsendur; Morgunblaðið og DV,
og var Fréttablaðið þar hrein viðbót
og í frídreifingu inn á heimili lands­
manna í þokkabót.
Mest lesna dagblað landsins
Það tók Fréttablaðið ekki nema
þrjú ár að verða mest lesna dag­
blað landsins og heldur það enn í
dag þeim heiðurssessi, en rúmlega
40 prósent fólks á höfuðborgar­
svæðinu lesa blaðið daglega. Eins
les um helmingur fólks á aldrinum
35 til 65 ára á því svæði blaðið dag
hvern. Þegar svo kemur að hópnum
55 til 80 ára sem lesa blaðið daglega
er niðurstaðan 70 prósent.
Í dag heldur Fréttablaðið úti
öf lugri fréttasíðu, frettabladid.is,
en eftir tvö ár í loftinu er miðillinn
kominn með dyggan fastagesta­
hóp, eða um 80 þúsund manns dag
hvern.
Útgáfa í tvo
áratugi
Þann 23. apríl 2001 kom fyrsta tölublað
Fréttablaðsins út og má segja að þá hafi
verið brotið blað í sögu fjölmiðlunar hér á
landi. Frá þeim degi eru liðin tuttugu ár og
er blaðið enn mest lesna dagblað landsins.
Sigríður Björg Tómasdóttir var ein þeirra sem unnu að fyrsta tölublaði Fréttablaðsins. Reynd­
ar átti hún þá eftir að starfa að þeim
þó nokkrum en hún var blaðamaður
hjá Fréttablaðinu í tólf ár.
„Ég kom á Fréttablaðið af Morg­
unblaðinu en þar hafði ég verið í
nokkur sumur og veturlangt þegar
mín var freistað með tilboði um
atvinnu á nýju blaði sem væri í
smíðum. Það var mikið ævintýri að
taka þátt í blaðaútgáfu frá upphafi
og mikil stemning hjá okkur starfs­
fólkinu sem þarna vorum saman­
komin. Þetta var lærdómsríkur og
skemmtilegur tími, mikið af frábæru
samstarfsfólki, hasar og álag sem er
gott, en sennilega í hófi því á end­
anum langaði mig til að breyta til en
þá hafði ég unnið í tólf ár á blaðinu.“
Sigríður man ekki nákvæmlega
hvort hún hafi mætt til starfa einni
eða tveimur vikum fyrir útgáfu
fyrsta blaðsins en þar slóst hún í
hópinn með Steinunni Stefáns­
dóttur, Björgvin Guðmundssyni,
Tinna Sveinssyni, Kolbrúnu Ingi­
bergsdóttur, Sigurjóni M. Egilssyni,
Kristjáni Hjálmarssyni og fleiri, sem
voru á blaðinu frá upphafi.
Skýrar og skorinorðar fréttir
„Gunnar Smári Egilsson, hugmynda­
smiður blaðsins, var búinn að hanna
blað sem átti að vera stutt og laggott,
það var mjög formfast, 24 síður og
strangar reglur um uppsetningu og
lengd frétta sem áttu að vera skýrar
og skorinorðar. Við vorum eitthvað
að safna í sarpinn á þessum undir­
búningstíma, skiptast á hugmynd­
um og tengja okkur við samfélagið.
Mig minnir nú samt að framleiðsla
efnis hafi aðallega átt sér stað nálægt
útgáfudegi. Fyrsti útgáfudagur var
vel að merkja mánudagur, en fyrsta
árið eða svo kom Fréttablaðið út
fimm daga vikunnar, mánudaga til
föstudaga,“ segir Sigríður.
Framlag Sigríðar til fyrsta tölu­
blaðsins var ýmsar stuttar fréttir.
„Ég á líka í blaðinu viðtal við Kúrda,
Salah Karim, sem gekk heldur illa
að fá starf í samræmi við menntun
en hann hafði þá búið í nokkur ár á
Íslandi.“
Frétt var ekki fullsögð fyrr en hún rataði á prent
Sigríður Björg var blaðamaður á Fréttablaðinu þegar fyrsta tölublaðið kom
út árið 2001 og hætti ekki fyrr en tólf árum síðar. FRÉTTABLAÐIÐ/ANTON BRINK
Sigríður Björg,
hér til vinstri,
var einn þriggja
fréttastjóra
Fréttablaðsins
árið 2006. Hér
ásamt hinum
tveimur, þeim
Trausta Hafliða-
syni og Arndísi
Þorgeirsdóttur.
FRÉTTABLAÐIÐ/
STEFÁN
Gekk á ýmsu í dreifingunni
Aðspurð um viðbrögðin við þessari
viðbót í f lóru fjölmiðla hér á landi
segir Sigríður þau í minningunni
vera góð.
„Frá fyrsta degi lét fólk í sér heyra
ef blaðið barst ekki í hús og það gekk
nú reyndar á ýmsu í dreifingunni til
að byrja með. Það voru líka úrtölu­
raddir, sumum þótti blaðið heldur
rýrt og höfðu alls konar skoðanir
á því. Svo festist það smám saman
í sessi og tveimur árum eftir fyrsta
tölublað, komst blaðið í fyrsta sinn
yfir Morgunblaðið í lestri sem var
mikill áfangi.“
Vefumhverfið stærsta breytingin
Þegar Sigríður er spurð út í starf
blaðamannsins og hvernig það hafi
breyst á þessum tveimur áratugum
nefnir hún vefmiðlana og hvernig
þeir hafi styrkst á þessum árum.
„Vefmiðlar voru vissulega komnir
til sögunnar 2001 en þeir voru alls
ekki jafn öflugir og þeir eru í dag
þannig að ég ætla að segja að allt
vefumhverfið, tæknin sem fylgir því
og tilkoma samfélagsmiðla sé mesta
breytingin sem orðið hefur á starfi
blaðamannsins með tilheyrandi
hraða í fréttamiðlun.
Prentmiðlar voru miklu sterkari
2001 en þeir eru í dag og margir
blaðamenn á því að frétt væri ekki
fullsögð fyrr en hún rataði á prent.
Ég hugsa að það hafi fækkað í þeim
hópi.“ bjork@frettabladid.is
40%
FÓLKS Á HÖFUÐBORGAR-
SVÆÐINU LESA BLAÐIÐ
DAGLEGA.
50%
FÓLKS Á HÖFUÐBORGAR-
SVÆÐINU Á ALDRINUM
35 TIL 65 ÁRA LESA BLAÐIÐ
DAGLEGA.
70%
FÓLKS Á HÖFUÐBORGAR-
SVÆÐINU Á ALDRINUM
55 TIL 80 ÁRA LESA BLAÐIÐ
DAGLEGA.
Róbert Badí og Lovísa Arnardóttir.
Blaðamenn við störf á fyrstu vakt í
núverandi húsnæði, Hafnartorgi.
Þorsteinn Pálsson fyrrverandi rit-
stjóri með starfsfólki blaðsins.
Jón Kaldal fyrrverandi ritstjóri með
Bergsteini Sigurðssyni blaðamanni.
Blaðamennirnir Kristlín Dís og Ingunn Lára við störf á ritstjórninni í gær.
Birna Dröfn og Þorvarður Pálsson.
Kolbrún Bergþórsdóttir, ritstjóri Menningarblaðsins, fer yfir uppsetningu
blaðsins ásamt starfsmönnum umbrotsins, Eddu Karítas og Guðlaugi.
2 4 . A P R Í L 2 0 2 1 L A U G A R D A G U R18 H E L G I N ∙ F R É T T A B L A Ð I Ð
HELGIN