Fréttablaðið - 11.05.2021, Page 22

Við áttum frábært
tímabil í hand-
boltanum þar sem liðið
stóð sig frábærlega eftir
erfiða byrjun en við
enduðum sem deildar-
meistarar.
Anton Rúnarsson
Fálkar og Valkyrjur eru annars
vegar hópur feðra og hins vegar
kvenna í Val. Fálkarnir sinna
fjáröflunum og félagsstarfi fyrir
félagið og Valkyrjur stuðla að
jafnrétti innan félagsins ásamt
því að veita konum bæði vett-
vang og rödd.
„Fálkarnir eru félagsskapur feðra
í Val, stofnaður árið 2009 til að
styðja við barna- og unglinga-
starf Vals. Það gerum við með því
að safna fé með ýmsum hætti og
veitum því í styrki,“ segir Einar
Logi Vignisson, formaður Fálka.
„Yfirgnæfandi meirihluti Fálkanna
er ekki Valsarar, en þeir eiga börn
í Val og þess vegna gerast þeir
Fálkar. Þetta eru feður sem vilja
láta gott af sér leiða og það er góður
andi í klúbbnum.
Það gefur ákveðinn slagkraft
í svona sjálfboðastarf að hafa
formbundinn félagsskap. Virkir
Fálkar eru um 50 og það er kosin
stjórn á hverju ári sem sér um að
manna vaktir á grillið yfir sumarið
og í aðrar fjáraflanir,“ segir Einar.
„Meðlimir leggja til vinnu sína
og greiða jafnframt mánaðarleg
félagsgjöld sem eru notuð til að
standa straum af kostnaði, en
afgangurinn fer í styrki. Þar fyrir
utan reynum við að styðja félagið
með öðrum hætti og tökum t.d.
að okkur ýmis sjálfboðastörf og
stöndum einnig fyrir viðburðum
fyrir félagsmenn á veturna með
fyrirlestrum o.fl.
Við fáum miklar þakkir frá
Valsmönnum fyrir það sem við
erum að gera og það eflir menn.
Fálkarnir standa í þessu vegna þess
að þetta er gaman. Það skiptir máli
að allir séu glaðir og jákvæðir, þá
nenna menn þessu,“ segir Einar.
„Svo endar þetta auðvitað með
því að flestir Fálkar verða miklir
Valsarar, það er ekki hjá því komist
í þessum öfluga klúbbi.“
Vettvangur Valskvenna
„Valkyrjur er félag kvenna í Val
sem leggja sérstaka áherslu á jafn-
réttisstefnu Vals. Félagsskapurinn
var stofnaður árið 2012 og í dag
eru meðlimir 140,“ segir Magda-
lena Kjartansdóttir, formaður
Valkyrja. „Valkyrjur taka þátt
af ýmsum ástæðum og það er
mikilvægt að starfsemi Valkyrja sé
fjölbreytt svo breiður hópur geti
fundið þar tilgang og verkefni við
hæfi.
Valkyrjur vinna að verkefnum
sínum á ýmsan hátt. Þar er vett-
vangur fyrir konur til að ræða mál-
efni félagsins, þær beita sér fyrir
kynjajafnrétti innan Vals og stuðla
að því að auka sýnileika kvenna
og fjölga þeim í stjórnum, ásamt
mörgu fleiru,“ segir Magdalena.
„Valkyrjur hafa komið að ýmsu
gegnum árin, bæði hlutum sem
tengjast þjónustu á leikjum og
ýmsu félagsstarfi.
Stelpur hafa notið betri aðstöðu
og aðbúnaðar síðustu ár en
konur koma enn í minna mæli
að ákvörðunartöku innan deilda
Vals. Það gengur hægt en örugg-
lega að bæta úr því,“ segir Magda-
lena. „Jafnrétti er mikilvægt innan
íþróttahreyfingarinnar sem og
annars staðar.
Það hefur aldrei verið jafn
mikilvægt að börn og ungmenni
taki þátt í skipulögðu íþróttastarfi
og það er bæði mikilvægt að halda
í þann hóp sem hefur tekið þátt í
starfi Vals og bæta í hann,“ segir
Magdalena. „Við hvetjum konur
til að ganga til liðs við okkur til að
kynnast starfi Vals og hafa gaman
saman.“
Öflugur stuðningur við starfið
Magdalena Kjartansdóttir, formaður Valkyrja, og Einar Logi Vignisson, formaður Fálka. FRÉTTABLAÐIÐ/ANTON BRINK
Atvinnumaðurinn Anton Rún-
arsson var valinn íþróttamaður
ársins hjá Val í fyrra. Anton er
ákaflega stoltur af viðurkenning-
unni, segir hana mikinn heiður
og vonar að hann geti verið fyrir-
mynd fyrir yngri iðkendur.
Anton er 32 ára gamall, þriggja
barna faðir og er kvæntur Sigrúnu
Gróu Skúladóttur. Hæfileikar hans
á sviði boltaíþrótta komu fljótlega
í ljós en Anton var ekki nema sjö
ára gamall þegar hann gekk til liðs
við Val.
„Ég ólst upp fyrstu sex árin á
Akureyri en flutti til Reykjavíkur
sjö ára gamall og byrjaði í 2. bekk
í Hlíðaskóla. Ég var í bæði hand-
bolta og fótbolta upp alla yngri
flokka Vals og varð yngsti leik-
maður í sögu Vals í fótboltanum til
að skrifa undir samning við Val á
sínum tíma.“
Margir boltar á lofti
Fótboltinn laut þó að lokum í
lægra haldi fyrir handboltanum.
„Á endanum hætti ég í fótbolta til
að einbeita mér að handboltanum
þar sem allir mínir bestu vinir voru
á fullu. Handboltinn hefur alltaf
verið sigursæll í öllum flokkum
innan félagsins og unnum við ófáa
titla saman í yngri flokkum sem
hélt áfram þegar ég byrjaði að spila
í meistaraflokknum.“
Anton hefur spilað sem atvinnu-
maður í fjögur ár, fyrst tvö ár í
Danmörku og síðar tvö ár í Þýska-
landi. Eftir árin í atvinnumennsk-
unni sneri hann aftur heim og
kláraði íþróttafræði við Háskólann
í Reykjavík ásamt því að klára öll
þjálfarastigin hjá Handknattleiks-
sambandinu.
Anton hefur ekki síður getið sér
góðan orðstír sem þjálfari yngri
flokkanna hjá Val undanfarin ár.
Þegar hann er spurður að því hver
sé lykillinn að því að vera góður
þjálfari nefnir hann nokkra mikil-
væga eiginleika.
„Að elska það sem þú ert að
gera og tilbúinn að vera til staðar
fyrir yngri iðkendur félagsins sem
margir hverjir eru að stíga sín
fyrstu skref í íþróttum. Að vera
heiðarlegur og sanngjarn skiptir
miklu máli og að vera góð fyrir-
mynd fyrir aðra.“
Stoltur og hrærður
Anton segir engin orð ná yfir þá
tilfinningu að hafa hlotið viður-
kenningu sem íþróttamaður Vals
árið 2020.
„Tilfinning var ólýsanleg. Ég
get eiginlega ekki lýst því hversu
stoltur og hrærður ég er. Þegar ég
var lítill strákur sá maður allar
hetjurnar sem voru að vinna alla
þessa titla í öllum greinum innan
félagsins sem maður leit upp til
og dáðist að. Það voru ófáir leik-
irnir sem maður var mættur á til
að horfa á hetjurnar og hvetja þá
áfram. Það er mikill heiður að vera
ein af þeim í dag og vonandi getur
maður verið hvatning fyrir yngri
iðkendur félagsins,“ segir Anton.
„Valur er stærsta félag á Íslandi
með marga frábæra íþróttamenn
innan félagsins í öllum deildum
sem hefðu einnig getað orðið fyrir
valinu. Við áttum frábært tímabil í
handboltanum þar sem liðið stóð
sig frábærlega eftir erfiða byrjun
en við enduðum sem deildarmeist-
arar þar sem margir leikmenn
spiluðu vel og eiga stóran þátt í
þessari viðurkenningu.“
Anton tiltekur nokkur augna-
blik sem standa upp úr á ferli hans
sem Valsari. „Eftir að ég koma
heim úr atvinnumennskunni árið
2016 þá urðum við Íslands- og
Bikarmeistarar árið 2017 eftir
svakalega úrslitakeppni við FH
sem var algjörlega frábær árangur.
Sama ár náðum við einnig langt í
Evrópukeppninni og spiluðum í
undanúrslitum á móti Turda frá
Rúmeníu.
Að hljóta nafnbótina Íþrótta-
maður Vals árið 2020 er augnablik
sem ég gleymi aldrei og mesti
heiður sem íþróttamaður innan
félagsins getur fengið. Ég er ótrú-
lega stoltur og þakklátur að hafa
fengið þá viðurkenningu.“
Aftur út til Þýskalands
Anton skrifaði nýverið undir
samning við TV Emsdetten á
nýjan leik. Hann segir fyrirhugaða
búferlaflutninga leggjast vel í sig
og fjölskylduna, enda ekki í fyrsta
Augnablik sem ég gleymi aldrei
Anton hefur
starfað sem
atvinnumaður
í handbolta í
fjögur ár.
MYND/AÐSEND
skipti sem þau leggja land undir
fót.
„Ég spilaði með TV Emsdetten í
tvö ár áður en ég kom aftur heim
í Val. Við þekkjum klúbbinn og
bæinn mjög vel og okkur leið
ótrúlega vel þarna. Það er spenn-
andi að fara aftur utan í atvinnu-
mennskuna og halda áfram að
þróa mig og bæta sem leikmann.
Elsta stelpan okkar var í leikskóla
úti og strákurinn okkar fæddist
þarna.
Tengingin við liðið og bæinn er
því mjög sterk og erum við mjög
spennt fyrir þessu ævintýri sem
er fram undan. Það er auðvitað
ekkert auðvelt að flytja út með þrjú
börn og koma öllum fyrir í skóla,
ásamt öðru tungumáli og mun
eflaust taka smá tíma að aðlagast.
En þetta verður ævintýri og gaman
að leyfa þeim að kynnast öðru
umhverfi.“
6 11. maí 2021 ÞRIÐJUDAGURVALUR 110 ÁR A