Skessuhorn - 06.01.2021, Blaðsíða 12

MIÐVIKUDAGUR 6. JANúAR 202112
Netabáturinn Ólafur Bjarnason SH
kom að landi í Ólafsvík um klukk-
an 14:30 á laugardaginn og land-
aði fyrsta afla ársins í Snæfellsbæ.
Aflinn var 11,5 tonn, að sögn Orra
Magnússonar stýrimanns, og fékkst
hann í 63 net. „Þetta er allt bolta
þorskur,“ sagði Orri brosmildur
og bætti við að þetta hafi verið góð
byrjun á nýju ári og vonandi aukist
aflinn bara úr þessu. Allur fiskurinn
fór í vinnslu hjá Valafelli sem gerir
bátinn út.
Skömmu eftir að Ólafur kom að
landi kom netabáturinn Bárður SH
með góðan afla, en nokkrir línubát-
ar voru þá enn á sjó.
af Bjarni Benediktsson fjármála- og
efnahagsráðherra hefur fallist á til-
lögu Bankasýslu ríkisins um sölu
á skilgreindum eignarhlut ríkis-
ins í Íslandsbanka, en ríkið á bank-
ann nú að öllu leyti. Í því felst að
ráðherra útbýr nú greinargerð sem
lögð verður fyrir fjárlaganefnd og
efnahags- og viðskiptanefnd Al-
þingis, auk þess að óska umsagnar
Seðlabanka Íslands í samræmi við
ákvæði laga. Að liðnum umsagn-
arfresti tekur ráðherra endanlega
ákvörðun um hvort sölumeðferð
skuli hafin, en miðað er við að hon-
um ljúki um 20. janúar nk. Stefnt
er að því að selja hlutina í almennu
útboði og skrá öll hlutabréf í bank-
anum í kjölfarið á skipulegan verð-
bréfamarkað á Íslandi. Áformin eru
í samræmi við stjórnarsáttmála rík-
isstjórnarinnar.
Í tilkynningu frá fjármála- og
efnahagsráðuneytinu kemur fram
að helstu markmið með sölu ríkis-
ins á hlutum þess í bankanum séu
að minnka áhættu ríkisins af svo
stórum eignarhlut í fjármálakerf-
inu; að efla virka samkeppni á fjár-
málamarkaði; að hámarka endur-
heimtur ríkissjóðs af eignarhaldinu
og sölu á hlutum; að stuðla að fjöl-
breyttu, heilbrigðu og dreifðu eign-
arhaldi til lengri tíma; að auka fjár-
festingarmöguleika fyrir innlenda
einstaklinga og fagfjárfesta; og ekki
síst að minnka skuldsetningu eða
auka svigrúm ríkisins til samfélags-
lega arðbærra fjárfestinga.
Eigið fé Íslandsbanka er nú met-
ið á um 182 milljarða króna en í
minnisblaði Bankasýslu ríkisins er
lagt til að tekin verði ákvörðun um
stærð hlutarins sem boðinn verður
til sölu á síðari stigum söluferlis,
með hliðsjón af áætlaðri eftirspurn.
Stefnt er að því að útboð geti far-
ið fram á vormánuðum, en málið
hefur fengið ítarlega umfjöllun í
ráðherranefnd um efnahagsmál og
endurskipulagningu fjármálakerfis-
ins og var rætt á fundi ríkisstjórnar-
innar skömmu fyrir jól.
mm
Rósa Björk Brynjólfsdóttir, sem
undanfarin misseri hefur ver-
ið óháður þingmaður en áður fé-
lagi í VG, hefur gengið til liðs
við Samfylkinguna. Það tilkynnti
hún skömmu fyrir jól: „Pólitískar
áherslur mínar og Samfylkingar-
innar eru nátengdar með mikilvægi
á aukinn jöfnuð í samfélaginu þar
sem allir geta notið sín á eigin for-
sendum, burtséð frá stétt eða stöðu
en líka á frið og sjálfbærni og opið,
framsækið og fjölbreytt samfélag
með áherslu á virka fjölþætta utan-
ríkisstefnu,“ segir í yfirlýsingu frá
henni. „Að undanförnu hefur Sam-
fylkingin að auki lagt mun meiri
og skýrari þunga á loftlagsmálin,
og umhverfismálin en áður, og lagt
fram góða áætlun um græna við-
spyrnu út úr Covid-19 kreppunni.
Það gerir útslagið fyrir mig þegar
kemur að því að taka þessa ákvörð-
un um að ganga í Samfylkinguna og
þingflokk hennar. Ég hlakka mjög
mikið til að taka þátt í starfi Sam-
fylkingarinnar og að leggja mitt á
vogarskálarnar til að bæta íslenskt
samfélag.“
mm
Síðasta löndun ársins í höfnum Snæ-
fellsbæjar var úr Hafdísi SK-04, en
margir bátar lönduðu afla sínum 30.
desember. Á myndinni er Ásbjörn
Óttarsson útgerðarmaður í Nesveri
ásamt áhafnarmeðlimi á Hafdísi að
landa afla dagsins, sem var 18 tonn
úr tveimur lögnum, en Hafdísin rær
með beitningarvél. af
Stofnvísitala þorsks samkvæmt
haustmælingu Hafró hefur lækkað
töluvert frá árinu 2017 þegar hún
mældist sú hæsta frá upphafi haust-
mælingarinnar. Nú er hún svipuð
því sem var árin 2008-2009. Lækk-
unina í ár rekur Hafró til þess að
fjöldavísitala 40-80 cm fisks var und-
ir meðaltali rannsóknartímabilsins.
Stofnvísitala ýsu hefur haldist svip-
uð frá árinu 2017. Vísitala annarra
nytjastofna sýndu svipaða þróun og
í fyrra þ.e. vísitala ufsa hefur farið
lækkandi frá árinu 2018 og vísitöl-
ur gullkarfa og löngu lækkuðu enn
frekar miðað við nokkur fyrri ár.
Vísitölur djúpkarfa, grálúðu, blá-
löngu og gulllax breyttust lítið eða
lækkuðu miðað við nokkur fyrri ár
og eru undir meðaltali tímabilsins.
Stofnar hlýra, tindaskötu, sand-
kola, þykkvalúru og skrápflúru eru
í sögulegu lágmarki.
Árgangur þorsks frá 2019 mæld-
ist vel yfir meðalstærð og fyrsta
mæling á yngsta árgangi þorsks-
ins er sú hæsta frá upphafi mælinga
1996. Árgangur ýsu frá 2019 mæld-
ist yfir meðalstærð og fyrstu vís-
bendingar um árganginn frá 2020
gefa til kynna að hann sé einn af
þeim stærstu síðan mælingar hófust
1996. Nýliðun gullkarfa, djúpkarfa
og blálöngu hefur verið mjög léleg
undanfarin ár. Vísitala nýliðunar hjá
grálúðu, sem hefur lækkað hratt frá
hámarkinu árin 2009-2013, sýndi
merki um jákvæða þróun í ár.
Magn flestra brjóskfiska jókst eða
hélst í stað frá fyrra ári. Stofn geir-
nytar hefur ekki mælst jafn stór frá
upphafi mælinga 1996. Vísitölur
margra djúpfiskategunda sem er að
mestu að finna í hlýja sjónum suð-
vestur og vestur af landinu stóðu í
stað eða hækkuðu miðað við nokk-
ur fyrri ár. Undantekning á þessu
eru stofnar slétthala og ingólfshala
sem hafa ekki mælst jafn litlir síð-
an 1996. Hitastig sjávar við botn
mældist að meðaltali hátt líkt og
undanfarin ár.
mm
Orri Magnússon og Einar Hjörleifsson við löndun á laugardaginn.
Fyrsti aflinn á nýju ári lofar góðu
Síðasta löndun ársins
Vísitala þorsks lækkar þriðja
árið í röð en væntingar eru um
góða nýliðun
Ríkið stefnir að sölu
Íslandsbanka á þessu ári
Rósa Björk gengur til
liðs við Samfylkinguna