Skessuhorn - 27.01.2021, Blaðsíða 26

MIÐVIKUDAGUR 27. jANúAR 202126
Hvort myndir þú vilja vinna
Olympíuverðlaun, Óskars-
verðlaun eða Nóbelsverð-
laun og í hvaða grein þá?
Spurning
vikunnar
(Spurt á netinu)
Þorleifur Rúnar Örnólfsson
Nóbelsverðlaun, hvaða skiptir
ekki máli, „plenty of money.“
Kristín Minney Pétursdóttir
Óskarsverðlaun. Besta leikkon-
an í aðalhlutverki.
Hólmfríður Sveinsdóttir
Ólympíugull, takk. Fengi það
fyrir stíl í 400 metra grinda-
hlaupi. Eða kannski fyrir sam-
hæft einstaklingssund?
Karen Lind Ólafsdóttir
Ég myndi vilja vinna Friðar-
verðlaun Nóbels fyrir framlag til
mannúðar og mannréttindi. Einn-
ig væri ég alveg til í Læknisfræði-
verðlaun Nóbels fyrir að finna
lækningu á öllu krabbameini.
Hlynur Lind Leifsson:
Nóbelinn fyrir efnafræði. Það
hljómar svalt.
„Það má segja segja að það hafi
verið mikil viðbrigði að fara úr 16
stiga frosti í Moskvu og í um 20
stiga hita hér á Spáni,“ segir Arn-
ór Sigurðsson knattspyrnumaður í
spjalli við fréttaritara Skessuhorns.
Arnór dvelur nú í æfingabúðum við
Alecante á Spáni ásamt liðsfélögum
sínum í CSKA Moskvu. Skagamað-
urinn ungi hefur verið að gera það
gott hjá rússneska liðinu að undan-
förnu. Hann kom þangað frá IFK
Norrköping í lok ágúst 2018 en
hann hafði þá verið hjá sænska lið-
inu frá því í mars 2017 en þangað
kom hann frá ÍA.
„Ég fór aftur til Moskvu 16.
janúar eftir um mánaðarfrí heima
á Íslandi um jólin. Hélt svo daginn
eftir til Spánar í æfingabúðir í einn
mánuð. Öll liðin í Rússlandi fara í
æfingabúðir á þessum tíma árs, en
deildarkeppninn í Rússlandi fer í
vetrarfrí um háveturinn ár hvert
og þá er þessi tími notaður til æf-
inga á suðlægari slóðum og æfinga-
leikir spilaðir,” segir hann. Deild-
arkeppnin í Rússlandi fór í frí 18.
desember en í lokaumferðinni fyr-
ir vetrarfríið sigraði CSKA Moskva
lið Rostov 3:1 á útivelli. Keppnin
hefst svo að nýju 19. febrúar en þá
leikur CSKA bikarleik á heimavelli
gegn SKA Khabarovsk en deildar-
keppnin hefst viku síðar en þá leik-
ur CSKA á útivelli gegn Lokimo-
tiv Moskva í borgarslag. Tæpum
mánuði síðar, eða 17. mars mætast
toppliðin í deildinni þegar CSKA,
sem er í örðu sæti deildarinnar,
spilar gegn toppliðinu Zenit frá
Pétursborg. Eins og staðan er núna
er Zenit í efsta sætinu með 41 stig
og CSKA í öðru sæti með 37 stig
og erkifjendurnir og nágrannarnir
úr Spartak Moskvu eru í þriðja sæti
með 35 stig. Í fyrri hluta mótsins
hefur Arnór skorað tvö mörk fyr-
ir lið sitt. Annað þeirra kom gegn
Sochi í 1:1 jafntefli á heimavelli
gegn liðinu í fjórða sæti deildar-
innar og hitt markið í 5:1 sigri gegn
Arsenal Tula.
Í efstu deild í Rússlandi spila 16
lið og er 19 umferðum lokið og
11 umferðir eftir. „Það sem eftir
er mótsins verður gríðaleg spenn-
andi,“ segir Arnór. „Það stefnir í
mikið einvígi á milli okkar og Ze-
nit en aðeins fimm stig skilja okkur
að í dag.“
Unir hag sínum
vel í Moskvu
Arnór kveðst aðspurður una hag
sínum vel í Moskvu. „Okkur líð-
ur vel hér, mér og unnustu minni
Rögnu Dís Sveinbjörnsdóttur. Við
erum með íbúð sem er vel staðsett í
borginni og í nágrenninu við hana
er allt það sem við þurfum eins og
í hverri annarri stórborg í Evrópu.
Það er góður vinskapur á milli okk-
ar Íslendinganna, mín og Harðar
Magnússonar sem einnig er á mála
hjá CSKA, og höldum við mik-
ið hópinn við og kærustur okkar
sem eru góðar vinkonur enda báð-
ar Skagakonur; þær Ragna Dís og
Móeiður Lárusdóttir.“
Öflugt lið
Knattspyrnulið CSKA Moskva á
sér langa og merkilega sögu. Liðið
hefur sex sinnum orðið rússneskur
meistari og sjö sinnum unnið rúss-
nesku bikarkeppnina. En stærsta
stund í sögu félagsins var þegar lið-
ið varð Evrópumeistari félagsliða
árið 2005 er liðið sigraði Sporting
frá Portugal 3:1 í Lissabon og varð
fyrst rússneskra liða til þess að sigra
í Evrópukeppni.
„CSKA er mikils metið og nýt-
ur virðingar í knattspyrnuheim-
inum í Evrópu. Liðið er nánast á
hverju ári í Evrópukeppni og hef-
ur uppbyggingin í kringum liðið
verið stöðugt vaxandi,“ segir Arn-
ór. „Liðið er með öflugan leik-
mannahóp og nýr og glæsilegur
leikvangur VEB ARENA var tek-
inn í notkun árið 2016. Völlurinn
tekur rúmlega 30.000 áhorfend-
ur í sæti. Einnig hefur rússneska
landsliðið leikið nokkra leiki á vell-
inum. Það var auk þess mikil upp-
bygging fyrir heimsmeistarakeppn-
ina í knattspyrnu í Rússlandi 2018.
Margir nýir og glæsilegir fótbolta-
vellir voru byggðir og aðrir endur-
nýjaðir.“
Mark gegn Real Madrid
stendur upp úr
Á ferli sínum með CSKA eru auð-
vitað eftirminnileg augnablik sem
standa upp úr hjá knattspyrnu-
manninum Arnóri. „Það má segja
að það eru svona fjögur atriði sem
koma fyrst upp í hugann hjá mér,”
svarar hann. „Það var leikurinn
gegn Real Madrid í meistaradeild-
inni á Spáni árið 2019 þegar við
unnum 3:0. Ég skoraði eitt mark í
leiknum og lagði upp annað. Mark-
ið sem ég skoraði gegn Roma, einn-
ig í meistaradeildinni sama ár, en
það var fyrsta markið sem ég skor-
aði fyrir félagið. Þá var eftirminni-
legt þegar ég skoraði bæði mörkin
fyrir CSKA gegn Spartak í 2:0 sigri
gegn erkifjendunum í Moskvu. Síð-
an var það mér mjög eftirminnilegt
þegar ég skoraði mitt fyrsta lands-
liðsmark fyrir Ísland í leik gegn An-
dorra í október 2019.“
Arnór var yngstur Íslendinga til
þess að leika í meistaradeild Evrópu
þegar hann í september 2018 lék
með CSKA gegn Viktoria Plzen þá
aðeins 19 ára gamall.
Fékk Covid
Kórónuveirufaraldurinn hefur leik-
ið marga grátt. Veiran skaut sér
niður hjá félagi Arnórs í Moskvu
og nokkrir leikmenn og starfsmenn
félagsins sýktust og þeirra á meðal
Arnór. „Ég var sem betur fór bara
nokkuð heppinn. Ég fékk væg ein-
kenni en missti lyktar- og bragð-
skyn um tíma en hef náð mér alveg
að fullu.“
Arnór gerði fimm ára samning við
CSKA þegar hann kom til félagsins
frá IFK Norrköping árið 2018. „Ég
er núna hálfnaður með samning-
inn, er búinn að vera tvö og hálft ár
í Moskvu. Ég hef metnað fyrir því
að ná lengra á mínum ferli. Hvort
sem það verður hjá CSKA eða hjá
öðru félagi verður bara tíminn að
leiða í ljós. Ég er ánægður hjá fé-
laginu og þetta er stór klúbbur. En
hlutirnir eru oft fljótir að breytast
og við verðum bara að sjá til hvað
gerist í framtíðinni. Ég á nóg eftir,”
segir Arnór að lokum.
se/ Ljósm. úr einkasafni Arnórs.
Hefur metnað fyrir því að
ná lengra á sínum ferli
Rætt við Arnór Sigurðsson leikmann CSKA Moskvu