Skessuhorn - 24.02.2021, Side 27

MIÐVIKUDAGUR 24. FeBRúAR 2021 27
Vísnahorn
Það er nú hálf kjánalegt að
þurfa stöðugt að vera að
leiðrétta vitleysur síðasta
þáttar en ætli það sé samt
ekki skárra en að láta vit-
leysuna halda áfram. Vísan sem eggert Norð-
dahl orti 94 ára gamall er (vonandi) rétt svona:
Öll mín liðin ævistig
eru í veður fokin,
sá er hingað sendi mig
sér um ferðalokin.
Semsagt ferðalokin en ekki endalokin.
en reynum nú að snúa okkur að einhverju
skemmtilegra en að leiðrétta vitleysur. Svein-
björn Beinteinsson var um árabil ómissandi
skemmtikraftur á þorrablótum að Hlöðum og
úr brag frá 1983 eru þessar vísur:
Ket og svið er sett á borð
síst mun kviðið hinu
meðan kliðar áfengt orð
undir miðríminu.
Meðan rjúka fram um fjöll
fannir af hnjúkadrögum
hressa búkinn áhrif öll
yndir mjúkum lögum.
Gæfist andans endurbót
ef ég blandið fengi.
Þetta fjandans þorrablót
þarf að standa lengi.
Holdsins læti hafa má,
hugarkætin bjargar,
enda rætist þvílík þrá
þorranætur margar.
Nú er mér ekki kunnugt hvort það var á
þorrablóti eða einhverri skemmtisamkomu
með öðru nafni sem þeir ortu saman Stefán
Jónsson frá Þorgautsstöðum og Steinbjörn
Jónsson:
Dansa menn svo dunar við,
drjúg er spenna í taugum,
yfir kvenna segulsvið
soltnum renna augum.
Breytir ekki að vísan er góð fyrir því. Önn-
ur kemur hér bæði gömul og höfundarlaus og
vonandi góð líka. Allavega hefur sá verið að
horfa á eitthvað fallegt sem orti:
Fáklæðin sín forn og ný
fljóðin gegnum skinu.
Þau voru svosem engu í
öðru en sakleysinu.
Alltaf geta þó hlotist afleiðingar af því að
horfa á svona sakleysislega klæddar konur. Að
ekki sé nú talað um ef áhorfið leiðir til ein-
hverra beinna framkvæmda. Þar af geta hlot-
ist útgjöld en vissulega, vissulega koma fjöl-
skyldubætur á móti. egill Jónasson orti:
Þernunjótur þaut mér hjá,
þar var ljótur vegur,
stinnum fótum flaug hann á
fjölskyldubótalegur.
Pétur Björgvin Jónsson var maður nefndur
og starfaði lengst sem skósmiður á Akureyri
hjá sambandsverksmiðjunum. Sá orti eitt sinn
er hann saknaði vinkonu sinnar:
Þó sætabrauð þær sæki í búr
og sálar troði í hreysi
samt er ég að sálast úr
Sigurbjargarleysi.
Það var hinsvegar Sigurður Halldórsson á
Skarfhóli sem orti til linþrifinnar húsfreyju:
Oft ég niður í óhreint lít,
úr því stæla verður.
Ég kann ekki að éta skít,
ég er svona gerður.
Það er alltítt hjá mannkyninu að reisa guði
sínum musteri með einum eða öðrum hætti
og gjarnan er lítt þar til sparað í skrauti, dýr-
um málmum og yfirleitt þeim meistaraverk-
um sem mannlegar hendur og hugur getur
framleitt. Trúlega er þó slíkt skraut algeng-
ara meðal katólskra kirkjudeilda hvort sem
Drottinn er nú sínum syndugu sálum nær-
tækari þar en í gömlum torfkirkjum uppi á Ís-
landi. Staddur í kirkju einni í Suður evrópu
orti Kristján eiríksson:
Mörg hér á veggjum myndin skín,
málmurinn gullni og dýri,
en krúttlegri finnst mér kirkjan þín
Kristur - á Víðimýri.
Það er nú þetta með syndirnar okkar. Þó
flestir reyni að forðast þær svona í orði kveðnu
að minnsta kosti verður að viðurkennast að án
þeirra hefði frelsarinn fórnað sér til einskis.
en Olli á Hjaltabakka hafði þetta að segja:
Bráðum saga Olla er öll
-af því fæðist þessi staka-
öll mín lífsins lykkjuföll
langur prjónn ei mundi taka.
enda allt breytingum háð. Má segja að það
eina sem ekki breytist er að allt breytist og
þetta var Steinbirni Jónssyni fullljóst:
Breytist margt um margar gráður.
-Manni sumt í hag.
Það sem var í ökla áður
eyra nær í dag.
Ósk Skarphéðinsdóttir orti á sínum seinni
árum:
Kvöldin lengjast, vantar vor,
vakir þrengjast, bilar þrekið.
Samt mín gengin gæfuspor
getur enginn frá mér tekið.
Dagurinn lengist nú hvað óðast og aðeins
að byrja einhver framkvæmdahugur í mönn-
um eftir skammdegiskyrrstöðuna. Sumir vilja
jafnvel aðeins flýta sér fram yfir það sem sól-
argangurinn segir til um enda sagði Gísli
Helgason:
Dagsins leynir ljósið sér
langar reynast nætur.
Það er mein að eygló er
allt of sein á fætur.
Það var Tíminn sálugi sem flutti eitt sinn
þá frétt að Páll Pétursson myndi framvegis
um hríð skrifa fasta pistla í blaðið. Jóhannes á
Gunnarsstöðum orti:
Lýtur höfði lýðurinn,
les af Tímans blöðum,
pistilinn skrifar postulinn
Páll á Höllustöðum.
Annars var Páll ágætlega hagmæltur eins og
þeir frændur margir en næsta vísa er að mestu
leyti eftir Kristján Breiðdal og ort á þeim tíma
þegar mest var umræðan um atómljóðin:
Þeir eru að skálda þunnt og létt.
Þetta er tíðarandinn.
Þegar ekki er rímað rétt
rennur það út í sandinn.
Og eigum við svo ekki að ljúka þessu á vísu
Grétars vinar míns Jónssonar:
Það er þó líkt og einhver kæri
sig um að koma við hjá mér.
Mér heyrðist eins og að hann væri
úti að dusta snjó af sér.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Yfir kvenna segulsvið - soltnum renna augum
Pennagrein
Hugmyndin um Sundabraut er ekki
ný af nálinni, hún var fyrst sett fram
fyrir nærri 50 árum síðan og náði
hún inn í aðalskipulag Reykjavíkur
fyrir 35 árum. Frá því Sundabraut
komst inn á aðalskipulag eru lið-
in um níu kjörtímabil bæði hjá ríki
og sveitarfélögum. enn á eftir að
útfæra nánar lagningu og hönnun
Sundabrautar en þau tímamót eru
þó runninn upp að við getum treyst
því að af henni verði. Sundabraut
kemur til með að auðvelda umferð
milli miðborgar og Grafarvogs,
létta á umferð á höfuðborgarsvæð-
inu og stytta leiðir út á land sem og
inn á höfuðborgarsvæðið.
Mikilvægi þessa samgöngumann-
virkis er ekki bara samgöngubót fyr-
ir höfuðborgina heldur er þetta mik-
ilvæg samgöngubót fyrir Vestlend-
inga, Vestfirðinga sem og Norð-
lendinga. Sundabraut hefur áhrif á
daglegt líf margra sem búa á Vest-
urlandi og aka daglega til vinnu eða
skóla á höfuðborgarsvæðið og öf-
ugt. Sundabraut styttir vegalengdir
og eykur umferðaröryggið, þá mun
Sundabraut vafalaust koma til með
að bæta almenningssamgöngur.
Víðtæk áhrif
Samkvæmt nýlegri íbúakönnun býr
hamingjan á Snæfellsnesi, enginn
dregur það í efa. Allar líkur eru á að
Sundabraut komi til með að breyta
miklu fyrir Vestlendinga en hvort
hamingja þeirra aukist mikið skal
ekki segja en lengi getur gott batn-
að. Í könnuninni kom fram að það
sem íbúar töldu hamla góðri búsetu
sé ástand vegakerfisins. Þrátt fyrir
að heimavinna hafi aukist til muna
og störf án staðsetningar hafi raun-
gerst í COVID 19, þá hafa sam-
göngur sífellt meiri áhrif á daglegt
líf fólks nú en áður. Af því leiðir að
val um búsetu verður metin út frá
því. Tvöföldun Vesturlandsveg-
ar og lagning Sundabrautar styrk-
ir val fólks til búsetu á Vesturlandi
öllu og þau áhrif gætir lengra. Með
Sundabraut opnast einnig auknir
möguleikar fyrir nýja staðsetningu
fyrirtækja og stofnanna.
Samvinnuverkefni
Framkvæmdir við Sundabraut
gætu hafist árið 2025 og lokið fyrir
árið 2030 og það er það sem að er
stefnt. Framsóknarflokkurinn hef-
ur talað fyrir samvinnuverkefnum
hins opinbera og einkaaðila, Sig-
urður Ingi Jóhannsson samgöngu-
ráðherra lagði fram frumvarp um
samvinnuverkefni um vegafram-
kvæmdir. Sundabraut er eitt þeirra
sex verkefna sem talað var um sem
samvinnuverkefni og hefur Alþingi
heimilað Sundabraut sem sam-
vinnuverkefni. Með samvinnuverk-
efni væri Vegagerðinni heimilt að
undangengnu útboði að gera samn-
ing við einkaaðila um samvinnu-
verkefni um framkvæmd um þau
verkefni sem tilgreind eru í þeim
lögum og hafa í för með sér aukið
umferðaröryggi.
Áfram veginn með Sundabraut.
Halla Signý Kristjánsdóttir.
Höf. er alþingismaður Framsókn-
arflokks í NV kjördæmi.
Sundabraut í
samvinnu og sátt
Kristján Þór Júlíusson, sjávarútvegs-
og landbúnaðarráðherra kynnti síð-
astliðinn miðvikudag aðgerðaáætl-
un til eflingar íslenskum landbún-
aði. Kynntar voru alls tólf aðgerð-
ir sem ætlað er að skapa öfluga við-
spyrnu fyrir íslenskan landbúnað
eftir Covid-19 faraldurinn og auð-
velda honum að nýta tækifæri fram-
tíðarinnar. Aðgerðirnar sem kynnt-
ar voru snerta m.a. aukinn stuðn-
ing við bændur, heimaframleiðslu
á lambakjöti beint frá bónda, aukna
hagkvæmni og hagræðingu innan ís-
lensks landbúnaðar og endurskoðun
regluverks.
Fram kom að unnið hefur verið að
mótun aðgerðanna undanfarna mán-
uði. Þremur aðgerðum er þegar lok-
ið og er áformað að alls tíu af tólf að-
gerðum verði lokið 15. apríl nk. og
1. júní verði ellefu af tólf aðgerðum
lokið. Sigurður eyþórsson, fyrrver-
andi framkvæmdastjóri Bændasam-
taka Íslands, hefur verið ráðinn verk-
efnastjóri til að vinna að framgangi
og innleiðingu aðgerðanna og hefur
hann hafið störf í ráðuneytinu.
Aðgerðir 12 eru
sem hér segir:
Aukinn stuðningur við bænd-•
ur
Gjaldskrá ekki hækkuð•
Breytingar á úthlutun toll-•
kvóta
Ný Landbúnaðarstefna fyrir •
Ísland
endurskoðun tollasamnings •
við eSB
Heimaframleiðsla beint frá •
bónda
Betri merkingar matvæla•
Aukin hagkvæmni og hagræð-•
ing
Mælaborð landbúnaðarins•
endurskoðun á reglum um •
búfjársjúkdóma o.fl.
Sértæk vinna vegna sauðfjár-•
ræktarinnar
Aðgerðir vegna skýrslu um •
fæðuöryggi.
„Markmið aðgerðaáætlunar-
innar eru að styrkja stoðir íslensks
landbúnaðar í ljósi þeirra beinu og
óbeinu áhrifa sem kórónaveirufar-
aldurinn hefur haft á greinina. Til-
gangur aðgerðanna er jafnframt
að skapa öfluga viðspyrnu fyrir ís-
lenskan landbúnað og auðvelda
honum að nýta tækifæri framtíðar-
innar,“ segir í tilkynningu en nánar
má lesa um hverja og eina aðgerð á
vef ráðuneytisins.
frg
Ráðherra kynnti aðgerðaáætlun
til eflingar íslensks landbúnaðar
Ráðherra kynnti aðgerðaráætlun fyrir
landbúnaðinn á fjarfundi síðastliðinn
miðvikudag. Ljósm. Stjórnarráðið.
Fréttaveita Vesturlands
www.skessuhorn.is