Morgunblaðið - Sunnudagur - 24.01.2021, Qupperneq 20

20 MORGUNBLAÐIÐ SUNNUDAGUR 24.1. 2021
KNATTSPYRNA
STOFNAÐ 1956
Glæsileg íslensk
hönnun og smíði
á skrifstofuna
Bæjarlind 8–10
201 Kópavogur
Sími 510 7300
www.ag.is
ag@ag.is
Fyrir Á. Guðmundsson starfa íslenskir, vel menntaðir
arkitektar sem hafa þróað húsgögn og hönnunargripi
sem skapa notalegt andrúmsloft. Hver hlutur ber einkenni
klassískrar hönnunar en er einnig fallegur smíðisgripur sem
er þægilegt að nota og sómir sér vel á skrifstofunni.
Ekki einu sinni grjóthörðustuáhangendur ManchesterUnited hefðu trúað því í byrj-
un nóvember að liðið þeirra ætti eft-
ir að verða á toppi ensku úrvals-
deildarinnar þegar Englandsmótið
yrði hálfnað. Rauðu djöflarnir höfðu
þá tapað enn einum heimaleiknum
og möruðu í hálfu kafi í fimmtánda
sæti. Menn sáu fram á tómt basl í
vetur og jafnvel stjóraskipti fyrir jól.
Dregið hafði ský fyrir Solskjær.
Ekki bætti úr skák þegar United féll
óvænt úr leik í Meistaradeild Evr-
ópu.
En Eyjólfur hresstist svo um
munaði í deildinni; af leikjunum
þrettán sem síðan hafa verið háðir
hefur United unnið tíu og gert þrjú
jafntefli. Og, jú, jú, er komið á topp-
inn með 40 stig, þar sem stuðnings-
menn félagsins fullyrða kinnroða-
laust að það eigi lögheimili. Allt í
einu er bara bragur á mannskapn-
um, Bruno Fernandes stýrir leik af
listfengi eins og Daniel Barenboim á
góðum degi og almenn gleði og
bjartsýni er skollin á í Leikhúsi
draumanna. Meira að segja Þyrnirós
okkar tíma, Paul Pogba, er rumskuð
af værum blundi. Gerði til dæmis
gullfallegt sigurmark gegn Fulham í
vikunni.
Það sem meira er, flestir geta ver-
ið sammála um að United-liðið eigi
talsvert inni – sem eru vond tíðindi
fyrir önnur lið í toppbaráttunni. Því
fer fjarri að það hafi verið að hund-
þeyta andstæðingum sínum undan-
farið, samanber hófstilltan marka-
muninn, ellefu í plús. En það siglir
sínum sigrum í land og um það snýst
leikurinn.
City búið að skella í lás
Gatan er þó fráleitt greið fyrir Man-
chester United en samkvæmisglaði
nágranninn, Manchester City, sem
farið hefur með veggjum í vetur,
eins og fyllibyttan forðum, er
skyndilega kominn í annað sætið,
tveimur stigum á eftir United og
með leik til góða. City hefur líka ver-
ið á mikilli siglingu, unnið níu leiki í
röð, þar af sex í deildinni. Skotgleði
þeirra borgara hefur verið minni en í
meðalári en 31 mark í 18 leikjum
þykir ekki mikið á þeim bænum. Og
kjöldráttur ekki lengur þeirra fag,
alltént ekki í bili. Á móti kemur að
vörnin, sem var eins og svissneskur
ostur í fyrra, er orðinn þéttari en
rasskinnarnar á Sylvester Stallone.
Þökk sé portúgalska hvalrekanum
Rúben Dias sem virðist hafa fyllt
skarð Vincents Kompanys, eða
Sigga féló, eins og hann er gjarnan
kallaður í nýju blokkunum í Efsta-
leitinu. City hefur aðeins fengið á sig
13 mörk í deildinni, árangur sem er
hreint afbragð. Þá hefur gamalt tröll
tekið sig upp í John Stones sem jafn-
framt er byrjaður að skora mörk.
Ekki amalegt að búa að verjanda
sem heitir Jón Steinar.
Leicester City er jafnsett Man-
chester City í töflunni en hefur lakari
markamun og búið að leika einum leik
meira. Enginn skyldi afskrifa læri-
sveina Brendans Rodgers í baráttunni
fram undan enda þótt spekingum þyki
þeir ef til vill ekki líklegir til að endur-
taka ævintýri allra ævintýra frá 2016
og lyfta meistarabikarnum. Leicester-
liðið leikur skilvirka knattspyrnu og
hver maður þekkir sitt hlutverk upp á
hár. Og þrátt fyrir ítrekaða töflufundi
um allt land hefur andstæðingunum
enn ekki tekist að finna lausnina gegn
Jamie Vardy. Gamli tófusprengurinn
er kominn með 11 mörk í deildinn, ný-
orðinn 34 ára.
Blýi skipt úr fyrir púður
Meistarar Liverpool koma í humátt
á eftir toppliðunum þremur, með 34
stig úr 19 leikjum. Það er rýrari upp-
skera en menn bjuggust við, ekki
síst í ljósi þess að Rauði herinn gerði
sig líklegan til að slíta sig frá hjörð-
inni fyrir örfáum vikum. Heldur hef-
ur vélin þó hikstað að undanförnu.
Ekki hefur verið við vörnina að sak-
ast sem ýmsir höfðu áhyggjur af í
ljósi þess að miðverðirnir stráféllu á
haustmisserinu, þeirra á meðal sjálf-
ur hershöfðinginn Virgil van Dijk.
Hún hefur eigi að síður staðið sína
plikt, mönnuð af sveigjanlegum mið-
vellingum. Skytturnar þrjár í fram-
línunni hafa á hinn bóginn af óþekkt-
um ástæðum látið blý víkja fyrir
púðri upp á síðkastið. Öðruvísi mér
áður brá. Mögulega brá þeim við að
missa Jakob mennska, Diogo Jota, í
meiðsli en hann rauk heldur betur
upp úr rásblokkunum á Anfield. En í
öllu falli, enginn á von á því að Liver-
pool fái færri stig í seinni umferðinni
en þeirri fyrri, þannig að titillinn
verður ekki látinn baráttulaust af
hendi. Ljósið sem er tanngarðurinn
hans Jürgens Klopps vísar veginn.
Tottenham Hotspur hefur aðeins
dregist aftur úr, eftir að hafa leitt
hlaupið um stund. Er með 33 stig en
á leik til góða. Kane og Son hafa
slátrað hverju liðinu af öðru í vetur –
án þess að svitna – og Fýlu-Móri,
José Mourinho, er án efa búinn að
teikna vormisserið upp af verk-
fræðilegri nákvæmni. Ekki yrði
amalegt að halda upp á sextíu ára af-
mæli síðasta titils með nýjum titli.
Hamar með karamellusósu
Everton, eða Gylfi og félagar, eins og
félagið heitir hér um slóðir, eru heldur
ekki úr leik í toppslagnum. Eiga tvo
leiki til góða og sigrar í þeim myndu
færa þá karmellunga upp að hlið
Manchester City og Leicester. Hvorki
meira né minna. Gleymum því heldur
ekki að Carlo Ancelotti kann að draga
titilinn á land, rétt eins og hvern ann-
an sjóbirting. Í augnablikinu er hann
alla vega líklegri en liðið sem lét hann
á sínum tíma fara, Chelsea, sem er
þremur stigum og tveimur sætum
neðar. Ekki einu sinni bjartsýnustu
menn myndu treysta sér til að telja þá
bláu með að þessu sinni.
Biðjum við þá frekar um West
Ham United. Já, segi ég og skrifa.
Hamrarnir eru í sjöunda sæti, að-
eins átta stigum frá toppnum, eftir
æðisgengna Grettisglímu við fall-
drauginn Glám á liðnu sumri. Ís-
landsvinurinn David Moyes veit
greinilega hvað hann er að gera.
Meistarartitill til handa West
Ham myndi fá menn sem brotnir eru
af bergi til að fella tár. Gummi, hver
er stuðullinn á Lengjunni?
Engar fjöldatakmarkanir á toppnum
Mohamed Salah og Bruno Fern-
andes eru í algjörum lykilhlut-
verkum hjá erkiféndunum, Liv-
erpool og Manchester United,
sem báðir ætla sér titilinn.
AFP
Manchester City hefur læðst bak-
dyramegin inn í toppbaráttuna og lít-
ur vart um öxl úr þessu.
Hey, gamli, heyrirðu ekkert? Jamie
Vardy og James Maddison stefna alla
leið með Leicester City.
Englandsmótið í knatt-
spyrnu er nú hálfnað,
að kalla. Nokkrir frest-
aðir leikir óleiknir. Vart
má á milli efstu sveit-
anna sjá og útlit fyrir
æðisgengnasta vor-
misseri í manna minn-
um, þar sem góðkunn-
ingjum og boðflennum
ægir saman í sam-
kvæminu. Guð almátt-
ugur veri með okkur,
dauðlegum mönnum!
Orri Páll Ormarsson orri@mbl.is