Morgunblaðið - Sunnudagur - 24.01.2021, Qupperneq 28

28 MORGUNBLAÐIÐ SUNNUDAGUR 24.1. 2021
LESBÓK
SJÓNVARP Ríkissjónvarpið sýnir í kvöld,
sunnudagskvöld, kvikmyndina Eyðimerkur-
blómið (Desert Flower) frá árinu 2009. Um er að
ræða ævisögulega mynd um ofurfyrirsætuna og
aðgerðasinnann Waris Dirie sem fæddist í Sóm-
alíu árið 1965. Hún var 13 ára þegar hún flúði
Sómalíu eftir að hafa verið seld í hjónaband. Di-
rie öðlaðist óvænt frama sem ofurfyrirsæta og
nýtti frægðina til þess að vekja athygli á limlest-
ingum á kynfærum kvenna í Sómalíu. Myndin er
byggð á sjálfsævisögu Waris Dirie frá 1998 og
aðalhlutverkið leikur Liya Kebede en leikstjóri
er Sherry Hormann. Þess má geta að Waris Di-
rie heimsótti Ísland árið 2001.
Saga Waris Dirie
Waris Dirie
á Íslandi.
Morgunblaðið/Kristinn
BÚMM Rokkgyðjan Suzi Quatro fer mikinn í
viðtali við breska blaðið The Guardian í vikunni
og segir m.a. frá því að faðir hennar hafi gefið
sjálfum föður rokksins, Chuck Berry, á lúðurinn
forðum daga. Aðragandinn var sá að stúlkna-
sveitin Pleasure Seekers, sem Quatro hóf feril
sinn með, hitaði upp fyrir Berry og eftir eina
tónleikana gerðist hann helst til vingjarnlegur
við systur hennar, sem einnig var í bandinu. Á
sama andartaki kom faðir þeirra inn í búnings-
klefann – „og búmm,“ eins og Quatro orðar það.
„Pabbi, þú kýldir Chuck Berry!“ Faðir hennar
svaraði um hæl: „Og hvað með það? Þetta ætti
hann ekki að gera. Andskotinn hafi það.“
Pabbi, þú kýldir Chuck Berry!
Suzi Quatro er sjötug en aldrei hressari.
AFP
Dave Mustaine og Reggie Almeida.
Kominn með
fjólublátt belti
BARDAGALIST Dave Mustaine,
gítarleikari og söngvari Megadeth,
gerði sér lítið fyrir og hlaut
fjólubláa beltið í jiu-jitsu á dög-
unum. Það var þjálfari hans í Gra-
cie Barra Spring Hill í Tennessee,
Reggie Almeida, sem hækkaði hinn
59 ára gamla málmhaus í tign.
„Hann hefur verið handhafi bláa
beltisins í tvö ár, æft vel og gengið
hefur á ýmsu en í dag er það mér
sannur heiður að afhenda hr.
@davemustaine fjólubláa beltið
sitt. Hann er vel að því kominn. Til
hamingju, lagsi!!!“ sagði Almeida á
samfélagsmiðlum. Okkar maður
hlýtur að setja stefnuna á brúna
beltið næst.
Í bók sinni um Metallica, EnterNight, sem kom út árið 2010,gerir rokkblaðamaðurinn og rit-
höfundurinn Mick Wall því skóna að
James Hetfield og Cliff Burton hafi í
fullri alvöru íhugað að reka Lars Ul-
rich úr bandinu um miðjan níunda
áratuginn. Ástæðan hafi verið sú að
hann væri ekki og myndi aldrei
verða á sama getustigi tónlistarlega
og aðrir bandingjar. Í staðinn segir
Wall að þeir hafi viljað fá Dave
Lombardo, sem þá var í öðru Flóa-
bandi, Slayer, sem barðist við Metal-
lica um hylli þrasselskra. Þau áform
runnu á hinn bóginn út í sandinn
þegar Burton lést með voveiflegum
hætti í rútuslysi í Smálöndunum í
Svíþjóð haustið 1986. Þess ber að
geta að þessi kenning hefur aldrei
fengist staðfest, hvorki af James
Hetfield né öðrum sem tengjast
Metallica traustum böndum.
Lombardo átti þó síðar eftir að
koma fram með Metallica; á Down-
load-hátíðinni í Donington-garði á
Englandi sumarið 2004. Ulrich hafði
þá ofgert sér og lá á spítala í Þýska-
landi. Í stað þess að aflýsa gigginu
fékk Metallica þrjá aðra kjuðunga til
að fylla skarð hans. Það voru
Flemming Larsen, trommutæknir
Ulrichs, Joey Jordison úr Slipknot
og Dave Lombardo, en bæði Slip-
knot og Slayer komu fram á hátíð-
inni þennan sama dag. Alvöruveisla.
Hrokkið í
kjuðung
Lars Ulrich og Dave Lombardo eru líklega tveir
frægustu trymblar málmsögunnar, af ólíkum af-
rekum þó. Var sá fyrrnefndi virkilega nálægt því á
sínum tíma að missa kjuðana í hendur hinum?
Orri Páll Ormarsson orri@mbl.is
Lars Ulrich er af mörgum talinn vinnusamasti trymbill málmsögunnar. Hann
fæddist í Danmörku en hefur búið frá unglingsaldri í Bandaríkjunum.
AFP
Annað sem margir aðdáendur Metallica
hafa velt fyrir sér gegnum tíðina, en fá aldrei
svar við, er hvaða stefnu bandið hefði tekið
hefði Cliff Burton ekki dáið. Sumir segja að
Metallica hefði aldrei siglt seglum þöndum
inn á miðjuna og gefið sig markaðs-
öflunum á vald með þá hippísku sál innan-
borðs, heldur haldið sig stolt við þrass-
ræturnar. Meðan aðrir halda því fram að
bandið hefði að öllum líkindum lagt út í
enn frekari tilraunir enda var Burton,
þegar allt kemur til alls, minnsti málm-
hausinn af þeim öllum; með rætur í klass-
ík og djassi og blæti fyrir sveitatónlist og suðurríkjarokki.
En ef við tökum allt annað en hreina og ómengaða tónlistargáfu út
fyrir sviga þá kemur tilhugsunin um þessa mergjuðu liðsuppstillingu
óneitanlega róti á tilfinningalíf manns: James Hetfield, gítar og söng-
ur; Kirk Hammett gítar; Cliff Burton bassi og Dave Lombardo
trommur.
Kemur róti á tilfinningalífið
Cliff Burton var aðeins
24 ára þegar hann dó.
Wikipedia