Morgunblaðið - 04.02.2021, Qupperneq 24

24 FRÉTTIRInnlent
MORGUNBLAÐIÐ FIMMTUDAGUR 4. FEBRÚAR 2021
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
Vetrarhátíð í Reykjavík 2021 hefst í dag, 4. febrúar, og
stendur til sunnudags. Hátíðin er með breyttu sniði frá
því sem tíðkast hefur. Ljósaslóð Vetrarhátíðar verður í
lykilhlutverki, slóð ljóslistaverka um miðborgina. Ekki
verður nein formleg opnun á Vetrarhátíðinni né heldur
fjölmennir viðburði eins og eðlilegt má teljast á tímum
samkomutakmarkana. Safnanótt er frestað til vors og
sundlauganótt blásin af.
Ljósaslóð Vetrarhátíðar myndar gönguleið frá Hall-
grímskirkju niður á Austurvöll og að Ráðhúsi Reykjavík-
ur. Rúmlega 20 ljóslistaverk eru á þessari leið og verður
þeim varpað á byggingar og glugga öll kvöld hátíðar-
innar frá kl. 18 til 21. Óvænt ljóslistaverk má finna á leið-
inni á veggjum, í gluggum og í húsasundum. Ljósaslóðin
er unnin í samvinnu við hina seyðfirsku hátíð List í ljósi.
Reykjavíkurborg og Orka náttúrunnar í samstarfi við
Miðstöð hönnunar og arkitektúrs stóðu nýlega fyrir
samkeppni um ljósverk og leika tvö þau hlutskörpustu
lykilhlutverk í Ljósaslóð Vetrarhátíðar 2021.
Þetta eru verkin Samlegð/Synergy eftir Katerinu
Blahutova og Þorstein Eyfjörð Þórarinsson sem varð í
fyrsta sæti. Verkið er í garðinum við listasafn Einars
Jónssonar. Hitt verkið ber heitið Truflun/Interference
eftir Litten Nystrøm og Harald Karlsson sem verður
varpað á Hallgrímskirkju. Dagskrá Vetrarhátíðar 2021
má nálgast á vetrarhatid.is.
Ljósaslóð í miðborginni
 Ljósalistaverk á Vetrar-
hátíð í Reykjavíkurborg
Morgunblaðið/Kristinn Magnússon
Vetrarhátíð Ljósadýrð fyllir loftin við Hallgrímskirkju.
Birki og Kristínu og geta skráð sig
sem bændur og bendir Birkir á að
fallegra sé að fá bréf með slíku
starfsheiti.
Markmið þeirra er að koma upp
heimili þar sem þau geta stundað at-
vinnu að heiman með sjálfbærni,
heilsu og mannrækt að leiðarljósi.
Lögð er áhersla á að íbúar og gestir
samfélagsins geti komið til seturs,
notið veru sem byggir á grunni
jógafræðanna.
Mikilvægur liður í þessu er
heimarafstöð við Hólsá til að býlið
geti verið sjálfu sér nægt um orku.
Þá segir Birkir að lögð sé áhersla á
að við byggingu mannvirkja verði
sem minnst rask og öll mannvirki
geti talist afturkræf.
Áform eru um matjurtarækt og
Birkir telur að nokkrar kindur geti
vel samrýmst markmiðum þeirra
um sjálfbæra búsetu í sveitinni.
Reykháfurinn fær að standa
Þau hafa látið skrá fornleifar á
jörðinni. Birkir segir að þar sé
heildstæð saga búsetu. „Okkur þyk-
ir vænt um þessa gömlu minjar og
ætlum að varðveita þær enda lítum
við á þær sem verðmæti jarð-
arinnar.
Þekktasta kennileitið á Hvilftar-
strönd er reykháfur frá árinu 1904.
Hann reisti Hans Ellefsen útgerðar-
maður eftir að hvalveiðistöð hans á
Sólbakka við Flateyri brann árið
1901. Hafði hann hugmyndir um að
endurreisa stöðina við sjávarsíðuna
á Hóli, um tvo kílómetra frá Sól-
bakka, en ekki varð meira úr því.
Birkir segir að reykháfurinn sé
farinn að láta mikið á sjá. Eigendur
jarðarinnar og samfélagið allt hafi
áhuga á að finna leiðir til að bjarga
þessu kennileiti. Reykháfurinn blas-
ir við frá veginum um Hvilftar-
strönd, frá Vestfjarðagöngum að
Flateyri.
Gerir upp báta
Við sjávarsíðuna eru einnig gaml-
ar sjóbúðir. Birkir hefur fengist við
að gera upp gamla báta og er nú
einn á verkstæðinu á Flateyri. Von-
ast hann til að geta komið sér upp
aðstöðu fyrir súðbyrðingana sína.
Ætla að njóta þess að búa á Hóli
 Birkir og Kristín fá leyfi til að
endurvekja lögbýli á eyðijörð sem þau
eiga á Hvilftarhlíð í Önundarfirði
Önundarfjörður Séð heim að Hóli á Hvilftarströnd. Engin hús og lítið undirlendi. Gamli reykháfurinn sést í fjörunni.
Jarðareigendur Birkir Þór Guðmundsson og Kristín Björg Albertsdóttir.
VIÐTAL
Helgi Bjarnason
helgi@mbl.is
„Við ætlum að njóta þess að eiga
heima í þessum fallega firði, Önund-
arfirði. Við endurvekjum gamalt
lögbýli þannig að það verði aftur að
bújörð,“ segir Birkir Þór Guð-
mundsson sem ásamt konu sinni,
Kristínu Björgu Albertsdóttur, hef-
ur tilkynnt viðeigandi stjórnvöldum
að þau áformi að taka eyðibýlið Hól
á Hvilftarströnd aftur til ábúðar og
landbúnaðarstarfsemi.
Hóll hefur verið að mestu í eyði
frá því um aldamótin 1900 en þó var
búskapur þar í nokkur ár á fjórða
áratugnum. Þar eru engin hús eftir.
Nýta landsins gæði
Birkir og Kristín keyptu jörðina
fyrir nokkrum árum.
Birkir er Önfirðingur, fæddur og
alinn upp á Ingjaldssandi, gerðist
bóndi þar en flutti í burtu upp úr
1990. Bæði starfa þau Kristín sem
framkvæmdastjórar. „Málin æxl-
uðust þannig að við Kristín fluttum
vestur vegna starfa árið 2016. Við
keyptum þessa jörð 2019 og ætlum
að byggja okkur hús þar og nýta
landsins gæði,“ segir Birkir.
Afar sjaldgæft er að gömul hús-
laus eyðibýli séu endurvakin sem
lögbýli. Frekar að byggð séu sumar-
hús á slíkum jörðum og ekki haft
fyrir því að fá lögbýlisréttindi á ný.
Það hefur tilfinningalegt gildi hjá