Morgunblaðið - 04.02.2021, Blaðsíða 60

60 MENNING
MORGUNBLAÐIÐ FIMMTUDAGUR 4. FEBRÚAR 2021
Helgi Snær Sigurðsson
helgisnaer@mbl.is
Almennar sýningar á gamanmynd-
inni Hvernig á að vera klassa
drusla, hefjast á morgun en hana
átti upphaflega að frumsýna í apríl
í fyrra. Frumsýningu var ítrekað
frestað vegna farsóttarinnar en það
tókst loksins í
fyrradag. Leik-
stjóri og hand-
ritshöfundur
myndarinnar er
Ólöf Birna Torfa-
dóttir og með
aðalhlutverk fara
Ásta Júlía Elías-
dóttir og Ylfa
Marín Haralds-
dóttir. Í mynd-
inni segir af Karen, „lífsreyndri
sveitapíu sem kemur á vel pimpaða
bílnum sínum að sækja vinkonu
sína Tönju, fáláta borgarsnót, sem
akkúrat á því augnabliki er að
lemja sokkum í andlitið á kærast-
anum og hætta með honum enn
eina ferðina“, eins og segir í lýs-
ingu á söguþræðinum. Vinkon-
urnar halda til starfa á stóru
sveitabýli yfir sumarið, Tanja fellur
fljótt fyrir myndarlegum sveitapilti
en gengur illa að heilla hann. Á
meðan á þeim tilraunum stendur
dáist hún að því hvernig Karen
virðist geta sofið hjá hverjum sem
er án væntinga eða eftirmála.
Tanja biður því Karenu um að
kenna sér að vera eins og hún, að
vera klassa drusla.
Neikvætt orð gert jákvætt
„Það er svolítið „attitude“ í þess-
um titli,“ segir Ólöf þegar blaða-
maður spyr frekar út í titilinn og
bætir við að hún hafi persónulega
reynslu af notkun orðsins drusla.
„Ég bjó í sveit þegar ég var yngri
og kom úr frekar fátækri fjölskyldu
og maður var talinn druslulegur af
því maður var ekki í nýjustu föt-
unum og svona,“ útskýrir Ólöf og
bendir á fleiri niðrandi merkingar
orðsins en ein þeirra, eins og segir í
Íslenskri nútímamálsorðabók, er
„lauslát kona“. Ólöf segir að með
þessari notkun orðsins í titlinum og
myndinni sé valdið tekið af þeim
sem noti það um aðra í niðrandi
merkingu og því snúið yfir í að vera
„cool“. Þá sé bíll Karenar „þriðja
druslan“ í myndinni.
Um þær vinkonur Tönju og Kar-
en segir Ólöf að þær séu ólíkir per-
sónuleikar. Sveitastelpan Karen er
lífsreynd og áhyggjulaus, öruggari
með sig en Tanja er feimnari og
hlédrægari og hefur lítið farið út
fyrir borgarmörkin um ævina.
„Eftir svolítið erfiða fyrstu nótt hjá
borgarstelpunni biður hún hina um
að kenna sér að vera meira eins og
hún, að vera alveg sama og hætta
að pæla í afleiðingunum og hvað
fólki finnst. Það er svolítið kóme-
dían í þessu,“ útskýrir Ólöf.
Dýnamík milli persóna
– Ertu að byggja þetta eitthvað á
eigin lífi? Þú talaðir áður um að þú
værir úr sveit.
„Það er náttúrlega talað um að
skrifa um það sem maður þekkir
þannig að eitthvað af þessu hefur
komið fyrir í alvörunni en annað er
skáldskapur,“ svarar Ólöf. „Það
sem kemur frá mér úr þessu eru í
rauninni bara þessir tveir karakt-
erar, hvernig þig langar til að
vera,“ segir Ólöf og nefnir sem
dæmi þau vonbrigði að mæta í partí
og halda að þú verðir aðalgellan en
renna svo saman við veggfóðrið.
Hún segir dýnamíkina milli þess-
ara tveggja aðalpersóna, vinkvenn-
anna, hafa verið kveikjuna að sög-
unni sem rakin er í myndinni. Að
þessar góðu vinkonur væru svona
ólíkar og settar í ákveðnar að-
stæður.
Aðalleikkonurnar tvær voru í
leiklistarnámi í Kvikmyndaskóla
Íslands og fóru báðar með lítil
hlutverk í Síðustu veiðiferðinni.
Hlutverk þeirra í kvikmynd Ólafar
eru fyrstu aðalhlutverk beggja og
segist Ólöf hafa unnið með þeim
áður. „Ég kynntist Ástu þegar ég
réð hana í aðalhlutverk í stuttmynd
sem ég var að búa til. Þar unnum
við fyrst saman og svo aðstoðaði ég
hana á setti hjá Ylfu þegar hún var
að útskrifast úr kvikmyndaskól-
anum. Á því setti var Ásta einmitt
að leika með henni, þær eru búnar
að vera vinkonur í svolítinn tíma og
þar kviknaði hugmyndin að hafa
þær aðalkarakterana,“ segir Ólöf.
Í Hvernig á að vera klassa
drusla er umfjöllun um samskipti
kynjanna fyrirferðarmikil og þá
meðal annars hvaða augum stelpur
líta stráka og Ólöf er spurð að því
hvort myndin geti reynst ungum
karlmönnum lærdómsrík. „Já,
algjörlega,“ svarar hún kímin. „Ég
held að þeir átti sig svolítið á því
hvað við erum rosalega lík þegar
kemur að þessu, ég held að það sé
svolítið lærdómurinn sem má
draga af þessu.“
Lagfæringar í kófinu
Frumsýna átti myndina í byrjun
apríl í fyrra, sem fyrr segir, og seg-
ir Ólöf að frumsýningardagurinn 2.
febrúar 2021 sé í raun sá fjórði sem
settur hafi verið fyrir myndina. En
voru þá einhverjar breytingar
gerðar á henni á þessum tíma sem
leið frá upphaflegum frumsýning-
ardegi til þess núverandi? „Við
nýttum alveg tímann,“ svarar Ólöf
og segir að myndin hafi verið tekin
í gegn og löguð til. „Mér finnst hún
koma betur út fyrir vikið,“ segir
hún.
Ólöf er spurð út í næstu verkefni
og segist hún vera að vinna í tveim-
ur kvikmyndahandritum auk þess
að leggja drög að þáttasyrpum með
vinkonu sinni sem einnig hafi verið
í námi í Kvikmyndaskóla Íslands.
„Það er margt í gangi,“ segir Ólöf
að lokum.
Spaugileg Margar skrítnar uppákomur má sjá í fyrstu kvikmynd Ólafar í fullri lengd sem er gamanmynd.
„Pimpaði“ bíllinn er þriðja druslan
 Lífsreynd sveitastelpa og hlédræg borgarstelpa eru aðalpersónur nýrrar gamanmyndar Ólafar
Birnu Torfadóttur, Hvernig á að vera klassa drusla  Önnur kennir hinni að vera klassa drusla
Ólöf Birna
Torfadóttir
Drulla Bíldrusla kemur við sögu í myndinni og hér situr hún föst í drullu.
Hinn heimskunni franski hörpuleik-
ari Xavier de Maistre leikur konsert
fyrir hörpu eftir Alberto Ginastera
með Sinfóníuhljómsveit Íslands á
tónleikum hennar í Eldborg í kvöld
kl. 20. Maistre varð árið 1999 fyrsti
franski hljóðfæraleikarinn til að
hljóta ráðningu hjá Vínarfílharm-
óníunni og hefur hann hlotið fjölda
verðlauna fyrir leik sinn, spilað inn
á ótal hljómdiska og kennir meðal
annars við Juilliard-skólann í New
York, að því er fram kemur á vef
Sinfóníuhljómsveitar Íslands. Nú
leikur hann í fyrsta sinn einleiks-
konsert hér á landi en hann kom
fram með söngkonunni Díönu Dam-
rau á tónleikum á Listahátíð í
Reykjavík árið 2013. Á tónleikunum
mun einnig hljóma hin dramatíska
og ljóðræna sinfónía nr. 8 eftir
Schubert sem kölluð hefur verið „sú
ófullgerða“ en tónskáldið lauk að-
eins við tvo fyrri þætti sinfóníunnar.
Tónleikunum lýkur á flutningi
verksins „Flow and Fusion“eftir
Þuríði Jónsdóttur og segir á vefnum
að verkið sé heillandi samruni raf-
hljóða og tóna hljómsveitarinnar og
að tónskáldið hafi, að eigin sögn, í
huga „ólíka tauma flæðandi glóð-
heitrar bergkviku sem sameinast í
einni iðandi hraunkvoðu“.
Hljómsveitarstjóri er Eva Ollikai-
nen, aðalstjórnandi sinfóníu-
hljómsveitarinnar, en hún mun
stjórna öllum tónleikum sveitar-
innar í febrúarmánuði. Kynnir
kvöldsins er Halla Oddný Magn-
úsdóttir. Í samræmi við sóttvarnalög
er sætaframboð á tónleikana tak-
markað við 100 tónleikagesti í fjór-
um sóttvarnahólfum í Eldborg. Gest-
um ber skylda til að vera með grímu
á tónleikunum sem eru um klukku-
stundarlangir án hlés.
Virtur Hörpuleikarinn Xavier de Maistre kemur fram með Sinfó í kvöld.
Xavier de Maistre leikur með Sinfó