Morgunblaðið - 13.02.2021, Side 16

16 FRÉTTIRInnlent
MORGUNBLAÐIÐ LAUGARDAGUR 13. FEBRÚAR 2021
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Komdu í BÍLÓ!
Mercedes Benz C300e 4matic AMG line 2020
Erummeð glæsileg eintök af þessum stórskemmtilega bíl til sýnis og sölu.
Eknir frá 5-15 þkm. Bensín og rafmagn (plug in hybrid), drægni 50 km.
Sjálfskiptir, fjórhjóladrifnir (4matic). AM
Stafræntmælaborð, leiðsögukerfi o.fl.
VERÐ frá 7.990.000
G line inna og ut .
N kkri litir boði.
VERÐ frá 7.990.000
Sjón er sögu ríkari, sýningarbílar á staðnumog reynsluakstur í boði.
Sigtryggur Sigtryggsson
sisi@mbl.is
Borgarráð Reykjavíkur samþykkti á
fundi sínum á fimmtudaginn tillögu
borgarstjóra um að hefja samstarf
við Betri samgöngur ohf. um þróun
skipulags á Keldnalandi.
Dagur B. Eggertsson borgarstjóri
og talsmaður Betri samgangna
segja að ljóst sé að nýting landsins
geti ekki hafist að miklu leyti fyrr en
það hafi verið tengt samgöngukerfi
höfuðborgarsvæðisins með Borgar-
línunni. Nú sé áætlað að það verði
eftir 12 ár, eða árið 2033.
Landsvæði ríkisins við Keldur og í
Keldnaholti er alls 117 hektarar. Því
er um að ræða mikið byggingarland
í Keldnlandi, sunnan við Folda- og
Húsahverfi í Grafarvogi. Mögulegt
er talið að allt að fimm þúsund
manna byggð verði þar.
Hinn 26. september 2019 undirrit-
uðu ríkið, Reykjavíkurborg, Kópa-
vogsbær, Hafnarfjarðarkaupstaður,
Garðabær, Mosfellsbær og Seltjarn-
arnesbær sáttmála um uppbyggingu
samgönguinnviða á höfuðborgar-
svæðinu. Samkvæmt sáttmálanum
leggur ríkið Keldnalandið m.a. til
sem hluta af fjármögnun uppbygg-
ingarinnar. Ákveðið var að fram-
kvæmdirnar og þróun landsins yrðu
í höndum fyrirtækis sem yrði stofn-
að í kringum þær. Hinn 29. júní sl.
voru lög nr. 81/2020 um heimild til að
stofna opinbert hlutafélag um upp-
byggingu samgönguinnviða á höfuð-
borgarsvæðinu samþykkt. Með þeim
fékk fjármála- og efnahagsráðherra
heimild til að stofna fyrirtækið með
sveitarfélögunum. Betri samgöngur
ohf. var svo stofnað 2. október sl.
Davíð Þorláksson, fram-
kvæmdastjóri Betri samgangna ohf.,
ritaði borgarráði bréf 29. janúar sl.
og óskaði eftir samstarfi við borgina
um þróun skipulags landsins. Mikil-
vægt sé að taka fyrstu skrefin í þró-
un skipulags svæðisins sem allra
fyrst svo hægt sé að vanda til verka
og vinna að þessu í góðri sátt við
íbúa og aðra hagaðila. „Fyrstu
skrefin í slíku samstarfi fyrir-
tækisins og borgarinnar gætu falist í
sameiginlegri forsagnargerð og í
kjölfarið hugmyndaleit þar sem leit-
að yrði til þriggja til fimm hönn-
unarhópa eftir framtíðarskipulagi
fyrir svæðið. Það er sameiginlegt
hagsmunamál fyrirtækisins og borg-
arinnar að landið skili verðmætum
sem munu nýtast til að byggja upp
samgönguinnviði, íbúum höfuðborg-
arsvæðisins til hagsbóta,“ segir Dav-
íð í bréfinu.
Í svarbréfi, rituðu 9. febrúar, tek-
ur Dagur B. Eggertsson undir þau
sjónarmið sem fram koma í bréfi
Davíðs. Bendir hann á að nýtt heild-
arskipulag gæti einnig náð til
Kelndaholts, nærliggjandi atvinnu-
svæðis, sem einnig er í eigu ríkisins.
Telur borgarststóri að ekki eigi að
útiloka að halda metnaðarfulla al-
þjóðlega samkeppni um skipulag
Keldnalandsins.
Keldnalandið verður skipulagt
 Allt að fimm þúsund manna byggð verði þar  Nýting á landinu á að geta hafist eftir 12 ár
Morgunblaðið/Árni Sæberg
Keldnalandið Afar verðmætt byggingarland á besta stað í borginni. Á næstuunni er áformað að tekin verði fyrstu skrefin í þróun skipulags á svæðinu.
Samspil lúpínu og birkis hefur vak-
ið athygli á Grásteinsheiði skammt
sunnan Húsavíkur. Þar er land illa
farið eftir aldalanga ofbeit og engin
gróðurframvinda hefur verið á
svæðinu þrátt fyrir áratuga friðun.
Undanskilin eru svæði þar sem
Landgræðslan sáði lúpínu í mela
1993 og er framvindan mest þar
sem birki var gróðursett með lúp-
ínunni. Annars staðar á svæðinu er
lúpínan heldur farin að láta undan
síga og fátt kemur í staðinn. Um
þetta er fjallað í grein á heimasíðu
Skógræktarinnar og þar er að
finna myndband, m.a. með dróna-
myndum Árna Sigurbjarnarsonar.
Tegundum fjölgar smám saman
Á Grásteinsheiði hefur lúpínan
frá 1993 breiðst hægt út, stöðvað
rof og lokað rofabörðum og vatns-
rásum sem skola út jarðvegi. At-
hygli hefur vakið á síðari árum að
lúpínan er orðin gisin þar sem hún
hefur verið lengst. Hún hopar á
melkollunum án þess að skilja eftir
sig mikla grósku sem nýtist öðrum
tegundum.
Undantekning frá þessu eru þau
svæði þar sem birki var gróðursett
í lúpínuna nokkrum árum eftir að
henni var sáð. Þar heldur lúpínan
velli og birkið vex vel. Þar sem
birkið nýtur ekki sambýlis við lúp-
ínuna þrífst birkið hins vegar illa
eða alls ekki.
Svo virðist sem lúpína og birki
vegi hvort annað upp. Samlífið
gagnast greinilega báðum teg-
undum og raunar miklu fleirum því
þarna er loðvíðir, grös, blómjurtir
og fleira farið að sá sér í svæðið.
Loðvíðir sést ekki annars staðar á
svæðinu og á greinilega enga
möguleika þar. Hann sækir í
gróskuna í uppvaxandi birkiskóg-
inum.
Af þessu er ljóst að samspil lúp-
ínu og birkis skapar þarna öfluga
gróðurframvindu. Tegundum fjölg-
ar smám saman og ljóst er að byrj-
að er að myndast birkiskógavist-
kerfi með því fjölbreytta lífi sem
því fylgir. Með tímanum mun birkið
skyggja lúpínuna út þannig að hún
hverfur en í staðinn koma tegundir
sem eru einkennandi fyrir birki-
skóglendi hérlendis.
Illa farin vistkerfi um allt land
Á Grásteinsheiði og Grjóthálsi
bíða um 2.000 hektarar eftir því að
fá að gera sama gagn. Það sama má
segja um hundruð þúsunda hektara
illa farinna gróðurvistkerfa á öllu
landinu sem bíða eftir því sama,
segir á skogur.is. aij@mbl.is
Skjámynd/Árni Sigurbjarnarson
Gróður Séð af Grásteinsheiði til Húsavíkur og Húsavíkurfjalls.
Samlífið gagnast
lúpínu og birki
 Gróðurframvinda á Grásteinsheiði
Lilja Dögg Alfreðsdóttir, mennta- og menningarmálaráð-
herra, og Willum Þór Þórsson, formaður fjárlaganefndar,
heimsóttu Borgarleikhúsið í vikunni og kynntu sér starf-
semina ásamt aðstoðarmönnum sínum. Heimsóknin var lið-
ur í kjördæmaviku þingmanna.
Hópurinn gekk um húsið, skoðaði allar deildir og endaði á
æfingu á Stóra sviðinu þar sem þau horfðu á hluta úr leikrit-
inu Sölumaður deyr sem frumsýnt verður í lok næstu viku.
Í tilkynningu frá Borgarleikhúsinu segir m.a. að ráð-
herrann hafi heillast sérstaklega af hárkollusafni leikhúss-
ins. „Það er mikill heiður fyrir Borgarleikhúsið að fá slíka
gesti sem sýna starfi hússins eins mikinn áhuga og velvilja,“
segir leikhúsið ennfremur.
Horfðu á sölumann deyja
 Menntamálaráðherra og þing-
maður heimsóttu Borgarleikhúsið
Ljósmynd/Borgarleikhúsið
Heimsókn Menntamálaráðherra og þingmaður á
stóra sviði Borgarleikhússins í vikunni.