Morgunblaðið - 27.03.2021, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 27. MARS 2021
Sigurður Bogi Sævarsson
sbs@mbl.is
Í skoðun er að eldgosasýningar í
anda Icelandic Lava Show í Vík í
Mýrdal verði á næstu misserum og
árum opnaðar á eldgosaeynni Havaí í
Kyrrahafi, í Japan og á öðrum heitum
reitum í heiminum. Þar væri upp-
bygging sýningarinnar sérsniðin að
eldvirkninni og aðstæðum á hverjum
stað. Áhugi á náttúru landsins sem
eldgosið í Fagradalsfjalli hefur skap-
að birtist með ýmsu móti og segjast
eigendur sýningarinnar í Vík finna
fyrir því með fjölgun heimsókna á
heimasíðu fyrirtækisins.
Endurskapa aðstæður
„Við höfum fundið aukinn áhuga á
hraunsýningunni alveg frá því jarð-
skjálftahrinan við Grindavík hófst.
Sérstaklega jókst þetta með eldgos-
inu,“ segir Júlíus Ingi Jónsson. Þau
Ragnhildur Ágústsdóttir eiginkona
hans opnuðu sýninguna Icelandic
Lava Show haustið 2018 þar sem þau
endurskapa aðstæður eldgoss með
því að bræða hraun frá Kötlu og hella
því inn í sýningarsal, sem er fullur af
fólki. Síðan þau opnuðu hefur ekkert
raunverulegt eldgos orðið á Íslandi,
fyrr en nú.
„Við höfum beðið eldgoss með
óþreyju. Auðvitað er sérstaklega
ánægjulegt nú hve gosið er lítið og
ekki þess eðlis að fólk eða mannvirki
séu í hættu. Í okkar huga er eldgosið
núna auglýsing fyrir land og þjóð.
Bara alveg eins og gosið í Eyja-
fjallajökli árið 2010. Móðir jörð er
með okkur í liði,“ segir Ragnhildur.
Ferðaþorsti og fróðleikur
„Við fáum skilaboð frá ferðaþyrst-
um útlendingum sem geta ekki beðið
eftir að koma til landsins. Íslendingar
hafa tekið við sér, hvað sem verður
nú þegar samkomutakmarkanir hafa
verið hertar,“ segir Júlíus.
Í síðustu viku, nokkru áður en eld-
gosið á Reykjanesskaganum hófst,
var á vegum Icelandic Lava show
opnaður hópur á Facebook með ýms-
um fróðleik um eldvirkni Íslands.
Hópurinn heitir Iceland Geology |
Seismic & Volcanic Activity in Ice-
land. Allt efni síðunnar er á ensku og
tilgangurinn er að fræða fólk um eld-
virkni Íslands. Aðild að hópnum eiga
nú um 5.000 manns sem þarna deila
stórbrotnum myndum frá gosstað,
miðla alls kyns áhugaverðum upplýs-
ingum og skiptast á fréttum og skoð-
unum og spyrja spurninga.
Fleiri sýningar
„Þetta allt gerir okkur eðlilega
bjartsýn fyrir eldgosasýninguna.
Þetta er búið að vera erfitt ár og það
eitt að við, lítið fjölskyldurekið ferða-
þjónustufyrirtæki sem var bara rétt í
startholunum þegar Covid skall á,
skulum hafa náð að þrauka og vera
enn á lífi er gott,“ segir Ragnhildur
og bætir við:
„Við höfum verið stórhuga með
fyrirtækið. Fyrsta skrefið var opnun í
Vík í Mýrdal og að sýna fram á að það
væri mögulegt að endurskapa að-
stæður eldgoss og leika sér með
bráðið hraun. Einnig að þetta væri
mögnuð upplifun og gott viðskipta-
módel. Opnun fleiri sýninga í anda
þeirrar sem við erum með í Mýrdaln-
um er því rökrétt skref.“
Morgunblaðið/Björn Jóhann
Hraunelfur Endurskapa aðstæður eldgoss og leika sér með bráðið hraun, segja eigendur sýningarinnar í Víkinni.
Eldgosið er auglýsing
- Icelandic Lava Show í Vík í Mýrdal - Mögnuð upplifun
og móðir jörð er með í liðinu - Til fyrirmyndar á Havaí
Eldgosafólkið Júlíus Ingi Jónsson
og Ragnhildur Ágústsdóttir.
BAKSVIÐ
Þóroddur Bjarnason
tobj@mbl.is
Áður en stjórnvöld gripu til aukinna
sóttvarnaráðstafana fyrr í vikunni
stóð mikið til á hótelunum á Ísafirði,
Siglufirði og Akureyri nú um helgina
og út páskavikuna. Von var á fjölda
ferðamanna í margs konar afþrey-
ingu. „Við áttum von á sextíu konum á
skíðagöngunámskeið í gær [á fimmtu-
daginn] sem við afboðuðum snarlega
þegar samkomutakmarkanir voru
hertar. Svo voru hótelin okkar öll full-
bókuð í páskavikunni fram undan.
Fossavatnsgöngunni hefur verið af-
lýst. Ennfremur var tónlistarhátíðinni
Aldrei fór ég suður aflýst, þannig að
hér verður nánast allt tómt,“ segir
Hólmfríður Vala Svavarsdóttir, hót-
elstjóri á Hótel Ísafirði, sem einnig
rekur Hótel Horn og Gamla gistihúsið
á Ísafirði.
Högg að missa viðskiptin
Hún segir að það sé högg fyrir
fyrirtækið að missa þessi viðskipti.
„Enn er kannski helmingur bókana
inni fyrir páskana en þetta setur strik
í reikninginn. Við vonum þó að fólk
komi til að fara á gönguskíði og hafi
sjálft ofan af fyrir sér. Maður er
manns gaman. Fólk getur komið,
hreyft sig og haldið sig í sínum „kúl-
um“. Veitingastaðurinn okkar verður
opinn með takmörkunum. Maður
reynir að vinna úr því sem maður hef-
ur og gera gott úr því.“
Fyrir utan sumarið er páskavikan
aðaltími ársins fyrir Hótel Ísafjörð.
„Þá eru venjulega allir gististaðir full-
ir, allt upp í fimm daga. Brottfluttir
Ísfirðingar streyma að, krakkar koma
heim í skólafrí og bærinn fyllist af
öðrum gestum. Bærinn iðar af lífi og
legið er á öllum fletum um allan bæ.“
Hún segir að hin vinsælu skíða-
göngunámskeið sem hótelið hefur
staðið að hafi gengið vel frá áramót-
um. „Þau halda í okkur lífi á veturna
og við getum ekki kvartað þótt þetta
sé nú að gerast á síðustu metrunum,“
bætir Hólmfríður við.
„Við erum bjartsýn á að það lifni
yfir hlutunum þegar fer að vora og við
náum að ráða niðurlögum faraldurs-
ins. Við stefnum ótrauð á að fylla öll
rúmin okkar í sumar.“
Svipað og í upphafinu
Aron Pálsson, hótelstjóri á Hótel
KEA á Akureyri, segir að upplifunin
nú sé svipuð og í upphafi faraldursins
fyrir ári. „Þetta hefur kannski ekki
áhrif jafn langt fram í tímann og þá
var. Helgin núna var fullbókuð en er
dottin út. Við áttum von á hátt í 200
gestum.“
Aron segir að vel hafi gengið að
undanförnu og mikið hafi selst af
„pökkum“ sem hótelið býður og mikil
ánægja sé með. „Við höfum afbókað
þá pakka sem voru í boði um næstu
helgi.“
Pakkarnir sem Aron nefnir eru
fjallaskíða-, gönguskíða- og alpa-
greinanámskeið, ásamt samstarfi hót-
elsins við Bjórböðin á Ársskógssandi.
„Það er búið að vera fullbókað í alla
pakka í allan vetur. Þetta var í raun
síðasta helgin í bili sem við buðum
upp á marga pakka um sömu helgi.“
Hann segir Hótel KEA stíla inn á
helgarnar í sinni markaðssetningu
enda sé minna streymi ferðamanna
norður yfir vetrartímann á virkum
dögum. „Við höfum boðið mikla dag-
skrá fyrir Íslendinginn sem hefur tek-
ið henni vel. Við erum stressuð fyrir
sumrinu og þurfum á því að halda að
allt gangi vel,“ bætir Aron við og segir
að hann styðji sóttvarnaaðgerðirnar
enda muni vonandi allir njóta góðs af
þeim til lengri tíma. Það sama sögðu
aðrir hótelstjórar við Morgunblaðið.
Spurður um fleiri pakkatilboð í vor
og sumar segir Aron að boðið verði
upp á fjallaskíðanámskeið í maí og
áframhald á samstarfinu við bjórböð-
in. „Annars vonumst við bara eftir
góðu veðri í sumar. Þá kemur fólk til
Akureyrar.“
Gríðarlegt áfall
Kristbjörg Edda Jóhannsdóttir,
hótelstjóri á Sigló hóteli á Siglufirði,
segir að samkomubannið núna sé
gríðarlegt áfall fyrir hótelið. „Við
sáum fram á góða tíð. Það var full-
bókað allar helgar út maí og vel bókað
á virkum dögum einnig. Við sjáum
þetta núna að miklu leyti fjara út
næstu tvær vikur. Það eru samt ein-
hverjar bókanir og hótelið verður
opið.“
Allir sem væntanlegir voru í stærri
hópum hafa afboðað sig og eins þeir
sem ætluðu að sækja skíðasvæðið.
„Það koma kannski hjón og minni fjöl-
skyldur. Þetta er högg. Hótelið var
fullbókað nú um helgina. Við eigum
enn eftir að sjá hvernig páskarnir
verða.“
Hún segir að hótelið hafi verið búið
undir annasama tíma á næstunni og
ráðið inn fólk. Nú verður einhver bið á
að það geti hafið störf. „Við tökum
þessu samt eins og hverju öðru
hundsbiti og erum bjartsýn á vorið og
sumarið. Ég hvet bara fólk til að
ferðast innanlands í sumar og hjálpa
okkur þannig í gegnum þetta þegar
aðstæður leyfa.“
Hótelin tæmast á landsbyggðinni
- Allt var uppbókað um helgina og í páskavikunni á Ísafirði, Akureyri og Siglufirði - Skilningur á stöð-
unni - Sextíu konur áttu að vera á gönguskíðanámskeði á Ísafirði - Fólk bíður eftir að hefja störf
Morgunblaðið/Halldór Sveinbjörnsson
Skíði Hægt er að virða tveggja metra regluna á gönguskíðum.
Bekanntmachung
für Deutsche zur Wahl zum Deutschen Bundestag
Am 26. September 2021 findet die Wahl zum Deutschen Bundestag statt.
Deutsche, die außerhalb der Bundesrepublik Deutschland leben und im
Bundesgebiet keine Wohnung mehr innehaben, können bei Vorliegen der
sonstigen wahlrechtlichen Voraussetzungen an der Wahl teilnehmen.
Für ihre Wahlteilnahme ist u. a. Voraussetzung, dass sie
1. entweder nach Vollendung ihres 14. Lebensjahres mindestens drei
Monate ununterbrochen in der Bundesrepublik Deutschland1) eine
Wohnung innegehabt oder sich sonst gewöhnlich aufgehalten haben
und dieser Aufenthalt nicht länger als 25 Jahre zurückliegt, oder aus
anderen Gründen persönlich und unmittelbar Vertrautheit mit den
politischen Verhältnissen in der Bundesrepublik Deutschland erworben
haben und von ihnen betroffen sind; sowie
2. in ein Wählerverzeichnis in der Bundesrepublik Deutschland einget-
ragen sind. Diese Eintragung erfolgt nur auf Antrag. Der Antrag
ist auf einem Formblatt zu stellen; er soll bald nach dieser
Bekanntmachung abgesandt werden. Einem Antrag, der erst am
04. September 2021 oder später bei der zuständigen Gemeinde-
behörde eingeht, kann nicht mehr entsprochen werden (§ 18 Abs.
1 der Bundeswahlordnung).
Antragsvordrucke (Formblätter) sowie informierende Merkblätter sind
online auf der Seite des Bundeswahlleiters (www.bundeswahlleiter.de)
erhältlich. Sie können auch bei
- den diplomatischen und berufskonsularischen Vertretungen der
Bundesrepublik Deutschland,
- dem Bundeswahlleiter, Statistisches Bundesamt, Zweigstelle Bonn,
Postfach 17 03 77, 53029 BONN, GERMANY, oder per E-Mail
<bundeswahlleiter-bonn@destatis.de>,
- den Kreiswahlleitern in der Bundesrepublik Deutschland
angefordert werden.
Weitere Auskünfte erteilen die Botschaften und berufskonsularischen
Vertretungen der Bundesrepublik Deutschland.
Reykjavik, 16.03.2021 Botschaft der Bundesrepublik Deutschland
(www.reykjavik.diplo.de)
Laufásvegur 31, 101 Reykjavik
Öffnungszeiten: Montag-Freitag 09.00 bis 12.00 Uhr
1) Zu berücksichtigen ist auch eine frühere Wohnung oder ein früherer Aufenthalt in dem in Artikel
3 des Einigungsvertrages genannten Gebiet (Brandenburg, Mecklenburg-Vorpommern, Sachsen,
Sachsen-Anhalt und Thüringen zuzüglich des Gebietes des früheren Berlin (Ost)).