Morgunblaðið - 27.03.2021, Side 16

16 FRÉTTIRInnlent
MORGUNBLAÐIÐ LAUGARDAGUR 27. MARS 2021
Helgi Bjarnason
helgi@mbl.is
Stjórnendur Landsnets munu fara
yfir málefni Suðurnesjalínu 2 með
sveitarfélögunum á línuleiðinni og
fara yfir stöðuna áður en ákveðið
verður að fara með málið lengra,
það er að segja að kæra ákvörðun
Sveitarfélagsins Voga um að synja
fyrirtækinu um framkvæmdaleyfi
til úrskurðarnefndar umhverfis- og
auðlindamála, eða fara með málið
fyrir dómstóla. „Við erum að skoða
allar hliðar á málinu því mikilvægt
er að við getum sinnt hlutverki
okkar og tryggt Reykjanesinu
öruggt rafmagn,“ segir Steinunn
Þorsteinsdóttir, upplýsingafulltrúi
Landsnets.
Suðurnesjalína 2 á að vera öflug
háspennulína, loftlína, við hlið nú-
verandi Suðurnesjalínu frá Hafn-
arfirði til Reykjanesbæjar, sam-
kvæmt tillögu Landsnets. Hún á að
liggja um land fjögurra sveitarfé-
laga og eftir að umhverfismat var
gert öðru sinni og annar undirbún-
ingur unninn frá grunni veittu þrjú
sveitarfélaganna framkvæmdaleyfi
en Sveitarfélagið Vogar hafnaði.
Loftlína ekki forsvaranleg
Í rökstuðningi fyrir ákvörðun
bæjarstjórnar Voga kemur fram að
Suðurnesjalína 2 sé umfangsmikið
mannvirki sem liggi yfir langan
veg, þar sem landslag sé opið og
víðsýnt, náttúrufar njóti verndar
samkvæmt lögum um náttúru-
vernd auk þess sem það hafi hlotið
alþjóðlega viðurkenningu og vottun
Unesco vegna jarðfræðilegrar sér-
stöðu. Línan liggi nálægt einum
fjölfarnasta þjóðvegi landsins sem
jafnframt sé gátt erlendra ferða-
manna inn í landið og fari um og
liggi nærri náttúrusvæðum sem
séu vinsæl útivistarsvæði í grennd
við þéttbýlasta svæði landsins.
„Við þær aðstæður telur sveitar-
félagið ekki forsvaranlegt að sam-
þykkja nýja loftlínu. Margt mæli
með því að leggja línuna í jarð-
streng alla leið innan sveitar-
félagsins […] meðfram Reykjanes-
braut.“
Áhrif jarðhræringa
Athuganir sem Landsnet hefur
látið gera sýna að áhrifa jarð-
skjálftanna á suðurhluta Reykja-
nesskagans gætir einnig á fyrir-
hugaðri línuleið Suðurnesjalínu 2.
Þar komu viðbótarrök fyrir loft-
línu, að mati Landsnets, þar sem
hún þyldi ákveðna strekkingu
vegna togs í jarðskorpunni sem
jarðstrengur þoli ekki. Í ákvörðun
bæjarstjórnar Voga er ekki fjallað
um þessi rök á annan hátt en þann
að þau breyti ekki niðurstöðu
sveitarstjórnar.
Ekki búið að ákveða hvort
ákvörðun Voga verður kærð
Tölvuteikning/Landsnet
Línustæði Suðurnesjalína 2 hefur hér verið teiknuð inn á loftmynd af hluta línuleiðarinnar, við hlið núverandi línu.
- Bæjarstjórn Voga vill leggja Suðurnesjalínu 2 í jarðstreng við Reykjanesbraut
Spurð hvort hægt sé að fara að vilja Voga og leggja Suðurnesjalínu í jarð-
streng frekar en loftlínu segir Steinunn Þorsteinsdóttir, upplýsinga-
fulltrúi Landsnets, að rannsóknir fyrirtækisins sýni að jarðstrengur á
þessu svæði sé óöruggari kostur en loftlína, falli ekki að stefnu stjórn-
valda um lagningu raflína í flutningskerfinu og sé ekki í samræmi við raf-
orkulög. Þá sé hann dýrari valkostur og geti Landsnet ekki lagt þann kost
til.
Bæjarstjórn Voga telur ekki nægjanlegt að horfa eingöngu til kostn-
aðarmunar milli ólíkra útfærslna á lagningu línunnar, þar sem ólíkir val-
kostir hafi í för með sér mismunandi möguleika og takmarkanir á annarri
landnýtingu og þróun byggðar og atvinnulífs á nærliggjandi svæðum sem
rétt sé að taka með í reikninginn.
Fleiri þættir taldir skipta máli
JARÐSTRENGUR DÝRARI EN LOFTLÍNA
VIÐ LEITUM AÐ
LISTAVERKUM
Áhugasamir geta haft samband í
síma 551-0400
ERUM AÐ TAKA Á MÓTI VERKUM Á NÆSTA LISTMUNAUPPBOÐ
Rauðarárstígur 12-14 · 105 Reykjavík · sími 551 0400 · www.gallerifold.is
Ásmundur Einar Daðason, félags-
og barnamálaráðherra, kynnti á
fundi ríkisstjórnarinnar í gær til-
lögur Húsnæðis- og mannvirkj-
astofnunar (HMS) að úrbótum í
brunavörnum í íbúðum og öðru hús-
næði þar sem fólk hefur búsetu sem
unnar voru í samráði við hagaðila.
Hann fól HMS að koma með tillögur
að úrbótum í málaflokknum vegna
brunans á Bræðraborgarstíg í
Reykjavík í júní í fyrra, þar sem þrír
létust.
Fram kemur á vef Stjórnarráðs-
ins, að tillögur HMS kveði meðal
annars á um að íbúðarhúsnæði verði
ekki tekið í notkun nema fari fram
öryggisúttekt og skilgreindar verði
sérstakar stöðuskoðanir bygging-
arfulltrúa og slökkviliðs vegna
brunavarna í opinberu byggingaeft-
irliti.
Heimildir fjöldaskráningar lög-
heimilis í íbúðarhúsnæði verða end-
urskoðaðar ásamt því að skráning-
arskylda leigusamninga verður
lögfest og mismunandi tegundir út-
leigu skilgreindar. Einnig er lagt til
að óleyfisbúseta verði kortlögð með
ítarlegum hætti. Metið verður hvort
og í hvaða mæli heimila skuli með
lögum tímabundna aðsetursskrán-
ingu og búsetu í atvinnuhúsnæði
sem uppfyllir kröfur um öryggi.
Morgunblaðið/Eggert
Rústir Brunarústir hússins við
Bræðraborgarstíg í Reykjavík.
Bruna-
varnir
bættar
- Úrbætur eftir
mannskæðan bruna
Landsréttur sakfelldi í gær tvo karl-
menn fyrir innherjasvik í tengslum
við viðskipti með hlutabréf í Ice-
landair Group. Þriðji maðurinn var
sýknaður en 20 milljóna króna ávinn-
ingingur, sem hann fékk af viðskipt-
unum, var gerður upptækur.
Kristján Georg Jósteinsson var
dæmdur í þriggja og hálfs árs fang-
elsi og gert að sæta upptöku á rúm-
um 38 milljónum króna. Kjartan
Jónsson var dæmdur í tveggja ára
fangelsi og gert að sæta upptöku á
þremur milljónum króna.
Innherjasvikin fóru þannig fram
að Kristján keypti og nýtti, í gegnum
félag sitt sem nú heitir Fastrek ehf.,
afleiður og sölurétt samkvæmt val-
réttarsamningum sem byggðust á
verðþróun hlutabréfa í Icelandair
Group. Hann nýtti sér þar innherja-
upplýsingar frá Kjartani, sem starf-
aði sem forstöðumaður leiðakerfis-
stjórnunar Icelandair, var
skilgreindur í hópi lykilstarfsmanna
og skráður fruminnherji í móður-
félaginu, Icelandair Group.
Landsréttur segir í niðurstöðu
sinni, að Kjartan hafi með brotum
sínum gerst sekur um trúnaðarbrot
gagnvart vinnuveitanda sínum og
hafi brotin verið sérstaklega alvar-
leg vegna stöðu hans sem fruminn-
herji hjá Icelandair Group. Ásetn-
ingur hans hafi verið einbeittur.
Þá segir dómurinn að Kristján
hafi framið brot sín með einbeittum
ásetningi. Hann var árið 2016 dæmd-
ur í 18 mánaða fangelsi fyrir annað
brot, þar af voru 15 mánuðir bundnir
skilorði til tveggja ára en dómurinn
nú var hegningarauki við þann dóm.
Landsréttur taldi að ekki hefðu
verið færðar sönnur fyrir því að
þriðji maðurinn hefði vitað eða mátt
vita að Kristján Georg hefði búið yfir
innherjaupplýsingum um Icelandair
Group hf. þegar hann átti viðskipti
með bréf félagsins að hans ráðum.
Dæmdir í fangelsi
fyrir innherjasvik
- Einbeittur ásetningur og trúnaðarbrot
Morgunblaðið/Hanna
Landsréttur Hús Landsréttar