Morgunblaðið - 27.03.2021, Side 20

20 FRÉTTIRInnlent
MORGUNBLAÐIÐ LAUGARDAGUR 27. MARS 2021
ÚR BÆJARLÍFINU
Margrét Þóra Þórsdóttir
Akureyri
„Heilt yfir hefur gengið mjög vel,
viðbragðsaðilar á Akureyri hafa
veitt aðstoð sína við þetta verkefni
og við höfum átt við þá frábært
samstarf,“ segir Inga Berglind
Birgisdóttir, yfirhjúkrunarfræð-
ingur hjá Heilbrigðisstofnun Norð-
urlands. Bólusetningar hafa staðið
yfir í húsakynnum Slökkviliðs Ak-
ureyrar nú í mars. Íbúar 80 ára og
eldri voru boðaðir í bólusetningu í
byrjun mars og nú í liðinni viku
fengu flestir þeirra seinni spraut-
una. Þeir sem eftir eru úr þeim
hópi hafa verið boðaðir í næstu
viku.
„Hjá okkur eins og annars
staðar setti það strik í reikninginn
að stöðva þurfti gjafir á bóluefni
AstraZeneca, en sóttvarnalæknir
hefur nú gefið grænt ljós á að
halda áfram með það bóluefni og
þá í eldri einstaklinga,“ segir hún.
Það gerir að verkum að hægt er að
halda áfram í árgöngunum og
vinna sig áfram niður og segir Inga
Berglind að fastlega sé búist við
því að komast niður í árgang 1948
og jafnvel eitthvað inn í árgang
1949 ef vel gengur.
Nú um helgina fá allir sem til-
heyra árgöngum 1944 til 1948 boð
um bólusetningu í næstu viku. Skili
boðin sér ekki í gegnum síma er
fólk sem fætt er á þessum árum
velkomið að koma á slökkvistöðina
á milli kl. 9 og 13 næsta þriðjudag
og fá bólusetningu. „Eftir páska
höldum við svo áfram veginn niður
árgangana og má fólk sem fætt er
eftir 1948 búast við að fá boð frá
okkur þá,“ segir Inga Berglind.
- - -
Heildarlosun gróðurhúsa-
lofttegunda frá Akureyrarbæ
árið 2019 nam tæplega 159 þúsund
tonnum. Langstærstur hluti los-
unar kemur frá samgöngum. Um
62% af losun þessara lofttegunda
frá Akureyri umrætt ár má rekja
til orkunotkunar í samgöngum og
eru vegasamgöngur þar lang-
stærsti einstaki þátturinn.
Þar eru jafnframt stærstu
tækifærin til að draga úr losun og
hefur Akureyrarbær að markmiði
að draga úr bílaumferð og auð-
velda íbúum að komast ferða sinna
með umhverfisvænum hætti að því
er fram kemur á vefsíðu
Akureyrarbæjar. Í því skyni
stendur til að styrkja net almenn-
ingssamgangna, leiðakerfi Strætó
verður endurskoðað, samningur
gerður um rafskútuleigu og eins
stendur til að byggja upp aðlað-
andi og skilvirkt stígakerfi um
bæinn.
Önnur atriði sem vega þungt í
losunarbókhaldi bæjarins eru sjó-
flutningar, fiskiskip, landnotkun,
urðun úrgangs og orkunotkun í
iðnaði.
Þetta er í annað sinn sem los-
unarbókhald sveitarfélagsins er
tekið saman. Umfangið er svipað
og var árið á undan en heildar-
einkunn bæjarins hækkar nú úr D
í B og byggist það einkum á aukn-
um viðbrögðum og aðgerðum sem
stemma stigu við loftslagsbreyt-
ingum.
- - -
Verkefni sem tengjast al-
mannavörnum með einhverjum
hætti hafa vaxið að umfangi í
starfsemi lögreglunnar á Akureyri
undanfarin misseri. Þar má nefna
óveður, snjóflóð, jarðhræringar og
kórónuveiruheimsfaraldur svo eitt-
hvað sé nefnt af viðfangsefnum
sem tilheyra málaflokknum. Fjölg-
un verkefna af því tagi hefur nú
leitt til þess að hjá embætti Lög-
reglustjórans á Norðurlandi
eystra og Almannavarnadeild Rík-
islögreglustjóra hefur nýtt starf
orðið til þar sem almannavarnir
eru í brennidepli.
Hermann Karlsson, aðalvarð-
stjóri hjá Lögreglustjóranum á
Norðurlandi eystra, hefur tekið
við þessu nýju starfi. Hann hefur
sinnt verkefnum á sviði almanna-
varna undanfarin ár en mun nú
sinna þeim verkefnum í fullu
starfi. Hann mun m.a. taka þátt í
vinnu við yfirferð á viðbragðsáætl-
un þegar óveður verður á lands-
vísu og skoða með hvaða hætti
hægt sé að auðvelda viðbragðs-
aðilum að nálgast upplýsingar úr
viðbragðsáætlunum á ögurstundu.
Starfsaðstaðan verður á Akureyri
og er verkefnið í fyrstu tímabund-
ið til næstu áramóta.
- - -
Ráðhús Akureyrarbæjar
hýsir langt í frá alla þá starfsemi
sem fram fer á vegum bæjarins.
Hún dreifist hingað og þangað um
bæinn. Til stendur að stækka Ráð-
húsið við Geislagötu með því að
byggja við það. Ragnar Sverr-
isson, fyrrverandi kaupmaður á
Akureyri, hefur nú ásamt öðrum
eigendum að húsinu við Gránu-
félagsgötu 4 varpað fram þeirri
hugmynd að byggja við JMJ-húsið
eins og það gjarnan nefnist í dag-
legu tali. Byggja á bæði til aust-
urs og vesturs og eins bæta við
hæðum þannig að það verði í allt
fimm hæða hátt, um 5.000 fer-
metrar að stærð. Hefur Ragnar að
því er fram kemur í Vikublaðinu,
bæjarblaði Akureyringa, viðrað þá
hugmynd við bæjaryfirvöld að þar
yrði til fyrirtaks nýtt ráðhús fyrir
bæinn.
Bólusetningar ganga vel nyrðra
- Árgangar 1944-1948 bólusettir í næstu viku - Heildarlosun gróðurhúsalofttegunda frá Akureyr-
arbæ árið 2019 nam um 159 þúsund tonnum - Verkefni á sviði almannavarna æ fyrirferðarmeiri
Morgunblaðið/Margrét Þóra
Akureyri Heildarlosun gróðurhúsalofttegunda frá Akureyrarbæ árið 2019 nam tæplega 159 þúsund tonnum. Langstærstur hluti losunar kemur frá sam-
göngum, 62%, en einnig vega sjóflutningar, fiskiskip, langnotkun, urðun úrgangs og orkunotkun í iðnaði þungt í losunarbókhaldinu.
Morgunblaðið/Margrét Þóra
Bólusetning Búið er að bólusetja langflesta íbúa 80 ára og eldri á Akureyri
tvívegis. Bólusett hefur verið í húsnæði Slökkviliðsins á Akureyri