Morgunblaðið - 31.03.2021, Blaðsíða 28

28 FRÉTTIRInnlent
MORGUNBLAÐIÐ MIÐVIKUDAGUR 31. MARS 2021
BAKSVIÐ
Sigtryggur Sigtryggsson
sisi@mbl.is
Skipulagsfulltrúi Reykjavíkur sam-
þykkti á fundi sínum sl. föstudag að
veita Reykjavíkurborg fram-
kvæmdaleyfi vegna 1. áfanga land-
fyllingar í Elliðaárvogi. Þarna
hyggst borgin ráðast í gerð stórrar
landfyllingar í þremur áföngum
vegna fyrirhugaðrar stækkunar á
Bryggjuhverfi vestur. Vegna ná-
lægðar við Elliðaárnar hafa farið
fram rannsóknir á ferðum laxa og
urriða á ósasvæðum Elliðaáa og
Leirvogsár og enn frekari rann-
sóknir þarf að framkvæma.
Fram kemur í gögnun málsins að
heildarstærð landfyllingarinnar
verður um 13 hektarar og efnisþörf
er gróflega áætluð 1-1,2 milljónir
rúmmetra. Fyllingarnar verða varð-
ar með sjóvarnargörðum og er áætl-
að að 21 þúsund rúmmetrar af grjóti
fari í garðana. Gert er ráð fyrir að
gerð landfyllinganna geti tekið
a.m.k. 3-4 ár eftir að framkvæmda-
leyfi hefur verið gefið út.
Notast við efni frá Björgun
Við gerð 1. áfanga landfylling-
arinnar verður að mestu notast við
efni sem safnast hefur fyrir á at-
hafnasvæði Björgunar, en fyrirtækið
hætti starfsemi á svæðinu árið 2019.
Ekki er fullmótað hvaðan efni verður
fengið í gerð 2. og 3. áfanga. Þeir
möguleikar sem eru fyrir hendi er að
nýta efni úr jarðvinnufram-
kvæmdum, sjódælt efni, efni frá
dýpkunarframkvæmdum og efni úr
námum á landi.
Umhverfis- og skipulagssvið
Reykjavíkurborgar hefur undirbúið
framkvæmdir við áframhald fyrsta
verkáfanga landfyllingar í Elliðaár-
vogi samkvæmt þeirri landþróun
sem skilgreind er i Aðalskipulagi
Reykjavíkur 2010 - 2030.
Framkvæmdin felur í sér viðbót
við landfyllingu í samræmi við sam-
þykkt deiliskipulag af Bryggjuhverfi
vestur, svæði 4. Landfylling þessi er
viðbót við landfyllingu í áfanga 1 og
er nauðsynleg svo koma megi fyrir
fráveitulögnum og gera lóðir á sam-
þykktu deiliskipulagi bygging-
arhæfar. Gerður verður grjótvarn-
argarður meðfram vesturkanti
landfyllingar. Einnig er ætlunin að
byggja upp farghauga til að flýta
fyrir sigi svo hægt sé að gera lóðir
byggingarhæfar.
Framkvæmdin í heild (landfyll-
ingin) fellur undir lög um umhverfis-
áhrif og er tilkynningar- og mat-
skyld. Fyrir liggur skýrsla um mat á
umhverfisáhrifum landfyllinga í El-
liðaárvogi, dags desember 2016. Þar
er landfyllingum skipt í 3 áfanga.
Álit Skipulagsstofnunar um mat á
umhverfisáhrifum, dags. 17. mars
2017, liggur fyrir. Þar segir m.a. að
framkvæmdum við 1. áfanga sé
nægilega lýst, en frekari rannsóknar
sé þörf fyrir 2. og 3. áfanga. Fram-
kvæmdin sé háð framkvæmdaleyfi
frá Reykjavíkurborg og háð leyfi
Umhverfisstofnunar. Haft skuli
samráð við Hafrannsóknastofnun
um útfærslu varnargarða og af-
marka framkvæmdatíma við göngur
laxfiska.
Í áliti Skipulagsstofnunar dags.
17. mars 2017 segir m.a. „Jafnframt
liggur fyrir tillaga Hafrann-
sóknastofnunar um tilteknar rann-
sóknir, mótvægisaðgerðir og vöktun
hvað varðar áhrif framkvæmdarinn-
ar á laxfiska. Skipulagsstofnun telur
þessar breytingar á framkvæmda-
áformum jákvæðar og til þess fallnar
að endanlegar ákvarðanir um stærð
og útfærslu landfyllingarinnar geti
byggt á traustum upplýsingum og að
draga megi eins og kostur er úr nei-
kvæðum umhverfisáhrifum landfyll-
ingarinnar. Ljóst er að enn er ósvar-
að veigamiklum spurningum um
áhrif 2. og 3. áfanga landfylling-
arinnar á laxfiska.“
Hafrannsóknastofnunin hefur
skilað skýrslu um rannsóknir á
göngum lax og sjóbirtings, sem
gerðar voru árin 2017/18. Sam-
kvæmt henni er talið ólíklegt að
landfylling ein og sér hafi neikvæð
áhrif á afkomu fullorðinna laxa en
hugsanlegt sé að slík breyting á
strandsvæðinu geti haft í för með sér
breytingar á göngumynstri laxa á
leið til hrygningar sem um leið gæti
mögulega hnikað til göngutíma upp í
ferskvatn. Þetta þurfi að rannsaka
betur ásamt áhrifum landfyllingar á
gönguseiði.
Fyrstu húsin eru að rísa
Fyrstu húsin byrjuðu að rísa í
nýju íbúðahverfi Reykjavíkur,
Bryggjuhverfi vestur, árið 2020.
Þarna er gert ráð fyrir allt að 850
íbúðum, að hluta til á landfyllingum
og að hluta til á fyrrum athafnasvæði
Björgunar ehf. í Sævarhöfða. Það
eru Búseti húsnæðissamvinnufélag
og Bjarg íbúðafélag sem byggja á
sameiginlegum byggingarreit 124
íbúðir í sex húsum í austurhluta nýja
hverfisins. Arkþing annaðist arki-
tektahönnun og Ístak er bygging-
arverktaki. Fleiri íbúðarhús munu
rísa þarna næstu misserin.
Bryggjuhverfi austur, við Elliða-
árvog/Grafarvog, er fullbyggt. Upp-
byggingin hófst fyrir rúmlega 20 ár-
um, eða árið 1998. Þarna eru nú 600
íbúðir og skráðir íbúar um 1.100 tals-
ins. Í hverfið hefur vantað ýmsa
þjónustu, svo sem verslanir og skóla,
en úr því verður bætt í Bryggju-
hverfi vestur.
Risastór landfylling við Elliðaár
- Reykjavíkurborg áformar 13 fermetra landfyllingu undir íbúðabyggðina Bryggjuhverfi vestur
- Verður gerð í þremur áföngum - Enn ósvarað spurningum um áhrif landfyllingar á laxfiska
Ljósmynd/Guðmundur Árnason
Bryggjuhverfi vestur Byrjað var að reisa fyrstu húsin í hverfinu í fyrra. Búseti og Bjarg íbúðafélag byggja húsin.
Fyrirhugaðar landfyllingar í Elliðaárvogi
G
ru
n
n
ko
rt
/L
o
ft
m
yn
d
ir
eh
f.
Heimild: Reykjavíkurborg/Verkís
Elliðaárvogur
Grafarvogur
El
lið
aá
r
Sævarhöfði
BRYGGJUHVERFI
G
u
ll
in
b
rú
Áfangi
3
Áfangi 1
Áfangi
2
G
rj
ót
va
rn
ar
ga
rð
ur
Bygging 765 fermetra gestastofu
Vatnajökulsþjóðgarðs á Kirkjubæj-
arklaustri hefur verið boðin út í
samstarfi Framkvæmdasýslu rík-
isins og Ríkiskaupa. Skilafrestur
gagna í útboðinu er 21. apríl.
Byggingin er einnar hæðar með
kjallara undir hluta hennar. Bygg-
ingin er hönnuð þannig að hún falli
vel að landinu með gönguleiðum
upp á þak byggingar og aksturs-
braut niður að kjallara húss.
Húsið er að hluta til einangrað að
utan og jarðvegur lagður að því,
forsteyptar steypueiningar og gler-
veggjakerfi. Þak er með ábræddum
þakpappa og lagt með torfi. Ganga
skal frá húsinu að utan og innan
ásamt lóð fullbúnu til notanda.
Fyrsta skóflustunga að húsinu
var tekin í júní 2020. Búið er að
grafa fyrir húsi, grafa og fylla í
bílastæði og setja upp heildargirð-
ingu fyrir verksvæðið, sem var
framkvæmt í sérstöku jarð-
vinnuútboði. Jarðvinna í þessu
verki felst í að fylla í sökkla, fylla
að húsi, grafa og endurfylla í lagna-
skurði undir og meðfram húsi.
sisi@mbl.is
Tölvumynd/Arkís
Klaustur Nýja gestastofan er hönnuð þannig að hún falli vel að landinu.
Ný gestaastofa á
Klaustri boðin út
- Fyrsta skóflustungan tekin í fyrra