Morgunblaðið - 31.03.2021, Qupperneq 38

38 FRÉTTIRErlent
MORGUNBLAÐIÐ MIÐVIKUDAGUR 31. MARS 2021
Þýsk yfirvöld ákváðu í gær að bjóða
aðeins íbúum 60 ára og eldri upp á
bóluefni Oxford-háskóla og AstraZe-
neca. Ákvörðun Þjóðverja kemur í
kjölfar tilfella blóðtappa hjá yngra
fólki sem fengið hafði bóluefnið.
Þeir sem ekki hafa náð 60 ára
aldri geta þó valið að vera bólusettir
með bóluefni AstraZeneca að und-
angengnu viðtali við lækni.
Óháð bólusetningarnefnd þýskra
stjórnvalda lagði þetta til, en ráð-
leggingum hennar var lekið í þýska
fjölmiðla í gær. 31 tilfelli heilaáfalls
vegna blóðtappa í heila hefur komið
upp hjá fólki sem fengið hefur bólu-
efni AstraZeneca í Þýskalandi. Þá
hafa níu manns látist vegna heila-
áfalls eftir bólusetningu. Viðkom-
andi hafa verið á aldrinum 20 til 63
ára, en talið er að hættan á blóð-
tappa sé mun minni hjá þeim sem
eru eldri en 60 ára.
Yfirvöld í Berlín og München
ákváðu í gær að bíða ekki eftir
ákvörðun þýska alríkisins, heldur
hættu þegar í stað notkun AstraZe-
neca hjá fólki yngri en 60 ára, og var
það sagt „fyrirbyggjandi aðgerð“.
Tíðindin eru nýjasta áfallið fyrir
AstraZeneca-efnið, en einungis eru
nokkrar vikur liðnar frá því Evr-
ópska lyfjastofnunin sagði það
öruggt til notkunar. Þá bönnuðu
þýsk stjórnvöld í upphafi að efnið
yrði notað á fólk yfir 65 ára aldri, en
hefur nú alfarið snúist hugur.
Enginn
undir
sextugu
- Níu dauðsföll í
Þýskalandi
AFP
AstraZeneca Þýsk stjórnvöld gefa
einungis fólki yfir 60 ára efnið.
Leiðtogar 23 ríkja og Alþjóðaheil-
brigðismálastofnunin (WHO) hvetja
til þess að saminn verði alþjóðlegur
sáttmáli til að auðvelda viðbrögð við
neyðarástandi í heilbrigðismálum í
framtíðinni, með tilliti til reynslunn-
ar af eyðileggingu kórónuveirufar-
aldursins.
Hugmyndina að sáttmála af þessu
tagi fleytti fyrstur Charles Michel,
forseti framkvæmdastjórnar Evr-
ópusambandsins (ESB), á G20-fund-
inum í nóvember síðastliðnum. Hug-
myndin var að hann verði nokkurs
konar leiðarvísir um viðbrögð við
nýjum faraldri og kveði m.a. á um
almennan og jafnræðan aðgang að
bóluefni og sjúkdómsgreiningu.
Fékk hugmyndin í gær formlegan
stuðning leiðtoga Fiji, Portúgals,
Rúmeníu, Bretlands, Rúanda, Ke-
nýu, Frakklands, Þýskalands,
Grikklands, Suður-Kóreu, Chile,
Costa Rica, Albaníu, Suður-Afríku,
Trinidad og Tobago, Hollands, Tún-
is, Senegal, Spánar, Noregs, Serbíu,
Indónesíu, Úkraínu og WHO.
„Fleiri faraldrar eiga eftir að gera
vart við sig og umfangsmikið neyð-
arástand skapast. Engin ein ríkis-
stjórn eða fjölþjóðlegar stofnanir
geta einar og sér tekist á við það,“
segir í yfirlýsingu sem birtist í
helstu dagblöðum heims.
Þar er kórónuveirufaraldurinn
sagður mesta ógn þvert á landa-
mæri ríkja frá lokum seinna heims-
stríðsins. „Við erum á því að ríki
heims eigi að vinna saman að gerð
nýs fjölþjóðlegs sáttmála um við-
búnað fyrir faraldur og viðbrögð,“
segja leiðtogarnir og kalla eftir
sams konar ríkjasáttmála og þeim
sem gerður var í lok seinna stríðs-
ins. „Á þeim tíma, eftir eyðileggingu
tveggja heimsstríða, komu pólitískir
leiðtogar saman og sömdu um
marghliða samstarf á sviði heil-
brigðismála,“ sagði Tedros Adha-
nom Ghebreyesus forstjóri WHO.
Meginmarkmið sáttmála af þessu
tagi yrði að styrkja þanþol gegn far-
öldrum framtíðarinnar með betra
vöktunarkerfi, upplýsingamiðlun,
rannsóknum, framleiðslu og dreif-
ingu bóluefnis, lyfja, greiningarbún-
aðar og hlífðarklæða.
Þá mun sáttmálinn kveða á um að
heilbrigði manna, dýra og plánet-
unnar sé nátengt sem ætti að leiða
til sameiginlegrar ábyrgðar,
gegnsæis og samvinnu um heims-
byggðina alla.
„Við erum sannfærðir um að það
sé okkar skylda sem þjóðarleiðtogar
og forsvarsmenn alþjóðastofnana að
tryggja að heimsbyggðin fái lært
lexíurnar af Covid-19-faraldrinum
sem sýnt hefur að enginn er óhultur
fyrr en allir eru það,“ sögðu leiðtog-
arnir í grein sinni.
„Markmiðið er einkar skýrt, að
færa þjóðir heims nær hver annarri
til samstarfs um að bægja frá
freistni einangrunar og þjóðernis-
stefnu og takast á við áskoranir sem
einungis verða yfirbugaðar sameig-
inlega í anda samstöðu og samvinnu,
nefnilega friðar, hagsældar, heil-
brigðis og öryggis.“
Hvetja til sáttmála um faraldra
- Ætlað að auðvelda viðbrögð við neyðarástandi í heilbrigðismálum - Fleiri
faraldrar eiga eftir að blossa upp og umfangsmikið neyðarástand skapast
Virtuosa eða „Snillingurinn“, nýjasta skemmti-
ferðaskip skipafélagsins MSC Cruises lagði af
við Ermarsund. Fjöldi fólks stóð meðfram Leiru
og fylgdist með Snillingnum sigla fyrstu skrefin.
stað í gær í jómfrúrferð sína, frá skipasmíðastöð
sinni í Saint-Nazaire í Frakklandi til Le Havre
AFP
Snillingurinn
siglir
Myndastytta af Gretu Thunberg í
fullri stærð hefur verið afhjúpuð við
háskólann í Winchester í Englandi
stúdentum skólans til lítillar gleði.
Kostaði gerð hennar nær 24.000
pund, jafnvirði 4,2 milljóna króna.
Stúdentarnir segja styttuna vera
hégómaskap en Winchester-skólinn
segir um að ræða fyrstu styttuna í
fullri stærð af hinum andríka
sænska umhverfissinna.
Formaður stúdentaráðs Winches-
ter-skólans, Megan Ball, lýsti Thun-
berg sem „frábærri fyrirmynd fyrir
alla sem mælir hátt og stolt um mik-
ilvæg alþjóðleg málefni“ en sagði
ráðið ekki geta stutt tilvist stytt-
unnar. „Á tímum kórónukreppu hef-
ur fjöldi stúdenta eiginlega ekki
komist inn á skólalóðina, margir
þeirra reyndu að stunda nám sitt á
netinu og eru í sárri þörf eftir að-
stoð. Við hvetjum háskólann til að
auka framlög til stuðnings stúd-
entum um sömu upphæð og styttan
kostaði, eða 23.760 pund. Við skor-
um á hann að taka á vanda stúdenta
með auknum fjárveitingum,“ sagði
stúdentaráðið í yfirlýsingu.
Yfirmenn háskólans sögðust vona
að styttan yrði táknræn fyrir þá
skuldbindingu skólans að berjast
gegn hlýnun andrúmsloftsins og
annarri umhverfisnauð. „Greta er
ung kona sem þrátt fyrir mótlæti í
lífi sínu er orðinn alþjóðalegur um-
hverfislegur aðgerðarsinni. Sem há-
skóli endurnýjunar og félagslegs
réttlætis erum við stolt af því að
geta heiðrað hina andlega hvetjandi
með þessum hætti. Við vitum að hún
er umdeild en sem háskóli fögnum
við rökræðum og hörðu samtali.
Vonandi verður styttan samfélagi
okkar sem innblástur er minnir okk-
ur á að það er alveg sama hvað við
fáum í fangið, við getum alltaf breytt
veröldinni til hins betra,“ segir
Winchester-skólinn í tilkynningu.“
Deilt á styttu af
Gretu Thunberg
- Dýr stytta dregur að sér gagnrýni
AFP
Greta Ekki voru allir sáttir við
styttuna af Gretu Thunberg.
Stoð Bíldshöfða, Stoð Hafnarfirði, stod.is
ntar þig góða
aupaskó
r páskafríið?
Va
hl
fyri
Haustið 2019 keypti ég mína fystu HOKA utanveghlaupaskó og hef
varla farið í aðra hlaupaskó síðan. Hleyp á þeim bæði utanvega og
á malbiki og er hætt að finna fyrir verkjum í hnjám, sem oft voru að
hrjá mig eftir löng hlaup. Skórnir eru léttir og mjúkir en veita á sama
tíma mikinn stuðning.
Þeir brúa bilið milli hlaupa- og fjallgönguskóa og einfaldlega hvetja
mann til þess að hlaupa lengra.
Elísabet Jónsdóttir,
áhugafjallahlaupari