Bændablaðið - 24.06.2021, Qupperneq 32

Bændablaðið | Fimmtudagur 24. júní 202132
LÍF&STARF
Tveggja ára jarðræktartilraunir með lífrænan „vandamálaúrgang“:
Nýta „fiskeldismykju”, mannaseyru, moltu,
brennistein og fleira sem áburð
Á dögunum fór fram undir-
búningur og hráefnaöflun fyr ir
fyrstu jarðræktar tilraunir hjá
Landgræðslunni og Landbúnaðar-
háskóla Íslands. Verkefnið er til
tveggja ára en jarðræktar tilraunir
verða endurskoðaðar og endur-
teknar næsta sumar. Að verk-
efninu koma Matís, Atmonia,
Landbúnaðarháskóli Í slands,
Landgræðslan, Hafró og Lands-
virkjun.
Starfsmenn Matís hafa staðið í
ströngu við að safna hráefnum og
útbúa áburðarblöndur fyrir verk-
efnið Sjálfbær áburðarvinnsla sem
styrkt var af Markáætlun Rannís.
Í verkefninu er unnið að því að
kortleggja magn lífrænna auka-
hráefna og vandamálaúrgangs sem
fellur til á Íslandi með það í huga
að nýta hann í landgræðslu og til
jarðræktar.
Nýsköpunarfyrirtækið Atmonia
tekur einnig þátt í verkefninu en
fyrirtækið þróar umhverfisvænan
framleiðsluferil fyrir köfnunarefn-
isáburð.
Nýting á lífrænu hráefni sem til
fellur hjá íslenskum iðnaði
Með aukinni nýtingu þess lífræna
hráefnis sem til fellur hjá íslenskum
iðnaði og blöndun þess við mikil-
væg næringarefni, svo sem köfn-
unarefnis og brennisteins, er hægt
að draga verulega úr innflutningi á
tilbúnum áburði. Um leið er hægt að
loka hringrásinni og minnka losun
gróðurhúsalofttegunda.
Meðhöndlun og notkun lífrænna
hráefna í áburð fylgir oft mikið
umstang auk þess sem slík með-
höndlun er kostnaðarsöm. Mikið
magn hráefna þarf jafnan til að upp-
fylla næringarþörf í landbúnaði og
landgræðslu auk þess að næringar-
samsetningin er ekki alltaf eins og
best verður á kosið. Í verkefninu
verður því leitast við að finna leiðir
til að bæta lífræn áburðarefni og
draga um leið úr flutningskostnaði
og útblæstri.
Unnið úr „ vandamálaúrgangi“
Í ti lraunum sumarsins er áhersla
lögð á hráefni sem unnin hafa
verið úr „ vandamálaúrgangi“ , þ.e.
sláturúrgangi, matarleifum og
seyru. Gerðar verða prófanir með
„ f iskeldismykju“ , mannaseyru,
þrjár moltutegundir, kjötmjöl,
bokashi, kúamykju og kjúklinga-
skít. Hráefnin verða borin á jarð-
ræktarsvæði í vor, annars vegar
óblönduð og hins vegar með við-
bættu köfnunarefni og brennistein.
Seyran kalkblönduð
Marvin Ingi Einarsson er tengiliður
verkefnisins hjá Matís. Hann segir
að seyran sem fengin var komi frá
Hveragerði. Er hún skilin úr skólp-
inu og ekki meðhöndluð að öðru
leyti en því
að í hana er bætt kalki til að hún
standist reglugerð.
Úr þessari jarðgerðarti lraun
vonast menn til að fá mikilvægan
samanburð á efnum sem notuð
eru, auk samanburðar við tilbúinn
áburð. Niðurstöðurnar munu varpa
ljósi á gæði þessara hráefna, hvort
hægt sé að nota minna hráefni ef
næringarsamsetningin er stillt af
og hvort þau séu fýsilegur kostur
í landbúnaði og landgræðslu.
/HKr.
Jónas Baldursson og Ragnhildur Friðriksdóttir, starfsmenn Matís, að vinna með moltu. Matís fékk þrjár tegundir
af moltu til að prófa, m.a. frá gas- og jarðgerðarstöðinni GAJA sem er í eigu Sorpu. Sú molta reyndist ónothæf
vegna aukaefna sem í henni eru. Þurfti reyndar undanþágu frá reglum til að gera prófanir með notkun hennar á
afmörkuðu svæði.
Úrgangi safnað fyrir jarðg
erðartil-
raunina.
Víkurvagnar ehf. – Hyrjarhöfði 8. – 110 Reykjavík
Sími 577-1090 – www.vikurvagnar.is – sala@vikurvagnar.is
STYRKUR, ÞJÓNUSTA OG ÁREIÐANLEIKI
MIKIÐ ÚRVAL KERRUVARAHLUTA
VÍKURVAGNAR EHF.
RAFMAGNSBÚNAÐUR
BREMSUR
BEISLI
DEKK
LJÓS
LED LJÓS
N1 kaupir 20 öflugar
hraðhleðslustöðvar
N1 hefur skr ifað undir
samning við Öskju um
kaup á 20 hraðhleðslu-
stöðvum en þær eru allt
að 400 kw og eru því
öflugustu hraðhleðslu-
stöðvar landsins. Með
kaupunum f j ölgar
hraðhleðslustöðvum N1
á lykilstaðsetningum
um þjóðvegi landsins á
næstu mánuðum.
„Já, við ætlum okkur
að halda áfram á þeirri
vegferð að vera leið-
andi í orkuskiptum í
samgöngum á Íslandi
og halda áfram að veita
viðskiptavinum okkar bestu mögu-
legu þjónustu. Við höfum metnað-
arfull markmið sem krefjast mikilla
fjárfestinga en þéttum með þessu
net hraðhleðslustöðva verulega,
viðskiptavinum okkar til hagsbóta,“
segir Hinrik Örn Bjarnason, fram-
kvæmdastjóri N1.
Sex stöðvar í Staðarskála
Fljótlega verður hafist handa við
að setja upp 400kW hraðhleðslu-
stöðvar í Staðarskála, en þar verða
allt að 6 stöðvar settar upp í sumar.
Í kjölfarið bætast við tvær stöðvar
til viðbótar við þær tvær sem nú
þegar eru í Borgarnesi og að því
loknu verður hafist handa við upp-
setningu á Suðurlandi. Þannig blasir
við að á næstunni bætast við öfl-
ugar hraðhleðslustöðvar á þjónustu-
stöðum N1 í Vík og á Egilsstöðum,
en nú þegar eru stöðvar í Lindum í
Kópavogi, Mosfellsbæ, Borgarnesi,
Blönduósi, Staðarskála, Hvolsvelli
og á Akureyri.
„Það er okkur ánægja að N1
hafi valið að ganga til samstarfs við
Öskju í þessu metnaðarfulla verkefni
en hleðslustöðvarnar frá Innogy eru
áreiðanlegar og hafa reynst mjög vel
víðs vegar um heiminn. Við fögnum
aukinni þjónustu við rafbílaeigendur
um allt land og óskum N1 til ham-
ingju með áfangann,“ segir Jón
Trausti Ólafsson, framkvæmdastjóri
Öskju. /MHH
Við undirskrift samningsins, frá vinstri, Jón Trausti
Ólafsson, framkvæmdastjóri Öskju, Magnús
Júlíusson, forstöðumaður Orkusviðs N1, Hinrik
Örn Bjarnason, framkvæmdastjóri N1, Berglind
Bergþórsdóttir, mannauðsstjóri Öskju og Jónas
Kári Eiríksson, forstöðumaður vörustýringar.