Fréttablaðið - 17.07.2021, Blaðsíða 54

Í verkunum er eins og
það hafi orðið samruni
náttúru og neysluvarn-
ings.
Leikinn verður
rjóminn af pró-
grammi Skuggamynda
undanfarin 11 ár svo
og nokkur íslensk
þjóðlög í austrænum
búningi.
Jörðin dafnar/Earth Abides er
yfirskrift sýningar Guðrúnar
Töru Sveinsdóttur í Harbinger
á Freyjugötu.
kolbrunb@frettabladid.is
Heiti sýningarinnar er fengið frá vís-
indaskáldsögunni Earth Abides eftir
George R. Stewart. Bókin kom út árið
1949 og hefur ratað á lista yfir bestu
vísindaskáldsögur allra tíma.
„Pabbi minn átti þessa bók sem
var á lestrarlista hjá honum í skóla í
Ameríku. Ég las bókina fyrir nokkr-
um árum. Hún fjallar um eyðingu
nánast alls mannkyns vegna drep-
sóttar. Örfáar manneskjur eru á lífi
og í bókinni er því lýst hvernig borgir
og náttúra taka við sér og inn á milli
eru vísindalegar útskýringar, til
dæmis á því hvað verði um hundana,
rotturnar, kakkalakkana og vatns-
virkjanirnar. Þessi bók hefur haft
sterk áhrif á mig og listsköpun mína,“
segir Guðrún Tara.
Á sýningunni í Harbinger sýnir
hún fjölda skúlptúra. Þeir eru flestir
gerðir úr gifsafsteypum af umbúða-
pakkningum, lituðum með textíl-
litum, en einnig er að finna í þeim
tau, steina og önnur náttúruefni.
„Ég er mamma og listin verður meðal
annars til úr efnum sem finnast á
heimilinu. Ég er með algjöra söfn-
unaráráttu og sonur minn finnur oft
líka flotta hluti og kemur heim með
þá,“ segir Guðrún Tara.
Iðnaður og neysla
Margir hlutanna koma einnig úr
gönguferðum hennar á bersvæðum
og fjöruferðum með hundinn sinn,
hlutir sem hún segir stundum vera
erfitt að meta hvort séu af náttúr-
unnar hendi eður ei. „Mér finnst
ég vera í sporum eins konar fram-
tíðarmanneskju sem hefur auga
fyrir skrýtnum og skemmtilegum
hlutum. Í verkunum er eins og
það hafi orðið samruni náttúru og
neysluvarnings.“
Uppruni efna, vinnsla þeirra og
afdrif í umhverfinu eru Guðrúnu
Töru hugleikin. „Ég lærði bæði fata-
hönnun og myndlist og nota oft
gifs og textíl við gerð verkanna. Allt
sem ég geri hefur vísanir í iðnað og
neyslu.“
Í stað hefðbundinna stöpla hefur
Guðrún Tara kosið að koma verk-
unum fyrir á stöplum úr viðar-
drumbum og grjóti. Þannig verður
skírskotunin til náttúrunnar enn
skýrari en ella.
Sterk samfélagsvitund
Verkin á sýningunni, þar sem iðnað-
arvarningur er áberandi, hljóta að
minna áhorfandann á að maðurinn
er að menga jörðina „Þetta á líka að
minna á það að ef við hverfum þá
mun jörðin halda áfram að finna
sína leið til að vera til.“
Spurð hvort hún sé pólitískur
listamaður segir Guðrún Tara: „Já,
og ég hef barist fyrir því að það sé
kúl. Það er ekki auðvelt því þetta er
viðkvæmt fyrir fólki, líka innan
myndlistarinnar. Ég tel mig vera á
óræðu svæði þar sem pólitíkin er
ekki æpandi, en drif krafturinn í
öllu sem ég geri er sterk samfélags-
vitund.“
Sýning hennar í Harbinger stend-
ur til 21. ágúst og opið er í Harbin-
ger föstudaga og laugardaga á milli
klukkan 14 og 17. n
Í sporum framtíðarmanneskju
Allt sem ég geri hefur vísanir í iðnað og neyslu, segir Guðrún Tara. FRÉTTABLAÐIÐ/ÓTTAR
Verkin eru á
stöplum úr
viðardrumbum
og grjóti.
kolbrunb@frettabladid.is
Sunnudaginn 18. júlí kl. 16 mun
hljómsveitin Skuggamyndir frá
Býsans halda tónleika í Hallgríms-
kirkju í Saurbæ, Hvalfirði, en þetta
er í þriðja sinn sem hljómsveitin
leikur í kirkjunni. Hljómsveitin
leikur tónlist frá Suðaustur-Evrópu
sem oft nefnist balkantónlist, en sú
tónlist er annáluð fyrir dulúð og til-
finningahita.
Hljómsveitin hefur verið starf-
rækt í 11 ár og leikið á yfir 400 við-
burðum á Íslandi en einnig á tón-
listarhátíð í Norður-Makedóníu
sem og komið fram í Færeyjum.
Skuggamyndir hafa gefið út tvo
geisladiska í fullri lengd og eina
rafræna stuttskífu. Leikinn verður
rjóminn af prógrammi Skugga-
mynda undanfarin 11 ár svo og
nokkur íslensk þjóðlög í austrænum
búningi. Hljómsveitina skipa þeir
Haukur Gröndal, Ásgeir Ásgeirsson,
Erik Qvick og Þorgrímur Jónsson. n
Skuggamyndir í
Saurbæ
Skuggamyndir frá Býsans halda tón-
leika í Hallgrímskirkju í Saurbæ.
stod2.is
MENNING FRÉTTABLAÐIÐ 17. júlí 2021 LAUGARDAGUR