Fréttablaðið - 17.07.2021, Page 64

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
n Bakþankar
Ég var að vinna í Keflavík fyrir
mörgum árum þegar amerískur
her var enn á Miðnesheiði. Fjöl-
margir störfuðu á vegum hersins
og stundum heyrði ég talað um
„hirðusama starfsmenn“. Þeir voru
sagðir stela öllu sem þeir komu
höndum yfir á herstöðinni. Sum
heimili voru sneisafull af alls konar
glingri og drasli frá Kananum sem
hinir „hirðusömu“ voru taldir hafa
tekið ófrjálsri hendi.
Mér datt þetta í hug á yfirstöðnu
Evrópumóti í fótbolta. Margir
leikmenn lögðu sig alla fram við að
blekkja dómarann með leikrænum
tilburðum. Stórir og stæðilegir karl-
menn hrundu niður eins og skotnir
svanir við minnstu snertingu.
Tilgangurinn var að fá ódýra auka-
spyrnu eða víti í tvísýnum leik.
Lýsendur leikjanna kölluðu þessar
blekkingar „klókindi“ og dáðust
að óheiðarleika þessara manna.
Fremstir meðal jafningja í þessu
fótboltasvindli voru Englendingar
sem virtust vera með niðurfalls-
sýki. Þeir duttu eftir pöntun og
heimtuðu dómaraflaut. Englend-
ingar unnu einmitt Dani með slíku
dramatísku leikatriði. „Klókindi“
viðkomandi leikmanns voru lofuð í
hástert af sjónvarpsmönnum.
Hvað eiga þjálfarar í yngri
flokkunum að gera? Ráðleggja
lærisveinum sínum klókindi og
gera allt til að blekkja dómarann?
Láta sig detta með tilþrifum í tíma
og ótíma? Hvað varð um íþrótta-
andann? Helgar tilgangurinn alltaf
meðalið? Á að skilgreina svindl sem
klókindi? Mestu skipti að allt fór
vel að lokum. Baráttuglaðir Ítalir
sigruðu. Enskir fóru sneyptir og
grátandi heim eins og forðum þegar
þeir sigldu með herflota sinn frá
Íslandsmiðum. Hallgrímur Péturs-
son kemur upp í hugann þegar
hann segir:
Sjá hér hvað illan enda
ótryggð og svikin fá. n
Klókindi
SUMARFRÍ
26 kr.
4 VIKUR
AFSLÁTTUR
Skráðu þig á orkan.is
FRÉTTIR, FÓLK &
MENNING
á Hringbraut