Ásgarður : blað starfsmanna ríkis og bæja - 01.12.1964, Page 23

Vísnabálkur Ásgarðs
Það virðist svo, sem opinberir starfs-
menn yrki ekki nema á bandalagsþingum.
Að minnsta kosti hefur Asgarður ekki
fengið sendar neinar aðrar vísur frá þeim,
þrátt fyrir áskoranir.
Nú er bandalagsþingi nýlokið og birtast
því þingvísur, sem Ludvig C. Magnússon
safnaði eins og fyrr.
Við höfum ekki ennþá birt mynd af Lud-
vig, en látum að þessu sinni nægja eftir-
farandi lýsingu, sem R. R. frá Akureyri
gaf á honum:
Loksins hitti ég Ludvig C.
ljóðmæringinn snjalla.
Eins og ég það aldna tré
er með beran skalla.
Vegna breytingatillögu, sem samþykkt
var við tillögu um samningsrétt orti Stefán
Jónsson, kennari, þetta um Kjaradóm:
Það er ámælisvert að efast um hlutleysi
manna
og auglýsa vantrú á réttsýni dómstólanna.
Það er ámælislaust og engum til nokkurs
meins
að auglýsa hitt: „Við treystum þeim ekki
til neins“.
Allmikið var rætt um mismunandi bar-
áttuaðferðir í launamálum og gaf H. O.
frá ísafirði eftirfarandi skilgreiningu á
sjónarmiðum manna:
Allir vilja efla og tryggja sinn hag.
Einn vill biðja — hinn vill fara í slag.
Hvort er betra bænamál eða gassi?
Ber oss frekar að hlífa knjám en rassi?
Umræður urðu snarpar á köflum, þannig
að hógværum mönnum eins og Ludvig C.
varð nóg um. Hann orti:
Bálvondir og blánandi
býsnast kappar öskrandi.
Heiftarorðin hriktandi
hrökkva frá þeim skjálfandi.
Að bandalagsþingi loknu bauð Gunnar
Thoroddsen, fjármálaráðherra, þingheimi
til góðrar veizlu í ráðherrabústaðnum. Þar
orti Páll Bergþórsson, veðurfræðingur:
Sviptum burt með söng og brag
sundurlyndis böli.
Sitjum öll í sátt í dag
sæl að Gunnars öli.
Þetta líkaði gestgjafanum vel, og fjár-
málaráðherra svaraði að bragði:
Nú er allra veðra von
vík frá oss öllu böli.
Blessaður Páll minn Bergþórsson
bergðu á Gunnars öli.
ÁSGARÐUR 23