Morgunblaðið - 06.05.2021, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 6. MAÍ 2021
arfsmannafatnaður
rir hótel og veitingahús
Hótelrúmföt
Sérhæfum okkur í sölu á rúmfatnaði
og öðru líni fyrir hótel
Höfðabakka 9, 110 Reykjavík | Sími 561 9200 | kristin@run.is | www.eddaehf.is
Eigum allt fyrir:
• Þjóninn
• Kokkinn
• Gestamóttökuna
• Þernuna
• Hótelstjórnandann
Njótum
sumarsins
Guðni Einarsson
gudni@mbl.is
Alls 6.179 ferðamenn frá 48 löndum í
sex heimsálfum, sem heimsóttu Týr-
ól í Austurríki í febrúar og mars 2020
þegar kórónuveiran breiddist þar út
eins og eldur í sinu, hafa gefið aust-
urrísku neytendasamtökunum Der
Verbraucherschutzverein (VSV) í
Vín skýrslu. Þrír Íslendingar eru
þeirra á meðal.
Langflestir í hópnum eru frá
Þýskalandi eða 3.981. Þar á eftir
koma 798 Hollendingar, 229 Austur-
ríkismenn, 223 frá Stóra-Bretlandi,
162 Belgar, 156 Svisslendingar, 85
Danir, 73 Svíar og 52 Norðmenn svo
stærstu hóparnir séu taldir upp.
Flestir, eða 73%, höfðu dvalið í skíða-
bænum Ischgl. Langflestir í hópn-
um, eða 80%, reyndust hafa smitast
af Covid-19, samkvæmt upplýsing-
um frá VSV.
Af þeim sem gáfu skýrslur þurftu
42 að dvelja á gjörgæsludeild og 109
að liggja á sjúkrahúsi. Dauðsföll sem
tengdust einhverjum í hópnum voru
32 talsins, flest á meðal Þjóðverja
eða 22. Á meðal hinna látnu voru
einn Dani og einn Norðmaður.
Málsókn undirbúin
Dr. Peter Kolba, formaður VSV,
segir að um 1.500 úr hópnum hafi nú
þegar veitt VSV umboð til að fara
með mál sín fyrir dómstóla. Meira en
eitt þúsund þeirra eiga aðild að rann-
sókn saksóknarans í Innsbruck. Mál
þeirra verða því könnuð nánar.
VSV hefur einnig aðstoðað fórnar-
lömb faraldursins, sem eru með mál-
sóknartryggingu, við að fara í mál
við austurríska ríkið og krefjast
skaðabóta vegna veikinda og dauðs-
falla. VSV mun einnig standa fyrir
hópmálsókn fyrir fórnarlömb sem
ekki eru með málsóknartryggingu.
Viðræður standa yfir um fjármögn-
un á málskostnaðinum.
VSV kannaði hvort fólk sem þurfti
að yfirgefa hótel og gististaði fyrr en
áætlað var vegna faraldursins hefði
fengið ónýttar gistinætur endur-
greiddar. Það höfðu rúm 20% þeirra
sem svöruðu fengið en tæplega 80%
ekki. VSV er að kanna hvort grípa
þurfi til aðgerða til að fólk fái endur-
greiðslu.
Þrír Íslendingar eru í hópnum
- Fjöldi fólks frá 48 löndum hefur gefið
skýrslur um smitið í Týról í Austurríki
AFP
Austurríki Þar eru mörg vinsæl skíðasvæði og fólk hefur flykkst þangað í
vetrarfríum. Kórónuveirufaraldurinn dró stórt strik yfir þær ferðir.
Andrés Magnússon
andres@vb.is
Halldór Benjamín Þorbergsson,
framkvæmdastjóri Samtaka at-
vinnulífsins (SA), segir að allar for-
sendur efnahags- og atvinnulífs, þar
á meðal forsendur kjarasamninga,
hafi fokið út í veður og vind með
heimsfaraldrinum. Þar hafi mestu
varðað að viðhalda ráðning-
arsambandi launþega og vinnuveit-
enda.
„Það er hrollvekjandi að hugsa til
þess að fyrir aðeins ári voru hópar í
samfélaginu, sem töldu [faraldurinn]
aðeins vera minni háttar hraða-
hindrun, sem ekki væri sérstök
ástæða til þess að bregðast við,“ seg-
ir Halldór Benjamín og vísar til sam-
tals SA og verkalýðshreyfingar. „Við
fórum í gegnum launahækkun í upp-
hafi kreppunnar, sem ég tel að hafi
verið mjög misráðin og ég held að
við þurfum að halda því samtali til
haga.“ Lífskjarasamningarnir fyrir
tveimur árum hafi miðað við allt aðr-
ar aðstæður, en verkalýðshreyfingin
ekki tekið í mál að hrófla við því þeg-
ar allar forsendur breytist á einni
nóttu.
„Afleiðingarnar af launahækk-
unum í kreppu verða þær að at-
vinnuleysi verður meira en ella, við-
spyrnan verður hægari en ella og
verðbólgan mun fara af stað. Og
hvað hefur gerst? Nákvæmlega það,
sem varað var við,“ segir Halldór
Benjamín.
Samt bjartsýnn
Halldór er samt sem áður frekar
bjartsýnn, ýmis jákvæð teikn séu á
lofti og merkja megi að fólk og fyrir-
tæki hafi trú á Íslandi og framtíð-
inni.
„Við erum sannfærð um að það sé
fjölda tækifæra að sækja á Íslandi á
næstu misserum og það er ekki
bundið við einhverja eina atvinnu-
grein.“ Hann telur ferðaþjónustuna
skjótt geta náð fyrri styrk, þar sem
eldgosið kunni að reynast happ-
drættisvinningur.
Halldór segir þetta ekki gerast af
sjálfu sér og það muni reyna á
stjórnvöld á næstunni, að þau þori
að greiða götu atvinnulífsins.
Ástandið erfið-
ara en þyrfti
- Halldór Benjamín í Dagmálum
Morgunblaðið/Hallur
Atvinnulíf Halldór Benjamín Þorbergsson, framkvæmdastjóri Samtaka atvinnulífsins, er gestur í Dagmálum í dag.
Rannsóknarnefnd samgönguslysa
segir í nýrri skýrslu að verktaki, sem
var tímabundinn veghaldari á Vest-
urlandsvegi, hafi átt að stöðva um-
ferð um veginn þegar grunur var
uppi um að nýlagt malbik uppfyllti
ekki kröfur um vegviðnám, en blæð-
inga varð vart strax um morguninn
eftir lögnina.
Í skýrslunni er fjallað um banaslys
sem varð síðdegis á Vesturlandsvegi
í júní á síðasta ári. Þá var fjórum bif-
hjólum ekið suður Vesturlandsveg.
Ökumaður fremsta hjólsins missti
stjórn á hjóli sínu á hálu nýlögðu
malbiki og féll hjólið í götuna. Auk
ökumanns var einn farþegi á hjólinu
og runnu hjólið, ökumaðurinn og far-
þeginn yfir á rangan vegarhelming
framan á bifreið sem ekið var úr
gagnstæðri átt. Bæði ökumaður og
farþegi bifhjólsins létust í slysinu.
Ökumaður næstfremsta bifhjólsins
missti einnig stjórn á hjóli sínu
vegna ástands malbiksins. Hann
rann út af veginum og slasaðist.
Fram kemur í skýrslunni, að dag-
inn sem slysið varð hafi miklar blæð-
ingar sést á vegkaflanum þar sem
slysið varð en vegviðnámið var ekki
mælt fyrr en daginn eftir slysið.
Stórir feitir blettir voru í hjólförum
akreina í báðar áttir og regnvatn á
veginum jók enn á hálkuna og hættu
á slysum, að því er segir í skýrslunni.
Rannsóknarnefndin beinir í sinni
skýrslu þeirri tillögu til Samgöngu-
stofu að hún taki til skoðunar hvort
þörf sé á bindandi reglum um örygg-
isúttektir að loknum viðhalds- og ný-
framkvæmdum á vegum.
Þá segir nefndin að malbiksfram-
leiðsla hafi ekki staðist gæðakröfur
og er þeirri tillögu beint til framleið-
anda malbiksins að yfirfara alla
verkferla og gæðaeftirlit með mal-
biksframleiðslu sinni.
Bar að stöðva um-
ferð vegna malbiks
- Rannsóknarnefnd
samgönguslysa skilar
skýrslu um banaslys
Morgunblaðið/Eggert
Mótmæli Bifhjólafólk framan við
hús Vegagerðarinnar eftir slysið.