Morgunblaðið - 06.05.2021, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 6. MAÍ 2021
Flottu vínyl gólfmotturnar frá Beija
Henta vel fyrir heimilið, sumarbústaðinn og vinnustaðinn
Þið finnið okkur á Facebook Kaia.homedecor
Einnig er hægt að hafa samband við okkur
í síma 822 7771 eða 822 7772
Sigtryggur Sigtryggsson
sisi@mbl.is
Mjög þurrt hefur verið í Reykjavík
það sem af er þessu ári, að því er
fram kemur í nýbirtu tíðarfars-
yfirliti Veðurstofu Íslands.
Heildarúrkoma fyrstu fjóra mán-
uði ársins var 193,5 millimetrar,
sem er um 60% af meðalúrkomu
áranna 1991 til 2020. Mánuðirnir
fjórir hafa ekki verið jafnþurrir frá
1995 í Reykjavík, eða í rúman ald-
arfjórðung. Og fyrstu dagar maí
hafa einnig verið mjög þurrir.
Á Akureyri hefur heildarúrkoma
mánaðanna fjögurra mælst 200,9
millimetrar, sem er um 10% um-
fram meðalúrkomu áranna 1991 til
2020. Heildarúrkoma það sem af er
ári hefur mælst meiri á Akureyri
heldur en í Reykjavík sem er nokk-
uð sjaldgjæft, segir Veðurstofan.
Meðalhiti í Reykjavík fyrstu
fjóra mánuði ársins var 2,0 stig
sem er 0,5 stigum yfir meðallagi
áranna 1991 til 2020 en jafn með-
alhita síðustu tíu ára. Meðalhitinn
raðast í 23. til 25. sæti á lista 151
árs. Á Akureyri var meðalhiti mán-
aðanna fjögurra 0,5 stig. Það er 0,2
stigum yfir meðallagi áranna 1991
til 2020, en 0,4 stigum undir með-
allagi síðustu tíu ára. Meðalhitinn
þar raðast í 29. sæti á lista 141 árs
samfelldra mælinga.
Svalur apríl er að baki
Eins og fram kom í blaðinu í gær
var nýliðinn apríl fremur svalur á
landinu öllu. Meðalhiti í Reykjavík
í apríl var 3,5 stig og er það -0,2
stig- um undir meðallagi áranna
1991 til 2020, en -0,5 stigum undir
meðallagi síðustu tíu ára. Á Ak-
ureyri var meðalhitinn 2,8 stig, 0,2
stigum yfir meðallagi áranna 1991
til 2020, en -0,4 stigum undir með-
allagi síðustu tíu ára. Hitinn í
Reykjavík lendir í 57. sæti af mæl-
ingum sem staðið hafa yfir í 151 ár
samfellt. Á Akureyri raðast hann í
46. sæti af 141 mælingu.
Byrjun maí hefur verið í svalara
lagi en þó ekki afbrigðilega samt,
segir Trausti Jónsson veðurfræði-
ingur. Og hlýindi er ekki að sjá í
spám næstu daga. „En það fer
samt afskaplega vel með veður,“
segir Trausti.
- Úrkoman í Reykjavík aðeins 60% af meðalúrkomu - Meira rigndi nyrðra
Morgunblaðið/Kristinn Magnússon
Á skautum Vel hefur viðrað til úti-
vistar í Reykjavík að undanförnu og
fólk hefur notfært sér það óspart.
Mesta þurrviðri í aldarfjórðung
Landhelgisgæslan hefur fengið þriðju leiguþyrluna til lands-
ins af gerðinni Airbus Super Puma EC225. Þyrlan hefur
fengið einkennisstafina TF-GNA en fyrir eru TF-EIR og TF-
GRO. Nýja vélin kemur með svipuðum tækjabúnaði, eins og
hitamyndavél sem sést hér fremst undir nefi þyrlunnar.
Þyrlan er nýrri en hinar, árgerð 2014, á meðan EIR og
GRO eru árgerð 2010. Síðast var Gæslan með þrjár þyrlur til
taks í lok desember 2019. Formlega kemst TF-GNA í rekstur
í lok næstu viku. Að sögn Ásgeirs Erlendssonar upplýsinga-
fulltrúa verður unnið að því næstu daga að ljúka skráningu
þyrlunnar ásamt því að yfirfara vélina fyrir útkallsstörf.
Höskuldur Ólafsson, tæknistjóri Gæslunnar, lengst til
vinstri, Georg Kr. Lárusson forstjóri og Ólöf Birna Ólafs-
dóttir flugrekstrarstjóri ræða hér við Jón Erlendsson yfir-
flugvirkja (annar frá vinstri) við komuna til Reykjavíkur-
flugvallar á þriðjudagskvöld. Jón var í áhöfninni sem flaug
þyrlunni til landsins.
Lagt var af stað frá Stafangri í Noregi að morgni þriðju-
dags, þaðan flogið til Hjaltlandseyja, síðan Þórshafnar í
Færeyjum og loks til Íslands, með stuttri viðkomu á Egils-
stöðum.
Morgunblaðið/Árni Sæberg
Þrjár þyrlur Gæslunnar síðast til taks undir lok árs 2019
Karítas Ríkharðsdóttir
karitas@mbl.is
Katrín Jakobsdóttir, forsætisráð-
herra og formaður Vinstri hreyfing-
arinnar – græns framboðs, lagði
áherslu á sér-
stöðu Íslands
meðal vestrænna
þjóða í öryggis-
og varnarbanda-
lagi þeirra, í er-
indi sínu á vef-
stefnu Varðbergs
í dag, en sú sér-
staða væri fólgin í
því að Íslending-
ar hefðu ávallt
verið herlaus
þjóð og þátttaka okkar í varnarsam-
starfinu því á borgaralegum for-
sendum.
Sagði Katrín jafnframt að Ísland
legði áherslu á friðsamlegar lausnir
og góð samskipti við bandalagsþjóð-
irnar. Þá hefðu samskipti Íslands og
Bandaríkjanna undanfarna áratugi
byggst á þeim gildum og leit að sam-
eiginlegum lausnum.
Varðberg, samtök um vestræna
samvinnu og alþjóðamál, stóð fyrir
vefstefnunni í tilefni af því að sjötíu
ár voru liðin í gær frá undirritun
varnarsamnings Íslands við Banda-
ríkin, og fluttu fulltrúar allra stjórn-
málaflokka á Alþingi ávarp af því til-
efni.
VG fylgi öryggisstefnunni
Vinstri grænir hafa haft úrsögn
Íslands úr Atlantshafsbandalaginu á
stefnuskrá sinni frá stofnun flokks-
ins, sem og að Ísland biðjist afsök-
unar á þátttöku sinni í hernaðarað-
gerðum á þess vegum, og vék Katrín
að þeirri afstöðu flokksins, um leið
og hún sagði að varnarsamningurinn
og aðildin væru grundvallarþættir í
samþykktri þjóðaröryggisstefnu Ís-
lands. „Þó að minn flokkur, Vinstri
hreyfingin – grænt framboð, sé and-
vígur aðild Íslands að Atlantshafs-
bandalaginu þá höfum við ákveðið að
fylgja hinni samþykktu þjóðarör-
yggisstefnu og höfum gert það í
þeirri ríkisstjórn sem ég hef leitt
undanfarin ár,“ sagði Katrín í ávarpi
sínu í tilefni dagsins.
Katrín vék einnig að öryggis- og
varnarmálum framtíðarinnar. Hún
sagði mynd af fjölþátta ógnum hafa
breyst og orðið fjölbreyttari frá því
þjóðaröryggisstefna Íslands var
samþykkt. Þar hafi heimsfaraldur-
inn reynst ein stærsta öryggisógnin
sem við höfum glímt við.
Leggi áherslu á
friðsamar lausnir
- Katrín ávarpaði vefstefnu Varðbergs
Katrín
Jakobsdóttir