Morgunblaðið - 13.05.2021, Blaðsíða 26

26 FRÉTTIRInnlent
MORGUNBLAÐIÐ FIMMTUDAGUR 13. MAÍ 2021
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
AYJA - K129
3ja sæta, 2ja sæta og stóll.
Margir litir af áklæði eða leðri.
Komið og skoðið úrvalið
Kartell
Skeifunni 8 | Kringlunni | Glerártorgi | Sími 588 0640 | casa.is
JELLIESMATARSTELL
Glæsilegur borðbúnaður úr slitsterku plasti
Fullkomið í húsbílinn – fellihýsið
– á pallinn – í sumarbústaðinn
Hönnun: Patricia Urquiola
hann hlustaði ekki á þær, enda
ekki hjátrúarfullur maður. Aðrir
hvöttu hann til að byrja á þessum
degi.
„Ekki síst var það pabbi sem
hvatti mig til að byrja föstudaginn
þrettánda og rifjaði upp sögu úr
Slippstöðinni frá því þeir réðu þar
ríkjum, afi Skapti og hann, seint á
sjöunda áratugnum. Þá var verið
að smíða stálskipið Eldborg
GK-13, skipið var tilbúið til af-
hendingar á 12. degi mánaðarins
en útgerðarmaðurinn vildi endi-
lega taka við því hinn 13. Hann sá
jafnframt til þess að 13 meðlimir
úr fjölskyldunni yrðu viðstaddir
afhendinguna. Pabbi mundi eftir
þessu, og hann sagði engan vafa
uppi um að ég ætti að opna vefinn
föstudaginn þrettánda. Ég lét bara
vaða og það hefur greinilega ekki
skemmt fyrir,“ segir Skapti.
Hann segist hafa rennt blint í
sjóinn með þetta verkefni, og við-
tökurnar verið framar vonum.
Björn Jóhann Björnsson
bjb@mbl.is
„Viðtökurnar hafa verið hreint út
sagt frábærar, sem ég er auðvitað
mjög þakklátur fyrir. Greinilegt er
að margir kunna að meta fjölmiðil
þar sem fjallað er ítarlega um
þetta samfélag með mörgum frétt-
um og greinum á hverjum degi,“
segir Skapti Hallgrímsson, rit-
stjóri á frétta- og mannlífsvefnum
Akureyri.net, sem fór í loftið fyrir
sléttum sex mánuðum, nánar til-
tekið föstudaginn 13. nóvember.
Síðan þá hafa verið skrifaðar um
1.500 fréttir, fjöldi aðsendra
greina og pistla birst, sem og gríð-
arlegt magn af myndum.
Þeir sem unnið hafa á fréttavef
hafa talað um að það sé dálítið
eins og að fæða og ala lítið barn,
sem hefur sínar þarfir allan sólar-
hringinn. Skapti tekur undir þetta,
ritstjórnarskrifstofa akureyri.net
er á heimili hans og vefurinn því
„litla barnið“.
Byrjaði 16 ára í
blaðamennskunni
Ritstjórinn býr að langri reynslu
í blaðamennsku. Hann byrjaði 16
ára menntskælingur að skrifa um
íþróttir á Akureyri fyrir Morgun-
blaðið og var síðan fastráðinn
starfsmaður blaðsins í 36 ár,
blaðamaður, fréttastjóri og ljós-
myndari, frá 1982 til 2018, fyrri
hluta þess árabils í höfuð-
stöðvunum í Reykjavík en á Akur-
eyri frá 2002.
Skapti er með nokkra pistlahöf-
unda á sínum snærum. Á meðal
þeirra eru Hildur Eir Bolladóttir,
Jón Óðinn Waage, Andrea Sigrún
Hjálmsdóttir, Sigurður Kristinsson
og Jóna Jónsdóttir og nýverið
bættist Guðrún Una Jónsdóttir í
hópinn, en hún skrifar um veiði.
Þá hefur Sverrir Páll Erlendsson
bæði skrifað pistla og fjallað um
menningarmál.
Skapti segist hafa fengið ein-
hverjar viðvaranir um að byrja
ekki á föstudeginum þrettánda en
Honum bauðst lénið akureyri.net
að láni skömmu eftir að honum var
sagt upp á Morgunblaðinu haustið
2018. Lénið hafði verið notað
nokkrum árum áður en legið niðri
um tíma.
Allt Reyni að „kenna“
„Ég var ekki alveg tilbúinn í
slaginn strax. Fór að sinna lausa-
mennsku í skrifum og ljósmyndun
en síðan fann ég þörfina á ný.
Fékk flott lið hjá hugbúnaðarfyr-
irtækinu Stefnu til að hanna fyrir
mig vefinn nákvæmlega eins og ég
vildi hafa hann. Ég fékk fljótt að
vita að fólk kunni að meta vefinn,“
segir Skapti.
Hann hefur verið eini starfs-
maður akureyri.net, skrifar fréttir
og pistla, tekur myndir og hefur
komið að því að safna auglýs-
ingum. „Á dögunum gat ég svo
ráðið viðskiptafræðinginn Ölmu,
dóttur mína, í vinnu, meðal annars
til þess að selja auglýsingar og
sinna markaðsmálum auk þess
sem hún sér um bókhaldið og alla
þá galdra. Svo verð ég að nefna
æskuvin minn, Reyni Eiríksson,
því þetta er eiginlega allt honum
að kenna. Það var hans hugmynd
að við sóttum um djobbið hjá
Mogganum nýbyrjaðir í mennta-
skóla og ég gegndi. Hann hvatti
mig svo mjög til þess að láta vaða
með Akureyri.net og ég lét auðvit-
að tilleiðast – þegar hann sagðist
myndu hjálpa mér að halda utan
um fjármálin! Við stofnuðum sam-
an félagið Eigin herra ehf. um
rekstur vefsins, og þá fannst mér
ég loksins orðinn alvöru eigin
herra, sem er ansi gott,“ sagði
Skapti og bætir við:
„Ég hef lagt mikið upp úr því að
hafa vefinn lifandi alla daga og
setja inn efni um allt það helsta
sem er í gangi, hvort sem það eru
hefðbundin fréttamál, íþróttir,
menningin eða mannlífið almennt.
Ég birti margar ljósmyndir dag-
lega af því helsta sem gerist og
einnig birtist vikulega á vefnum
gömul mynd frá Minjasafninu.
Fólki býðst að senda safninu upp-
lýsingar og það er geysilega vin-
sælt efni,“ segir Skapti en auk
frétta og pistla hefur einnig verið
tekið á móti minningargreinum.
7.500 innlit einn daginn
Spurður um aðsókn á vefinn
segist hann mjög sáttur og nefnir
sem dæmi að dag einn í síðustu
viku voru rúmlega 7.500 innlit á
vefinn. Það hljóti að teljast mjög
gott í 19 þúsund manna samfélagi.
„Lesturinn hefur verið stöðugur
og góður. Sala auglýsinga hefur
gengið ágætlega en mætti auðvitað
vera meiri. Styrkjakerfinu hefur
verið vel tekið, en fólki og fyrir-
tækjum býðst að styrkja vefinn
með reglulegum framlögum. Ég
hef sem dæmi tekið fengið fín við-
brögð frá Akureyringum búsettum
erlendis, sem vilja fylgjast með
sinni gömlu heimabyggð. Þeir hafa
verið mjög þakklátir fyrir að það
hafi verið opnaður „gluggi heim til
Akureyrar“, eins og nokkrir þeirra
hafa orðað það,“ segir Skapti og
bendir á að hann fjalli um Akur-
eyri og Akureyringa hvar sem þeir
eru í heiminum, ekki aðeins um
fólk búsett í bænum.
Skapti er þakklátur fyrir jákvæð
viðbrögð, það sé gaman að geta
glatt nærsamfélagið. „Þetta er
vissulega langhlaup en markmiðið
er að festa vefinn í sessi því mér
finnst samfélagið eiga skilið góðan
fjölmiðil sem fjallar ítarlega um
nánast allt sem er að gerast
hérna,“ segir hann en töluvert hef-
ur verið vitnað í vefinn í öðrum
fjölmiðlum.
„Draumurinn er að geta þróað
vefinn áfram og jafnvel ráðið ann-
an blaðamann. Þá gæti ritstjórinn
hugsanlega tekið sér einn og einn
frídag, auk þess sem vefurinn yrði
örugglega fjölbreyttari og enn
skemmtilegri. Frídagana frá 13.
nóvember má víst telja á fingrum
annarrar handar enda nóg að
gera,“ segir Skapti og þar með er
ritstjórinn rokinn úr viðtalinu,
„barnið“ bíður eftir að því sé
sinnt.
Með nýtt barn á heimilinu
- Hefur haldið úti fréttavefnum akureyri.net í hálft ár - Fréttirnar orðnar
um 1.500 - Viðtökur mjög góðar - Hikaði ekki við að byrja föstudaginn 13.
Ritstjóri Skapti Hallgrímsson á skrifstofu sinni á heimilinu á Akureyri, þar
sem hann hefur skrifað daglega á vefinn akureyri.net síðasta hálfa árið.
Origo hefur keypt heilbrigðislausn-
ina Lumina af Lumina Medical Sol-
utions. Origo þróar sjúkraskrárkerf-
ið Sögu sem nýtt er af meginhluta
heilbrigðisstarfsfólks á Íslandi.
Fyrirtækið hyggst nýta Lumina-
lausnina í áframhaldandi þróun á
nýju notendaviðmóti Sögukerfisins.
Stefnt er að því að það komi á inn-
lendan markað á næstunni.
Guðjón Vilhjálmsson, forstöðu-
maður heilbrigðislausna Origo, segir
að þeir hafi lengi haft áhuga á þeim
nýstárlegu hugmyndum sem not-
endaviðmót Lumina byggist á.
Heilbrigðislausnin Lumina mun
gera læknum og hjúkrunarfræð-
ingum kleift að greina og skrá upp-
lýsingar um heilsufar sjúklings á
fjölmörgum tungumálum. Einnig að
senda lyfseðla í apótek og tilmæli til
sjúklings með mun hraðvirkari hætti
en gert er í dag.
Stefnan er sett á Spán með nýja
kerfið. Nafni Lumina Medical Sol-
utions verður breytt í Dicino vegna
sóknar á erlenda markaði. Fyrir-
tækið hefur fengið tíu milljóna styrk
frá Tækniþróunarsjóði til að sækja
inn á Spánarmarkað. Það hyggst
afla meira fjármagns til að hraða
tækniþróun og að efla sóknina á
Spáni. gudni@mbl.is
Hugbúnaður Frá gerð samnings,
f.v.: Guðjón Vilhjálmsson, Arnar F.
Reynisson og Steingrímur Árnason.
Origo
keypti
Lumina